<p><span style="color: #000000;"><strong>ក្រុងប៉ារីស៖</strong> ក្រុមការពារតំណែងជើងឯក Real Madrid បានចាប់ឆ្នោតប៉ះសត្រូវចាស់ Atletico Madrid ដែលជាក្រុម របស់អេស្ប៉ាញដូចគ្នាក្នុងវគ្គ៨ក្រុមចុងក្រោយនៃ UEFA Champions League ។ នេះបើយោងតាមសារព័ត៌មាន BBC ចេញផ្សាយកន្លះម៉ោងមុននេះ ។</span></p>
<p><span style="color: #000000;">ជាមួយគ្នានោះដែរក្រុមជើងឯករបស់បារាំង Paris Saint Germain (PSG) ដែលជាក្រុមបានទម្លាក់ក្រុមខ្លាំង Chelsea របស់អង់គ្លេស ត្រូវជួបក្រុមអេស្ប៉ាញ FC Barcelona ដែលក្រុមអ្នកមានបុណ្យទើបតែបានទម្លាក់ ក្រុមមកពី អង់គ្លេសដូចគ្នា Man City នៅក្នុងវគ្គ១៦ក្រុមចុងក្រោយ ស្របពេលដែល AS Monaco របស់បារាំង នឹងត្រូវតតាំងជា មួយសេះបង្កង់ Juventus របស់អ៊ីតាលី ខណៈដែលក្រុមជើងឯកអាល្លឺម៉ង់ Bayern Munich ត្រូវជួបក្រុមខ្លាំងមកពីព័រទុយហ្គាល់ FC Porto ។</span></p>
<p><span style="color: #000000;">សូមបញ្ជាក់ថា ការប្រកួតជើងទី១នឹងចាប់ផ្តើម ឡើងនាថ្ងៃទី១៤-១៥ ខែមេសា ឆ្នាំ២០១៥ ចំពេលបុណ្យចូលខ្មែរប្រពៃណីជាតិ របស់កម្ពុជា មុនពេលជើងទី២នឹងចាប់ផ្តើមនៅថ្ងៃទី២១-២២ ខែឆ្នាំដដែល ក្នុងនាមក្រុម Real Madrid របស់លោក Carlo Ancelotti ជាក្រុមការពារតំណែងជើងឯកលើកទី១០ ក្រោយពេលដែលបំបាក់ At.Madrid ៤-១ ក្នុងនាទីបន្ថែម នៃវគ្គផ្តាច់ព្រ័ត្រ កាលពីរដូវកាលមុននៅទីក្រុង Lisbon ប្រទេសព័រទុយហ្គាល់ ។</span></p>
<p><span style="color: #000000;">ជាមួយគ្នានោះដែរ ការចាប់ឆ្នោតនៃវគ្គ៨ក្រុមក្នុងពានរង្វាន់លំដាប់ទី២ ប្រចាំទ្វីបអឺរ៉ុប UEFA Europa League ក៏បាន បញ្ចប់ទៅហើយដែរគឺក្រុម ការពារតំណែងជើងឯក Sevilla របស់អេស្ប៉ាញត្រូវជួបក្រុមមកពីរុស្ស៊ី Zenit St Petersburg និងក្រុម Dnipro របស់អ៊ុយក្រែន ប៉ះក្រុមមកពី ប៊ែលហ្ស៊ិក Club Brugge ។ លើសពីនេះទៀតក្រុមរបស់អ៊ុយក្រែនដូចគ្នា Dynamo Kyiv ប៉ះក្រុម Fiorentina របស់អ៊ីតាលី និងក្រុម Wolfsburg របស់អាល្លឺម៉ង់ ជួបក្រុម Napoli របស់អ៊ីតាលី ។</span></p>
<p><span style="color: #000000;">សូមបញ្ជាក់ដែរថា ការប្រកួតក្នុងវគ្គ៨ក្រុមចុងក្រោយ នេះជើងទី១នឹងចាប់ផ្តើមនៅថ្ងៃទី១៦ មុនជើងទី២នឹងចាប់ផ្តើមនៅ ថ្ងៃទី២៣ ខែមេសា ឆ្នាំ២០១៥ខាងមុខ ៕</span></p>
<p><a class="thickbox" title="" href="/FileManager/Commons/2015/3/21/40-21-03-2015--10-58-53.jpg"><img src="/FileManager/Articles/mce/2015/3/21/40-21-03-2015--10-58-53.jpg" alt="" /></a></p>
<p><a class="thickbox" title="" href="/FileManager/Commons/2015/3/21/41-21-03-2015--10-59-03.jpg"><img src="/FileManager/Articles/mce/2015/3/21/41-21-03-2015--10-59-03.jpg" alt="" /></a></p>
<p><span style="color: #000000;"><object width="510" height="437" data="http://www.youtube.com/v/yOTgkp1D4yo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/yOTgkp1D4yo&rel=1" /></object><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>