<p>ទ្រព្យសម្បត្តិរបស់ អ្នកស្រី Sheryl Sandberg អគ្គនាយកប្រតិបត្តិ (COO) របស់ Facebook បានកើនឡើងលើសពី ១ពាន់លានដុល្លារអាមេរិក កាលពីម្សិលមិញនេះ ដោយសារតម្លៃមូល<br />បត្ររបស់ Facebook ឡើងខ្ពស់មិនធ្លាប់មានពីមុនមក គឺ ៥៨,៥ដុល្លារក្នុងមួយហ៊ុន នៅក្រុង<br /> New York ។</p>
<p style="text-align: center;"><a class="thickbox" title="" href="/FileManager/Commons/2014/1/22/f1-22-01-2014--22-49-45.jpg"><img src="/FileManager/Articles/mce/2014/1/22/f1-22-01-2014--22-49-45.jpg" alt="" width="454" height="302" /></a></p>
<p style="text-align: center;"><em>Sheryl Sandberg បច្ចុប្បន្ន គឺជាមហាសេដ្ឋីនី វ័យក្មេងបំផុតម្នាក់ ក្នុងពិភពលោក</em></p>
<p><br />យោងទំព័រ Bloomberg ជាមួយភាគហ៊ុនដែលមានតម្លៃ ៧៥០លានដុល្លារ រួមនឹងទ្រព្យសម្បត្តិ<br />ផ្សេងទៀត អគ្គនាយិការ វ័យ ៤៤ឆ្នាំ រូបនេះ បានក្លាយជាមហាសេដ្ឋីនី ក្មេងបំផុតមួយរូបក្នុងពិភពលោក។<br /><br />ចាប់តាំងពីក្រុមហ៊ុន Facebook បានធ្វើ IPO (ដាក់លក់មូលបត្រដំបូង) កាលពីឆ្នាំ ២០១២ អ្នកស្រី Sandberg ក៏រកបានប្រាក់ជាង ៣០០លានដុល្លារ ពីមូលបត្រ។ ទ្រព្យរបស់ Sandberg បានកើន<br />ឡើងបែបនេះ បានបង្ហាញថា ភាពសំខាន់របស់អ្នកស្រីនៅលើពិភពលោក កាន់តែកើនឡើងដូច<br />គ្នា។ Sandberg ក៏នឹងចូលរួមវេទិកាសេដ្ឋកិច្ចពិភពលោក (WEF) នៅ Davos ប្រទេសស្វីសនាពេលខាងមុខផងដែរ។</p>
<p>អ្នកស្រី Sandberg កើតឆ្នាំ ១៩៦៩ នៅ Washington, D.C នៅក្នុងគ្រួសារជនជាតិ ជ្វីហ្វ (Jewish) <br />មួយ។ Sandberg តែងតែជាសិស្សឆ្នើមជាងគេនៅក្នុងថ្នាក់រៀន ហើយនៅពេល Sandberg កំពុងសិក្សានៅវិទ្យាល័យ Sandberg ក៏បានឆ្លៀតពេលបង្រៀនហាត់ប្រាណផងដែរ។<br /><br />Sandberg បានបញ្ចប់ការសិក្សានៅសកលវិទ្យាល័យ Harvard ក្នុងឆ្នាំ ១៩៩១ ដោយទទួលបានបរិញ្ញាបត្រផ្នែកសេដ្ឋកិច្ច។ ឆ្នាំ ១៩៩៣ Sheryl Sandberg បានទទួលសញ្ញាបត្រអនុបណ្ឌិតផ្នែកគ្រប់គ្រងពាណិជ្ជកម្មពីសាលា Harvard Business School ។ អ្នកស្រី ត្រូវបានជ្រើសរើសឱ្យធ្វើជា<br />ជំនួយការរបស់អតីតរដ្ឋមន្ដ្រីនៃក្រសួងហិរញ្ញវត្ថុអាមេរិក Lawrence Summers ហើយបច្ចុប្បន្ន អ្នក<br />ស្រី Sheryl Sandberg គឺជាសមាជិកគណកម្មការគ្រប់គ្រងរបស់ Walt Disney និងជាម្ចាស់សៀវ<br />ភៅ “Lean In” ដែលនិយាយអំពីតួនាទីរបស់ស្ដ្រីក្នុងសង្គម។ Sandberg ក៏ធ្លាប់បានធ្វើការឱ្យក្រុម<br />ហ៊ុន Google និង Starbucks ។ <br /><br />ក្នុងត្រីមាសទី IV នៃឆ្នាំកន្លង Facebook រកបានប្រាក់ចំណូលពីការផ្សាយពាណិជ្ជកម្ម ចំនួន ១០០លានដុល្លារ ច្រើនជាងការវាយតម្លៃរបស់ក្រុមអ្នកវិភាគ។ លោក Ross Sandler អ្នកវិភាគនៃក្រុម<br />ហ៊ុន Deutsche Bank AG ថ្លែងថា ៖ “Facebook កំពុងតែមានការរីកចម្រើនខ្លាំង ដោយសារវិស័យឧបករណ៍ចល័ត”។</p>
<p style="text-align: center;"><a class="thickbox" title="" href="/FileManager/Commons/2014/1/22/f3-22-01-2014--22-56-26.PNG"><img src="/FileManager/Articles/mce/2014/1/22/f3-22-01-2014--22-56-26.PNG" alt="" width="430" height="411" /></a></p>
<p><br />គួររំឭកថា កាលពីឆ្នាំ ២០១៣ CEO របស់ Facebook គឺលោក Mark Zuckerberg រកប្រាក់បន្ថែម <br />បាន ១២,៤ពាន់លានដុល្លារ នេះបើយោងតាមទំព័រ Bloomberg ។ សហស្ថានិកផ្សេងទៀតរបស់ Facebook ក៏មានទ្រព្យកាន់តែកើនឡើងច្រើន។ សហស្ថាបនិក Dustin Moskovitz អាយុ ៣០ឆ្នាំ គឺជាអ្នកមានទី ១៧៤ ក្នុងពិភពលោក ដោយមានទ្រព្យ ៧,៤ពាន់លានដុល្លារ។ ចំណែកសហស្ថាប<br />និក Eduardo Saverin និង Chris Hughes មានទ្រព្យជាបន្ដបន្ទាប់ គឺ ៣,២ពាន់លានដុល្លារ និងជាង ៥០០លានដុល្លារ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/40571/the-9-most-common-mistakes-of-first-time-entrepreneurs"><span style="color: #3366ff;">កំហុសទូទៅ ដែលអ្នកជំនួញថ្មី តែងជួបប្រទះ</span></a></span></p>
<p><span style="color: #3366ff;"><a href="/News/Detail/58649/this-teenager-makes-half-a-million-a-year-just-by-shopping"><span style="color: #3366ff;">រកចំណូលកន្លះលានដុល្លារ ក្នុងមួយឆ្នាំៗ ដោយគ្រាន់តែដើរទិញ អីវ៉ាន់</span></a></span></p>
<p><span style="color: #3366ff;"><a href="/News/Detail/78012/obama-and-family-prepare-food-for-the-homeless-as-mlk-day-celebration"><span style="color: #3366ff;">គ្រួសារលោក Obama ធ្វើនំ សម្រាប់ជនអនាថា ក្នុងថ្ងៃបុណ្យជាតិ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Bloomberg<br /><br /></p>