<div>
<p><span style="color: #000000;"><strong>(ក្រុងឡុងដ៍)៖</strong> ក្លឹបដែលទើបតែជ្រុះចេញពី Champions League តោខៀវ Chelsea បានត្រៀមកញ្ចប់ថវិកាប្រមាណ ៨៨លានដុល្លារ ដើម្បីទិញកីឡាករខ្សែប្រយុទ្ធជនជាតិបារាំង Antoine Griezmann ដែលកំពុងលេងឲ្យក្លឹបអេស្ប៉ាញ Atletico Madrid នាខែកក្កដា ឆ្នាំ២០១៦ ខាងមុខ ។</span></p>
<p><span style="color: #000000;">សារព័ត៌មានកីឡា 7msport បានឲ្យដឹងថា ការរៀបចំថវិកា និងដាក់សំណើសុំទិញ កីឡាករវ័យទើបតែ២៨ឆ្នាំខាងលើនេះ គឺត្រូវបានធ្វើឡើង ក្រោយពី Griezmann បានបដិសេធចំពោះការបន្តកិច្ចសន្យាថ្មីនៅក្នុងក្លឹប At. Madrid ខណៈ ដែលក្លឹបរបស់អេស្ប៉ាញ Atletico Madrid គ្មានបំណងលក់រូបគេឡើយ និងទទូចសុំឲ្យបន្តកិច្ចសន្យាថ្មីផងដែរ តែ ប្រសិនពិតជាលក់មែននោះ ក៏ស្ថិតក្នុងតម្លៃចាប់ពី ៦២លានផោន ទៅ ១៦០លានដុល្លារឯណោះដែរ ។</span></p>
<p><span style="color: #000000;">តែយ៉ាងណាក៏ដោយ ក្នុងការសុំផ្ទេរទ្រនំរបស់ Griezmann អាចស៊ីសងជាមួយនឹងកីឡាករខ្សែប្រយុទ្ធ Diego Costa ព្រោះថា ក្លឹបដែលកំពុងដឹកនាំដោយគ្រូបង្វឹកជនជាតិអាហ្សង់ទីន Diego Simeone ក៏កំពុងតែចង់បានកីឡាករសញ្ជាតិ អេស្ប៉ាញ Costa ត្រឡប់ទៅវិញផងដែរ ។</span></p>
<p><span style="color: #000000;">ពេលថ្មីៗនេះដែរ ក្រុមតោខៀវ Chelsea បានជ្រុះចេញពី Chapions League ក្នុងវគ្គ១៦ក្រុមចុងក្រោយ បន្ទាប់ពី ចាញ់ក្រុម Paris Saint Germain របស់បារាំង ៤-២ ទាំងពីរជើង និងកំពុងឈរនៅលេខ១០បណ្តោះអាសន្នដោយ មាន៤០ពិន្ទុ ក្នុង Premier League ៕</span></p>
<p style="text-align: center;"><span style="color: #000000;"><img src="http://worldsoccertalk.com/wp-content/uploads/2015/02/GriezmannRealMadrid-600x398.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2014/10/14/1413303241316_wps_1_Valencia_s_Mustafi_R_vies.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>