<p>មន្ដ្រីម៉ាឡេស៊ី កំពុងធ្វើការស្រាវជ្រាវអត្តសញ្ញាណពិត របស់ភ្ញៀវចំនួន ៤នាក់ ដែលស្ថិតនៅលើ<br />យន្ដហោះដែលបានបាត់ខ្លួន ស្របពេលចិន ទទួលស្គាល់ថា ពលរដ្ឋ ២នាក់របស់ខ្លួន ប្រើអត្ត<br />សញ្ញាណប័ណ្ណក្លែងក្លាយ ដើម្បីបានឡើងយន្ដហោះ ខណៈអាមេរិក បញ្ជូននាវាចម្បាំង មកកាន់<br />កន្លែងកើតហេតុ។</p>
<p><span style="color: #3366ff;"><a href="http://www.camnews.com.kh/News/Detail/25809/vietnam-navy-confirm-that-plane-crash-in-vietnam-sea"><span style="color: #3366ff;">ជើងហោះហើររបស់ Malaysia Airlines ដែលបានដាច់ទំនាក់ទំនងនោះ ត្រូវបានគេដឹងពី ទីតាំង<br />ដែលបានធ្លាក់ហើយ</span></a></span></p>
<p> </p>
<p style="text-align: center;"><a class="thickbox" title="" href="/FileManager/Commons/2014/3/9/malaysia១-09-03-2014--15-24-21.jpg"><img src="/FileManager/Articles/mce/2014/3/9/malaysia១-09-03-2014--15-24-21.jpg" alt="" /></a></p>
<p style="text-align: center;"><em>រដ្ឋមន្ដ្រីក្រសួងដឹកជញ្ជូនរបស់ម៉ាឡេស៊ី លោក Hishamuddin Hussein</em></p>
<p><br />ទីភ្នាក់ងារ Reuters បានរាយការណ៍ថា សមត្ថកិច្ចម៉ាឡេស៊ី កំពុងស្រាវជ្រាវ តាមរយៈស្ថានទូត<br />បណ្ដាប្រទេស នៅម៉ាឡេស៊ី។ ចំណែកទំព័រ Fujian Evening ចុះផ្សាយថា នគរបាលក្រុង Xiamen <br />ខែត្រ Fujian (ចិន) សង្ស័យថា ភ្ញៀវពីរនាក់ ដែលជាពលរដ្ឋរបស់ខ្លួន បានប្រើប្រាស់អត្តសញ្ញាណ<br />ប័ណ្ណក្លែងក្លាយ ជិះយន្ដហោះ MH370 នេះ។</p>
<p>មុននេះ ជនជាតិអឺរ៉ុប ២រូប គឺ Christian Kozel (មកពីអូទ្រីស) និង Luigi Maraldi មកពីអ៊ីតាលី បាន<br />បដិសេធថា ខ្លួនមិនបានឡើងជិះយន្ដហោះដែលជួបគ្រោះថ្នាក់នេះទេ បើទោះជាមានឈ្មោះនៅ<br />ក្នុងបញ្ជីនៃជើងហោះហើរ ដោយនិយាយថា អត្តសញ្ញាណប័ណ្ណរបស់ពួកគេ ត្រូវបានគេលួច នៅ<br />ប្រទេសថៃ។</p>
<p>បច្ចុប្បន្ន រដ្ឋមន្ដ្រីក្រសួងដឹកជញ្ជូនរបស់ម៉ាឡេស៊ី លោក Hishamuddin Hussein បានស្នើឱ្យមាន<br />ការស៊ើបអង្កេតពេញលេញទៅលើភ្ញៀវដែលមានឈ្មោះ នៅក្នុងបញ្ជីហោះហើរ របស់ក្រុមហ៊ុន<br /> Malaysia Airlines ។</p>
<p>យោងតាម Wall Street Journal ក្នុងចំណោមភ្ញៀវជនជាតិចិន ១៥៤នាក់ នៅលើយន្ដហោះបាត់<br />ខ្លួន របស់ម៉ាឡេស៊ី ក៏មានម្នាក់ជាវិចិត្រករម្នាក់ ដែលមកចូលរួមពិធីពិព័រណ៍ ជាជនជាតិ Uyghur <br />ដែលរស់នៅក្នុងតំបន់អស្ថេរភាព Xinjiang របស់ចិន។</p>
<p>បន្ទាប់ពីករណីនេះកើតឡើង ប្រទេសមួយចំនួន បានបញ្ជូនកម្លាំងមកកាន់តំបន់កើតហេតុ ដើម្បី<br />ជួយដល់ការស្វែងរក និងស៊ើបអង្កេត ក្នុងនោះ នាវាចម្បាំងអាមេរិក USS Pinckney (DDG-91) <br />នឹងមកដល់តំបន់កើតហេតុ រយៈពេលជាង ១០ម៉ោងទៀត ដោយនាំមកជាមួយ នូវឧទ្ធម្ភាគចក្រ<br />ពីរគ្រឿង ដែលបំពាក់ឧបករណ៍ស្វែងរក និងជួយសង្គ្រោះ។</p>
<p>ក្រៅពីនេះ អាមេរិក ក៏បញ្ជាឱ្យយន្ដហោះស៊ើបការ P-3C Orion ពីមូលដ្ឋានទ័ព Kadena នៃតំបន់<br />Okinawa (ជប៉ុន) ហោះពីលើតំបន់សង្ស័យថាជាកន្លែងកើតហេតុ។ យន្ដហោះ P-3C Orion បំពាក់<br />ដោយឧបករណ៍ដែលមានសមត្ថភាពទាក់ទង និងស្វែងរក ក្នុងរយៈចម្ងាយឆ្ងាយ។</p>
<p style="text-align: center;"><a class="thickbox" title="" href="/FileManager/Commons/2014/3/9/malaysia-09-03-2014--15-31-42.jpg"><img src="/FileManager/Articles/mce/2014/3/9/malaysia-09-03-2014--15-31-42.jpg" alt="" /></a></p>
<p style="text-align: center;"><em>នាវាចម្បាំងអាមេរិក USS Pinckney (DDG-91)</em></p>
<p>ដោយសារតែមានជនជាតិអាមេរិក ៣នាក់ នៅលើយន្ដហោះគ្រោះថ្នាក់នេះ FBI ក៏បញ្ជូនមន្ដ្រី <br />របស់ខ្លួន មកជួយស៊ើបការណ៍ផងដែរ។ លោករដ្ឋមន្ដ្រី ក៏បានឱ្យដឹងថា ប្រទេសខ្លួនកំពុងសហ<br />ការណ៍ជាមួយ FBI ដើម្បីស៊ើបអង្កេតបញ្ហានេះ ដោយពួកគេក៏មានការសង្ស័យថា អាចជាករណី<br />ភេរវកម្ម។</p>
<p>គួររំឭកថា ទ័ពអាកាសរបស់វៀតណាម កាលពីប៉ុន្មានម៉ោងមុន ក៏បានប្រទះឃើញខ្សែប្រេងដែល<br />មានប្រវែងប្រហែល ២០គីឡូម៉ែត្រ អណ្ដែតនៅលើតំបន់សមុទ្រក្បែរកោះត្រល់ ប៉ុន្ដែគេមិនទាន់<br />ដឹងច្បាស់ថា ជាប្រេងមកពីណា៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Reuters/VE<br /><br /></p>