<p>ព័ត៌មានអន្តរជាតិ ៖ នាវាដឹកប្រេងម៉ាស៊ូត ចំនួន ២លានលីត្រ របស់ប្រទេសជប៉ុន ត្រូវបានចោរសមុទ្រ ជាបុរសមានគ្នា ៥នាក់ ប្លន់ ហើយកម្មករលើនោះ ៣នាក់ ក៏ត្រូវចាប់ជម្រិតផងដែរ កាលពី ថ្ងៃអង្គារ ទី ២២ ខែមេសា ឆ្នាំ២០១៤ ពោលគឺនៅវេលាម៉ោង ១ រំលងអាធ្រាត្រ ។</p>
<p><a class="thickbox" title="" href="/FileManager/Commons/2014/4/23/133282720title1n-23-04-2014--11-15-53.jpg"><img src="/FileManager/Articles/mce/2014/4/23/133282720title1n-23-04-2014--11-15-53.jpg" alt="" width="492" height="281" /></a></p>
<p> បញ្ជាក់ ៖ រូបភាព ឯកសារ ពីទំព័រស៊ិនហួរ</p>
<p>ទីភ្នាក់ងារព័ត៌មានចិន ស៊ិនហួ បានចេញផ្សាយ ផងដែរថា នាវាដឹកប្រេងខាងលើនេះ ធ្វើដំណើរ ពី ប្រទេស សិង្ហបុរី ទៅកាន់ប្រទេសមីយ៉ាន់ម៉ា ហើយវាត្រូវបានចាប់ជម្រិត នៅចំណុចជិត ៣០ គីឡូ ម៉ែត្រ ពីតំបន់ ភូឡៅ គេតាម ភាគខាងលិច របស់ប្រទេសម៉ាឡេស៊ី ។</p>
<p>សូមបញ្ជាក់ថា នាវាដឹកប្រេងខាងលើនេះ មានកម្មករជិះចំនួន ១៨នាក់ ហើយ ៣នាក់ក្នុង ចំណោម ពួក គេ ត្រូវចោរចាប់ជម្រិត។ អាជ្ញាធរក្នុងតំបន់ កំពុងតែចេញប្រតិបត្តិការ ទាក់ទងទៅកាន់ ប្រទេស ជប៉ុន ព្រម ទាំងចេញកងកម្លាំងធ្វើការសង្គ្រោះនាវា ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដើមអម្ពិល & ស៊ិនហួរ</p>