<p><strong>ភ្នំពេញ៖</strong> អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហរិញ្ញវត្ថុ នឹងធ្វើការប្រឡងជ្រើសរើស មន្ត្រី ២៨០នាក់ ឲ្យចូលបម្រើការងារនៅឆ្នាំ២០១៤ ខាងមុខនេះ។</p>
<p>យោងតាមសេចក្តី ប្រកាសព័ត៌មានរបស់ ក្រសួងសេដ្ឋកិច្ច និងហិរញ្ញវត្ថុ ដែល LookigTODAY ទទួលបាននៅថ្ងៃទី២៦ ខែធ្នូ ឆ្នាំ២០១៣ បានឲ្យដឹងថា ក្រសួងសេដ្ឋកិច្ច និងហិរញ្ញវត្ថុ នឹងធ្វើការ ប្រឡង ជ្រើសរើសបេក្ខជន ឲ្យចូលបម្រើ ការនៅអគ្គនាយកដ្ឋានពន្ធដារ ចំនួន ២៨០ នាក់ ដែល ក្នុងនោះជ្រើសរើសក្រប ខ័ណ្ឌ«ក» ចំនួន ២០០ នាក់ និងក្របខ័ណ្ឌ«ខ» ចំនួន ៨០ នាក់។</p>
<p>សេចក្តីប្រកាសដដែលបន្តថា ការដាក់ពាក្យសុំចូលប្រឡង នឹងត្រូវចាប់ផ្ដើមលក់ចាប់ពីថ្ងៃទី២៧ ខែធ្នូ ឆ្នាំ២០១៣នេះ រហូតដល់ ថ្ងៃទី២៧ ខែកុម្ភៈ ឆ្នាំ២០១។</p>
<p>ដើម្បីឲ្យកាន់តែងាយស្រួលនោះ បេក្ខជនអាចរកពាក្យ សុំចូលប្រឡង បាននៅគេហទំព័រ នាយកដ្ឋាន បុគ្គលិក នៃក្រសួងសេដ្ឋកិច្ច និងហិរញ្ញវត្ថុ www.pd.mef.gov.kh គេហទំព័ររបស់ អគ្គនាយកដ្ឋានពន្ធ ដារ www.tax.gov.kh ឬគេហទំព័រវិទ្យាស្ថានសេដ្ឋកិច្ច និងហិរញ្ញវត្ថុ www.efi.mef.gov.kh និងត្រូវ ដាក់ពាក្យ នៅនាយកដ្ឋានបុគ្គលិក នៃអគ្គនាយកដ្ឋានពន្ធដារ និងនៅ វិទ្យាស្ថានសេដ្ឋកិច្ច និងហិរញ្ញវត្ថុ រៀងរាល់ម៉ោងធ្វើការ៕</p>
<p style="text-align: center;"><img src="http://image.lookingtoday.com:81//lookingtoday/looking-images/news/2013/December/id-017/chetha-144.jpg" alt="Photo by LookingTODAY" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/technology-business-news/26004-2013-12-26-10-55-08.html"><span style="color: #0000ff;">ដើមអំពិល</span></a></p>
<p> </p>