<div class="article-content">
<p><strong>ភ្នំពេញ ៖</strong> ក្រុមហ៊ុន លឹម ម៉ៅ ទទួលម៉ៅការធ្វើផ្លូវ គឺជាក្រុមហ៊ុនមួយ ទទួលការស្ថាបនាផ្លូវបេតុង <br />ទាំងគ្មានឆ្អឹងដែក និងមានឆ្អឹងដែក ឬឆ្អឹងឬស្សី ក៏ដោយក្រុមហ៊ុនមួយនេះ ទទួលធ្វើបានទាំងអស់<br />នៅក្នុងខណ្ឌទាំង៩ ក្នុងរាជធានីភ្នំពេញ ជាពិសេស នៅក្នុងភូមិសាស្រ្តខណ្ឌដង្កោ ប៉ុន្តែក្រុមហ៊ុន<br />មួយនេះត្រូវបានបងប្អូនប្រជា ពលរដ្ឋមានការរិះគន់ថា ស្ថាបនាផ្លូវគ្មានគុណភាព មិនគោរពតាម<br />បទដ្ឋានបច្ចេកទេស។</p>
<p>ប្រជាពលរដ្ឋលើកឡើងបែបនេះ ខណៈពួកគាត់បានឃើញក្រុមហ៊ុន លឹម ម៉ៅ កំពុងស្ថាបនា ផ្លូវ<br />បេតុងគ្មាន សរសៃដែក០១ខ្សែ ប្រវែង៣២៤ម ទទឹង៤ម កម្រាស់ ០,១៥ម៉ែត្រ ស្ថិតនៅក្នុងភូមិ <br />ក្រពើទ្រោម សង្កាត់ រលួស ខណ្ឌដង្កោ រាជធានីភ្នំពេញ កាលពីព្រឹកថ្ងៃទី១៥ ខែសីហា ឆ្នាំ២០១៣<br /> ដោយចាប់ផ្តើមចាក់បេតុង កាលពីថ្ងៃទី១៣ខែ សីហា នឹងគ្រោងឲ្យរួចរាល់នៅថ្ងៃទី២០ ខែសីហា <br />ឆ្នាំ២០១៣ ដោយប្រើពេលតែ ១ សប្តាហ៍ប៉ុណ្ណោះ ។</p>
<p>តាមការឲ្យដឹង ពីប្រជាពលរដ្ឋដែលឈរមើល ការដ្ឋានស្ថាបនាបានរិះគន់ក្រុមហ៊ុន លឹមម៉ៅ ថា <br />ធ្វើផ្លូវឲ្យ រួចតែពីដៃ ដោយគ្មានការឈូសឆាយ ធ្វើគ្រឹះផ្លូវអោយបានល្អ មុននឹងចាក់បេតុងនោះទេ<br /> ហើយរហូតមកដល់ពេលនេះ ការដ្ឋានកំពុងដំណើរការ ទើបតែបានប្រមាណ២០%ប៉ុណ្ណោះ។</p>
<p>ប្រភពព័ត៌មានពីអ្នកភូមិប្រាប់បន្តថា ការធ្វើផ្លូវបេតុងសព្វថ្ងៃនេះ គឺគ្រាន់តែរៀបដាក់របាំងកំណត់<br />កំរាស់ផ្លូវ រួចចាក់បេតុងនៅលើផ្លូវនោះ ចង់ផ្លូវនេះ មានភក់ ឬទឹកដក់ មានត្លុកក៏ដោយ គឺគ្រាន់តែ<br />លប់ដីខ្សាច់ពីលើ ឲ្យស្មើ រួចចាក់បេតុងពីលើជាការស្រេច ។</p>
<p>ប្រជាពលរដ្ឋនៅទីនោះ បានខ្សឹបខ្សៀវគ្នាថា គុណភាពផ្លូវនៅត្រង់ណា បើក្រុមហ៊ុន ស្ថាបនាផ្លូវឲ្យ<br />រួចៗពីដៃ ដោយមិនគោរពតាមបទដ្ឋាន បច្ចេកទេសត្រឹមត្រូវ ហើយជាងនេះទៀតផ្លូវគ្មានគ្រឹះត្រឹម<br />ត្រូវ និងស្របពេល ដែលផ្លូវគ្មានសរសៃដែកទៀតផងនោះ តើមានគុណភាពល្អឯណា ? ។ ដោយ<br />ឃើញការស្ថាបនាផ្លូវគ្មាន ស្តង់ដាត្រឹមត្រូវរបស់ក្រុមហ៊ុន លឹម ម៉ៅ បងប្អូនប្រជាពលរដ្ឋ ដែលឃើញ<br />ផ្ទាល់ភ្នែកបានសំណូមពរ ដល់ អាជ្ញាធរមានសមត្ថកិច្ចដែលពាក់ព័ន្ធ មេត្តាមានវិធានការទប់ស្កាត់<br />ឲ្យទាន់ពេលវេលា ដើម្បីធានាគុណភាព ផ្លូវប្រើប្រាស់បានយូរអង្វែង ពីព្រោះទម្រាំធ្វើផ្លូវបេតុងបាន<br /> ១ខ្សែៗ មិនងាយរកលុយធ្វើស្រួលៗនោះទេ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-015/T-0324.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0325.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0326.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>