<p>ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស ស្កាយ ដែល<br />ទើបតែបានចេញផ្សាយកាលពីវេលាព្រឹកមិញនេះបានគូសបញ្ជាក់អោយដឹងថា បុរសម្នាក់<br />ដែលជាពលរដ្ឋ រស់នៅរដ្ឋ តិចសាស់ សហរដ្ឋអាមេរិក ត្រូវបានរកឃើញថា បានស្លាប់បាត់<br />បង់ជីវិតនៅនឹងកន្លែង បន្ទាប់ពីមានការវាយប្រហារពីសំណាក់ហ្វូងសត្វឃ្មុំ ដល់ទៅ ៤ ម៉ឺន<br />ក្បាល។</p>
<p><a class="thickbox" title="" href="/FileManager/Commons/2013/6/4/killer-bees-victim-larry-goodwin-pic-kcen-tv-1-522x293-04-06-2013--14-46-37.jpg"><img src="/FileManager/Articles/mce/2013/6/4/killer-bees-victim-larry-goodwin-pic-kcen-tv-1-522x293-04-06-2013--14-46-37.jpg" alt="" width="436" height="243" /></a></p>
<p>គួរបញ្ជាក់ផងដែរថា បុរសដែលបានស្លាប់បាត់បង់ជីវិតរូបនេះមានឈ្មោះ Larry Goodwin<br />វ័យ ៦២ ឆ្នាំ។ ហើយបើនិយាយពីមូលហេតុ ដែលបានបណ្តាលអោយហ្វូងសត្វឃ្មុំដ៏ច្រើន<br />ទាំងនេះ បើកការវាយប្រហារទៅលើរូបគាត់នោះ ក៏ព្រោះតែគាត់បានបើកត្រាក់ទ័រ ទៅប៉ះ<br />នឹងគំនរឈើ ដែលជាសំបុកឃ្មុំទាំងនេះ។</p>
<p><a class="thickbox" title="" href="/FileManager/Commons/2013/6/4/6207974557-46b750ab63-o-1-402x293-04-06-2013--14-45-07.jpg"><img src="/FileManager/Articles/mce/2013/6/4/6207974557-46b750ab63-o-1-402x293-04-06-2013--14-45-07.jpg" alt="" width="435" height="317" /></a></p>
<p>លើសពីនេះ ប្រភពសារព័ត៌មានដដែល ក៏បានបញ្ជាក់បន្ថែមអោយដឹងផងដែរថា ពពួក<br />សត្វឃ្មុំប្រភេទនេះ គឺជាពពួកសត្វឃ្មុំកំណាចបំផុត របស់អាហ្រ្វិក ដែលគេអោយឈ្មោះ<br />ថា ឃ្មុំពិឃាត "killer bees" ។លោក Allen Miller ដែលជាម្ចាស់កសិដ្ឋានចិញ្ចឹមឃ្មុំកំណាច<br />ទាំងនេះ ក៏បានអះអាងផងដែរ ដោយសារតែវាសាហាវបែបនេះហើយ ទើបពេលខ្លះចង់<br />អោយគាត់ដើរចេញពីមុខជំនួញមួយនេះ តែមកទល់នឹងពេលនេះសំបុកឃ្មុំ ដែលផ្ទុកទៅ<br />ដោយឃ្មុំជាង ៤ ម៉ឺនក្បាលមួយនេះ ត្រូវបានបំផ្លាញចោលហើយ៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ ស្កាយ</p>