<p id="aui_3_2_0_1361"><span style="color: #000000;">លិខិតអញ្ជើញចូលរួមព្រឹត្តិការណ៍ Galaxy Unpacked 2016 ដែលទើបតែបែកធ្លាយចចាមអារ៉ាម បានឲ្យដឹងថា Samsung នឹងធ្វើការបង្ហាញណែនាំគំរូ Phablet ស៊េរីខ្ពស់គឺ Galaxy Note 7 នៅថ្ងៃទី០២ ខែសីហា ខាងមុខនេះ។</span></p>
<p><span style="color: #000000;">នេះគឺជារូបភាពដែលត្រូវបានគេហទំព័រ Android Authority ដកស្រង់ប្រភពមកពី SamMobile។ មនុស្សជាច្រើនបានឲ្យដឹងថា រូបភាពនេះ គឺពិតជាលិខិតអ្នកសារព័ត៌មាន ឬក៏ជា Poster ពាណិជ្ជកម្មសម្រាប់ ព្រឹត្តិការណ៍ Galaxy Unpacked 2016 ដែលនឹងប្រារព្ធធ្វើឡើងនៅថ្ងៃទី០២ ខែសីហា ខាងមុខនេះ នៅសហរដ្ឋអាមេរិច។ ការដែលធ្វើការបង្ហាញខ្លួន Galaxy Note 7 ឆាប់រហ័សជាងមុនដូច្នេះ គឺជារឿង ដែលត្រូវគេរំពឹងទុកមុនតាំងពីមុនមក ដោយសារតែក្រុមហ៊ុន Samsung ចង់យកប្រៀបបានមុន នឹង iPhone ជំនាន់បន្ទាប់របស់ Apple ដែលនឹងធ្វើការបង្ហាញខ្លួន ក្រោយនេះមួយខែ។ កាលពីដើមឆ្នាំនេះ Galaxy S7 ក៏ត្រូវបានក្រុមហ៊ុន Samsung បង្ហាញណែនាំឆាប់រហ័សជាងរាល់ឆ្នាំផងដែរ ពោលគឺ ធ្វើការបង្ហាញនៅខែកុម្ភៈ ជំនួសឲ្យខែមីនា ដូចកាលវិភាគរាល់ឆ្នាំ។ </span></p>
<p><a class="thickbox" title="" href="/FileManager/Commons/2016/6/14/1536994-14-06-2016--19-24-27.jpg"><img src="/FileManager/Articles/mce/2016/6/14/1536994-14-06-2016--19-24-27.jpg" alt="" /></a></p>
<p><span style="color: #000000;">គួរឲ្យកត់សំគាល់ដែរថា បណ្តារូបគំនូរនៅលើរូបភាពខាងលើនេះ គឺមានសណ្ឋានដូចជាលេខ ៧ អ៊ីចឹង ដូច្នេះវាហាក់ដូចជាច្បាស់ហើយថា Samsung នឹងធ្វើការបោះបង់ចោល Galaxy Note 6 ដើយធ្វើការ បង្ហាញណែនាំ Galaxy Note 7 នៅក្នុងឆ្នាំនេះតែម្តង ដើម្បីឲ្យវាសមស្របគ្នាទៅនឹង Galaxy S7។</span></p>
<p><span style="color: #000000;"><a class="thickbox" title="" href="/FileManager/Commons/2016/6/14/1536997-14-06-2016--19-24-45.jpg"><img src="/FileManager/Articles/mce/2016/6/14/1536997-14-06-2016--19-24-45.jpg" alt="" /></a> </span></p>
<p><span style="color: #000000;">កាលពីមុននេះ មានរូបភាពចចាមអារ៉ាមជាច្រើន បានបង្ហាញឲ្យឃើញថា Galaxy Note 7 មានអេក្រង់ កោងសងខាង ដូចទៅនឹង Galaxy S7 Edge ផងដែរ៕</span></p>
<p><a href="http://www.camnews.com.kh/News/Detail/27295/concept-iphone-7-blue-color"><span style="color: #0000ff;"><em>- អានអត្ថបទ៖ iPhone 7/7 Pro គំរូពង្រាងពណ៌ខៀវស្រអាប់ដូច្នេះ ស្រលាញ់ទេ?</em></span></a></p>
<p> </p>
<p style="text-align: right;">ប្រែសម្រួល៖ មង្គល</p>