<p><span style="color: #000000;">ព័ត៌មានអន្តរជាតិ ៖ មនុស្ស ១០ នាក់ ក្នុងនោះ មានក្មេងតូចៗជាច្រើននាក់បានស្លាប់បាត់បង់ជីវិត បាត់ទៅហើយ នៅពេលដែលទូកចំណាកស្រុក ៤គ្រឿងបានក្រឡាប់លិចនៅភាគខាងកើតសមុទ្រ Aegean ប្រទេសក្រិក អំឡុងថ្ងៃពុធកន្លងទៅនេះ ។</span></p>
<p><a class="thickbox" title="" href="/FileManager/Commons/2015/10/30/14-30-10-2015--14-17-18.jpg"><img src="/FileManager/Articles/mce/2015/10/30/14-30-10-2015--14-17-18.jpg" alt="" /></a></p>
<p><span style="color: #000000;">សេចក្តីរាយការណ៍បញ្ជាក់អោយដឹងថា មន្រ្តីឆ្មាំសមុទ្រ ប្រទេសក្រិក អំឡុង ហេតុការណ៍ នៃគ្រោះ ថ្នាក់ ក្រឡាប់ លិចទូកចំណាកស្រុក ៤ គ្រឿងខាងលើ ពួកគេបានជួយសង្គ្រោះ ជនអន្តោប្រវេសន៍ សរុប ២៤២ នាក់ ។ ប្រភពបញ្ជាក់អោយដឹងថា ជនអន្តោប្រវេសន៍ខុសច្បាប់ រាប់ពាន់នាក់ បានធ្វើ ដំណើរដល់ដីកោះ Lesbos ជារៀងរាល់ថ្ងៃ បន្ទាប់ពីធ្វើដំណើរទាំងប្រថុយ ប្រថាន តាមផ្លូវទឹកពីប្រ ទេសទួរគី ។ ទន្ទឹមនឹងនេះផងដែរ មានការបំនកស្រាយបំភ្លឺអោយដឹងថាជនអន្តោប្រវេសន៍នៅបន្ត ប្រើប្រាស់ផ្លូវទឹកពីឈូងសមុទ្រល៊ីប៊ីទាំងប្រថុយប្រថានដដែល ។ យ៉ាង ណាមិញ អាជ្ញាធរ អ៊ីតាលី គូសបញ្ជាក់អោយដឹងថាខ្លួនបានជួយសង្គ្រោះជនចំណាកស្រុក សរុប ១០៤២ នាក់ អំឡុងថ្ងៃពុធ កន្លងទៅនេះ។</span></p>
<p><span style="color: #000000;">សារព័ត៌មាន អ៊ីតាលី ចុះផ្សាយអោយដឹងថាតួរលេខនៃក្រុមមនុស្សចំណាកស្រុកទាំងអស់នេះអាច ដឹងជាក់ច្បាស់ទៅបាន ក្រោយពីអាជ្ញាធរអ៊ីតាលី ចេញ ប្រតិបត្តិការ ជួយ សង្គ្រោះ ៧ លើកដាច់ ដោយឡែក ពីគ្នា ។ ភ្នាក់ងារ AGI អោយដឹងថា ចក្រភព អង់គ្លេស Irish និងអាល្លឹម៉ង់ជាដើមនោះ បានចូលរួមក្នុងបេសកម្ម ជួយសង្គ្រោះ ជនអន្តោប្រវេសន៍ ពីឈូងសមុទ្រ ប្រទេស ល៊ីប៊ី ។</span></p>
<p><a class="thickbox" title="" href="/FileManager/Commons/2015/10/30/14a-30-10-2015--14-17-33.jpg"><img src="/FileManager/Articles/mce/2015/10/30/14a-30-10-2015--14-17-33.jpg" alt="" /></a></p>
<p><a class="thickbox" title="" href="/FileManager/Commons/2015/10/30/14a-30-10-2015--14-17-33.jpg"></a><a class="thickbox" title="" href="/FileManager/Commons/2015/10/30/14b-30-10-2015--14-17-46.jpg"><img src="/FileManager/Articles/mce/2015/10/30/14b-30-10-2015--14-17-46.jpg" alt="" /></a></p>
<p><span style="color: #000000;">ប្រភពបញ្ជាក់អោយដឹងថា ជនចំណាកស្រុកច្រើនជាង ៣០ នាក់ នៅបន្តបាត់ខ្លួននៅឡើយបន្ទាប់ ពីទូកចំណាកស្រុក ទូកឈើ របស់ពួកគេបានក្រឡាប់លិច នៅជិតដីកោះ Lesbos ។ ក្មេងតូចៗ ៧ នាក់ ត្រូវបានគេមានជំនឿជាក់អោយដឹងថា ជាជនរងគ្រោះស្លាប់ បាត់បង់ជីវិត ក្នុងចំណោមអ្នក ជូបគ្រោះអកុសលស្លាប់ទាំងអស់ នេះបើយោងតាមការគូសបញ្ជាក់ ពីអង្គការ Save the Children</span></p>
<p><a class="thickbox" title="" href="/FileManager/Commons/2015/10/30/14d-30-10-2015--14-20-08.jpg"><img src="/FileManager/Articles/mce/2015/10/30/14d-30-10-2015--14-20-08.jpg" alt="" /></a></p>
<p> <span style="color: #000000;">បញ្ជាក់ ៖ រូបភាព ឯកសារ</span></p>
<p><span style="color: #000000;">ប្រភពពី អង្គការ Save the Children បន្តអោយដឹងថា ក្មេងតូចៗ ដែលជាជនចំណាកស្រុក ហោច ណាស់ ៧០ នាក់ បានស្លាប់បាត់បង់ជីវិត ដោយសារតែគ្រោះអកុសល លង់ទឹកស្លាប់ អំឡុងពេល ដំណើរប្រថុយប្រថាន ប៉ុនប៉ងចូលដល់ទឹកដី ប្រទេស ក្រិក ក្នុងរយៈពេល ជិត ២ ខែកន្លងមកនេះ បើចាប់គិតតាំងពីផ្ទុះរឿងអាស្រូវ ក្មេងតូចជាជនចំណាកស្រុក ស្លាប់ទើរលើឆ្នេរខ្សាច់ ។ សន្លឹករូបថត ក្មេងតូចដែលជនចំណាកស្រុក ស្លាប់ដេកផ្គាប់ មុខលើឆ្នេរខ្សាច់នោះ នាំ មកនូវភាពចម្រូង ចំរាស់ទូទាំងសាកលលោក ពាក់ព័ន្ធទៅនឹងវិបត្តិមនុស្សជាតិ ៕</span></p>
<p><span style="color: #0000ff;"><a href="/News/Detail/47697/my-children-slipped-through-my-hands-father-say" target="_blank"><span style="color: #0000ff;">- អាន ៖ "មិនចង់ទេ តែជាគ្រោះកាច គេរបូតពីដៃខ្ញុំ" ដំណើររឿង រន្ធត់ សព ក្មេងតូច វ័យ ៣ឆ្នាំ</span></a></span></p>
<p><span style="color: #0000ff;"><a href="/News/Detail/44583/drowned-toddler-sparks-fresh-horror-over-europe-migrant-crisis" target="_blank"><span style="color: #0000ff;">- អាន ៖ សពក្មេងតូច លង់ទឹក ទើរលើឆ្នេរ ផ្ទុះក្តីអាសូរ មួយទ្វីបលោក ដាក់បន្ទុក ស្តីអោយខ្លាំង ពួក ISIS</span></a></span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>