<p><span style="color: #000000;"><strong>(ភ្នំពេញ)៖</strong> ប៉ូលិសរាជធានីភ្នំពេញបានឱ្យដឹងថា អាថ៌កំបាំងនៅពីក្រោយខ្នង នៃរឿងបោកគ្រាប់បែក ប៉ងសម្លាប់មួយគ្រួសារ នៅសង្កាត់ឃ្មួញ ខណ្ឌសែនសុខ គឺកើតឡើងដោយសារតែសង្រ្គាមដណ្តើមតំណែង ចៅសង្កាត់គោករកា ដែលមេក្លោងក្នុងករណីនេះ ខ្លាចជនរងគ្រោះចូលកាន់តំណែងជំនួសខ្លួន។</span></p>
<p><span style="color: #000000;">សមត្ថកិច្ចបានឃាត់ខ្លួនមនុស្ស ២នាក់ថ្មីទៀត ពាក់ព័ន្ធនឹងករណីគប់គ្រាប់បែកខាងលើ ដែលក្នុងនោះមានម្នាក់ឈ្មោះ ពៅ ប៊ុនធឿន ជាអ្នករត់ការជួលឃាតក និងម្នាក់ទៀតជាចៅសង្កាត់គោករកា ឈ្មោះ ភី ណុប អាយុ៥០ឆ្នាំ ដែលសមត្ថកិច្ចអះអាងថា ជាអ្នកជួលឃាតករក្នុងតម្លៃ ១ម៉ឺនដុល្លារ ដើម្បីសម្លាប់ជនរងគ្រោះ ព្រោះតែខ្លាចជនរងគ្រោះ ដណ្តើមយកដំណែងរបស់ខ្លួន។</span></p>
<p><span style="color: #000000;">យ៉ាងណាក៏ដោយសមត្ថកិច្ច នឹងបញ្ជូនជនសង្ស័យទាំងពីរនេះ ទៅឲ្យកងរាជអាវុធហត្ថរាជធានីភ្នំពេញ ដើម្បីចាត់ការតាមច្បាប់ ដោយសារតែករណីនេះ អាវុធហត្ថជាអ្នកគ្រប់គ្រង ព្រោះកាលពីថ្ងៃទី១៣ ខែធ្នូ ឆ្នាំ២០១៤ កម្លាំងអាវុធហត្ថរាជធានីភ្នំពេញ ចាប់បានជនសង្ស័យម្នាក់មុន ឈ្មោះ នួន សំរិទ្ធ ហៅម៉ាប់ អាយុ២៧ឆ្នាំ ។</span></p>
<p><span style="color: #000000;">កាលពីថ្ងៃទី៩ ខែតុលា ឆ្នាំ២០១៤ កន្លងទៅ មានករណីបោកគ្រាប់បែកទៅលើ ក្រុមគ្រួសារមួយ ខណៈដែលជនរងគ្រោះកំពុងហូបបាយក្នុងផ្ទះ នៅសង្កាត់ឃ្មួញ ខណ្ឌសែនសុខ បណ្តាលឱ្យក្មេងម្នាក់ស្លាប់ និងមនុស្ស៥នាក់រងរបួស។ ឥឡូវជនសង្ស័យទាំង២នាក់ថ្មីនេះ ត្រូវបានសមត្ថកិច្ច បញ្ជូនទៅកាន់ អាវុធហត្ថរាជធានី ដើម្បីចាត់ការតាមផ្លូវច្បាប់</span></p>
<p><span style="color: #000000;"><a class="thickbox" title="" href="/FileManager/Commons/2014/12/19/51-19-12-2014--13-46-35.jpg"><img src="/FileManager/Articles/mce/2014/12/19/51-19-12-2014--13-46-35.jpg" alt="" /></a></span></p>
<p><a class="thickbox" title="" href="/FileManager/Commons/2014/12/19/52-19-12-2014--13-46-45.jpg"><img src="/FileManager/Articles/mce/2014/12/19/52-19-12-2014--13-46-45.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/12/19/51-19-12-2014--13-46-35.jpg"></a></span></p>
<p><a class="thickbox" title="" href="/FileManager/Commons/2014/12/19/50-19-12-2014--13-46-52.jpg"><img src="/FileManager/Articles/mce/2014/12/19/50-19-12-2014--13-46-52.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>