<p><span style="font-size: 12px; color: #000000;">ចិន ៖ ភ្នាក់ងារបង្ហាញម៉ូតរបស់ប្រទេសចិន បានបដិសេធចំពោះការអះអាងដែលថា តារាម៉ូដែលវ័យក្មេងសញ្ជាតិរុស្ស៊ីម្នាក់ ដែលខ្លួននាំទៅដើរបង្ហាញម៉ូត បានស្លាប់ដោយសារធ្វើការងារហួសកម្លាំង ។ យុវតី Vlada Dzyuba អាយុ 14 ឆ្នាំ បានស្លាប់ នៅក្នុងប្រទេសចិន កាលពីថ្ងៃសុក្របន្ទាប់ពីចូលរួមដើរបង្ហាញម៉ូត ក្នុងកម្មវិធី Shanghai Fashion Week។</span></p>
<p><span style="color: #000000;"> ក្រុមហ៊ុន ESEE Model Management ដែលមានមូលដ្ឋាន នៅទីក្រុងស៊ាងហៃ បាននិយាយថានាងគឺជាក្មេងស្រីម្នាក់ ដែលមានអត្ដចរិតរីករាយនឹងការងារដើរម៉ូតរបស់នាង។</span></p>
<p><span style="color: #000000;">តារាម៉ូដែលបរទេសជាច្រើន នៅក្នុងប្រទេសចិន គឺមកពីអតីតសហភាពសូវៀត។ ប្រទេសចិនមានច្បាប់ ដែលអនុញ្ញាតឱ្យកុមារអាយុក្រោម ១៦ ឆ្នាំ អាចធ្វើការ នៅក្នុងឧស្សាហកម្មមួយចំនួនបាន។</span></p>
<p><span style="color: #000000;"><a class="thickbox" title="" href="/FileManager/Commons/2017/10/31/1-31-10-2017--10-59-39.png"><span style="color: #000000;"><img src="/FileManager/Articles/mce/2017/10/31/1-31-10-2017--10-59-39.png" alt="" /></span></a></span></p>
<p><br /><span style="color: #000000;"><a class="thickbox" title="" href="/FileManager/Commons/2017/10/31/2-31-10-2017--10-59-43.png"><span style="color: #000000;"><img src="/FileManager/Articles/mce/2017/10/31/2-31-10-2017--10-59-43.png" alt="" /></span></a><a class="thickbox" title="" href="/FileManager/Commons/2017/10/31/1-31-10-2017--10-59-39.png"></a></span></p>
<p><span style="color: #000000;">យោងតាមរបាយការណ៍មួយចំនួន បានឱ្យដឹងថា យុវតី Vlada ចាប់ផ្តើមមានអាការៈវិលមុខនិងធ្លាក់ខ្លួនឈឺ ហើយត្រូវបានបញ្ជូនទៅព្យាបាល នៅមន្ទីរពេទ្យទីក្រុងសៀងហៃ កាលពីថ្ងៃពុធ។ នាងបានស្លាប់ កាលពីថ្ងៃសុក្រ ពីការចុះខ្សោយសរីរាង្គជាច្រើនផ្នែក បន្ទាប់ពីស្ថានភាពជំងឺរបស់នាងកាន់តែយ៉ាប់យ៉ឺន។</span></p>
<p><span style="color: #000000;">សារព័ត៌មានចិន Global Times បានឱ្យដឹងថា នាងបានស្លាប់ដោយសារការកើនឡើងជាតិពុលនៅក្នុងឈាម។ សារព័ត៌មាន Siberian Times ដែលជាកាសែតផ្សាយជាភាសាអង់គ្លេស នៅប្រទេសរុស្ស៊ី បានលើកឡើងថា យុវតី មកពីទីក្រុង Perm ប្រទេសរុស្ស៊ីរូបនេះ បានស្លាប់ដោយជំងឺរលាកស្រោមខួរ។</span></p>
<p><span style="color: #000000;"><a class="thickbox" title="" href="/FileManager/Commons/2017/10/31/3-31-10-2017--11-00-05.png"><span style="color: #000000;"><img src="/FileManager/Articles/mce/2017/10/31/3-31-10-2017--11-00-05.png" alt="" /></span></a></span></p>
<p><br /><span style="color: #000000;"><a class="thickbox" title="" href="/FileManager/Commons/2017/10/31/4-31-10-2017--11-00-09.png"><span style="color: #000000;"><img src="/FileManager/Articles/mce/2017/10/31/4-31-10-2017--11-00-09.png" alt="" /></span></a><a class="thickbox" title="" href="/FileManager/Commons/2017/10/31/3-31-10-2017--11-00-05.png"></a></span><br /> <br /><span style="color: #000000;"> ប្រភពដដែលនិយាយថា ការស្លាប់នេះ បានរួមផ្សំដោយការអស់កម្លាំង បន្ទាប់ពី "ការបង្ហាញម៉ូតយ៉ាងខ្លាំងក្លា នៅទីក្រុងសៀងហៃ"។</span></p>
<p><span style="color: #000000;">លោកស្រី Carrie Fang ប្រធានភ្នាក់ងារ ESEE ដែលនៅកៀកនឹងយុវតី Vlada នៅពេល ដែលនាងស្លាប់នោះ បាននិយាយថា តារាម៉ូដែលជនជាតិរុស្ស៊ីវ័យក្មេងនេះ ទទួលបាននូវភាពរីករាយរយៈពេលពីរខែ ដែលនាងបានមករស់នៅក្នុងប្រទេសចិន មុនពេលនាងស្លាប់។</span></p>
<p><span style="color: #000000;">អ្នកស្រី Fang បានប្រាប់អ្នកយកព័ត៌មាន កាលពីថ្ងៃចន្ទថា៖ "នាងជាក្មេងស្រី ដែលគួរឱ្យចាប់អារម្មណ៍ខ្លាំងណាស់ នាងចូលចិត្តញ៉ាំដំឡូងបារាំងបំពង ដូចជាក្មេងជំទង់ដទៃទៀតដែរ" ៕</span></p>
<p><span style="color: #000000;"><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/10/31/mkn-31-10-2017--11-00-51.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ BBC</span></p>