<div class="article-content">
<p><strong>ភ្នំពេញ ៖</strong> ជនសង្ស័យ ចំនួនពីរនាក់ ក្នុង ចំណោមបក្ខពួក ទាំង៤នាក់ ត្រូវបានកម្លាំង នគរបាល<br />ប៉ុស្ដិ៍ស្ទឹងមានជ័យ ខណ្ឌមានជ័យ ពេលកំពុងចុះល្បាត បានធ្វើការ ឃាត់ខ្លួន ដោយរឹបអូស ម៉ូតូ<br />មួយគ្រឿងនិងកាំភ្លើងខ្លីមួយដើម បន្ទាប់ពីពួកគេទាំង៤នាក់ បានធ្វើ សកម្មភាពប្លន់ពីនារីពីរនាក់<br /> កាលពីវេលាម៉ោងប្រមាណ១១និង៣០នាទី យប់ថ្ងៃទី ២០ ខែសីហា ឆ្នាំ២០១៣ ស្ថិតនៅចំណុច <br />ផ្លូវលេខ៣៣៦ ក្រុមទី១៣ សង្កាត់បឹងសា ឡាង ខណ្ឌទួលគោក បណ្ដាលឱ្យនារីម្ចាស់ ម៉ូតូរង<br />របួស បែកក្បាលព្រោះតែក្រុមចោរ ទាំងនេះបានវាយនិងស្នាប់កាំភ្លើងមុនពេល ពួកវាបានបាញ់<br />ឡើងមួយគ្រាប់ជាគំរាម ។</p>
<p>ការចាប់ខ្លួនក្រុមចោរប្រដាប់ទាំងពីរនាក់ខាងលើនេះ បានឡើងកាលពីវេលាម៉ោង ប្រមាណ១២<br />និង៣០នាទីយប់រំលងអធ្រាត្រ ឈានចូលថ្ងៃទី២១ ខែសីហា ឆ្នាំ២០១៣ ស្ថិតតាមផ្លូវបេតុង ក្នុង<br />ភូមិមានជ័យ សង្កាត់ស្ទឹងមានជ័យ ខណ្ឌមានជ័យដោយរឹបអូស ម៉ូតូម៉ាកស្កុបពី ស៊េរីឆ្នាំ២០១៣<br />មួយគ្រឿង និងកាំភ្លើងខ្លីមួយដើម ម៉ាកកា៥៩ ។</p>
<p>គួរបញ្ជាក់ថា នៅវេលាម៉ោង ១១និង៣០ នាទីយប់ថ្ងៃទី២០ ខែសីហា ឆ្នាំ២០១៣ ជន សង្ស័យ<br />ចំនួន៤នាក់ ជិះម៉ូតូស៊េរីទំនើប២ គ្រឿងប្រដាប់ដោយអាវុធខ្លីមួយដើម បាន ភ្ជង់ប្លន់ម៉ូតូពីនារីពីរ<br />នាក់ កំពុងជិះម៉ូតូម៉ាកស៊ុយស៊ូគីនិកពណ៌ខ្មៅលាយក្រហម ពាក់ស្លាក លេខ ភ្នំពេញ 1BY-0620<br /> ដោយឌុបគ្នាចេញ ពីហូប បង្អែមនៅម្ដុំផ្សារដើមគ។</p>
<p>យោងតាម សេចក្ដីរាយការណ៍ពីកន្លែង កើតហេតុបានឱ្យដឹងថា ខណៈដែលនារីរង គ្រោះទាំង<br />ពីរនាក់ កំពុងជិះម៉ូតូតាមបណ្ដោយ ផ្លូវលេខ៣៣៦ ឆ្ពោះទៅផ្ទះរបស់ខ្លួន លុះមក ដល់ចំណុច<br />កើតហេតុ ក៏ត្រូវក្រុម ចោរប្លន់ទាំង ៤នាក់ ជិះមកក្បែរ ហើយដកកាំភ្លើងភ្ជង់ប៉ង ប្លន់យកម៉ូតូ <br />ប៉ុន្ដែដោយសារតែ ស្ដាយទ្រព្យ សម្បត្ដិរបស់ខ្លួន នារីរងគ្រោះមិនព្រមឱ្យ ហើយប្រតាយប្រតប់<br />ជាមួយក្រុមចោរ ។</p>
<p>សេចក្ដីរាយការណ៍ បានបន្ដទៀតថា ដោយឃើញស្ថានភាពបែបនេះ និង ខ្លាចមានការ ភ្ញាក់<br />ផ្អើលដល់ ប្រជាពលរដ្ឋ នៅក្បែរខាង ក៏ដូចជាសមត្ថកិច្ចនោះ ជនសង្ស័យម្នាក់ បាន ដកកាំ<br />ភ្លើងវាយក្បាល នារីរង គ្រោះ បណ្ដាល ឱ្យរងរបួសធ្ងន់ធ្ងរ រួចក៏យកម៉ូតូនារី រងគ្រោះ ជិះគេច<br />ខ្លួនតែម្ដងទៅ ប៉ុន្ដែពេលនោះក្រុមចោរបាញ់ចំនួនមួយគ្រាប់ ដើម្បីគំរាម។ ក្រោយពីមានករណី<br />ប្លន់ប្រដាប់អាវុធខាងលើនេះកើតឡើងស្នងការនគរបាលរាជធានីភ្នំពេញ លោកឧត្ដមសេនីយ៍ <br />ជួន សុវណ្ណ និង ស្នងការរងលោកជួន ណារិន្ទ បានបញ្ជាឱ្យកម្លាំងសមត្ថកិច្ចមូលដ្ឋានក៏ដូចជា<br />កម្លាំងជំនាញព្រហ្មទណ្ឌចុះទៅជួយអន្ដរាគមន៍ភ្លាមៗ ដោយទាក់ទងទៅកម្លាំងនគរបាលតាម<br /> បណ្ដាខណ្ឌ នៅក្នុងរាជធានីភ្នំពេញ ដើម្បី ជួយដេញស្ទាក់ ។</p>
<p>ប្រភពព័ត៌មានពីសមត្ថកិច្ចដែលចុះទៅដល់កន្លែងកើតហេតុនោះបានឱ្យដឹងថានារី ជាអ្នកបើក<br />ម៉ូតូឈ្មោះ ស្រីពៅ អាយុ១៩ឆ្នាំ និង អ្នករួមដំណើរឈ្មោះស្រីឡា អាយុ១៩ឆ្នាំ ដូចគ្នា បច្ចុប្បន្ន<br />ស្នាក់នៅក្បែរកន្លែងកើតហេតុនោះ ។ ក្រោយពីទទួលបានព័ត៌មាននិងមាន បទបញ្ជាពីលោក<br />ស្នងការនិងស្នងការរងនោះកម្លាំងនគរបាលតាមបណ្ដាខណ្ឌបានចេញស្ទាក់ ហើយពេលនោះ<br /> កម្លាំងនគរបាលល្បា របស់ ប៉ុស្ដិ៍ស្ទឹងមានជ័យ ខណ្ឌមានជ័យ កាលពីវេលា ម៉ោង ១២និង<br />៣០នាទី យប់រំលងអធ្រាត្រ ឈានចូលថ្ងៃទី២១ ខែសីហា ឆ្នាំ២០១៣ បានឃើញមុខសញ្ញា<br /> ហើយឈានទៅដល់ ការឃាត់ខ្លួនជនសង្ស័យចំនួន២នាក់ ។</p>
<p>មន្ដ្រីនគរបាលប៉ុស្ដិ៍ស្ទឹងមានជ័យបានឱ្យដឹងថា ជនសង្ស័យទី១ ឈ្មោះចាន់ សុទី អាយុ១៩ឆ្នាំ <br />និងជនសង្ស័យទី២ ឈ្មោះឌុច សីលា អាយុ២០ឆ្នាំ មុខរបរជាជាងធ្វើតុទូរស់នៅភូមិថ្មី សង្កាត់<br />ស្ទឹងមានជ័យ ខណ្ឌមានជ័យ ។</p>
<p>ប្រភពព័ត៌មានពីសមត្ថកិច្ចបានបន្ដថាក្រោយពីមានការឃាត់ខ្លួននិងសួរនាំរួចមកជនសង្ស័យ<br />ទាំងពីរនាក់ និងវត្ថុតាង ត្រូវបាន សមត្ថកិច្ចប៉ុស្ដិ៍ស្ទឹងមានជ័យ ប្រគល់ជូនទៅសមត្ថកិច្ចខណ្ឌ<br />ទួលគោក ដើម្បីចាត់ការ បន្ដ ទៀត និងធ្វើការស្រាវជ្រាវស្វែងរកចាប់ខ្លួនជនសង្ស័យពីរនាក់<br />ផ្សេងទៀត ដែលជាបក្ខ ពួកកំពុងរត់ គេចខ្លួន ជាមួយ និងម៉ូតូជនរង គ្រោះនោះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0496.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0497.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0498.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0499.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0495.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>