<div class="article-content">
<p><span><strong>ភ្នំពេញ៖ </strong>សង្គ្រាមពាក្យសម្ដី តាមបណ្ដាញ ទំនាក់ទំនងសង្គម ដ៏ពេញនិយម ហ្វេសប៊ុក រវាងតារា<br />ចម្រៀង អភិរក្សនិយមបទពីដើមៗ លោក ឯក ស៊ីដេ និង ស្រ្តីជាអានិកជន រស់នៅក្នុង ប្រទេស<br />បារាំង មានឈ្មោះថា ប៉ែន វ៉ាន់សាវី ដែលគេអះអាងថា ជាអតីតសង្សារ ឆ្លងទ្វីបរបស់លោក កាល<br />ពីពេលថ្មីៗកន្លងទៅនេះ គឺនៅមិនទាន់ ផុតរលត់ភ្លើងសម្ដី ឆ្លើយឆ្លងគ្នា នៅឡើយទេ បើទោះបីជា<br />ភាគីទាំងពីរ បានទាញយកត្រូវរៀងៗខ្លួន ប៉ុន្តែរឿងនេះប្រៀបបី ដូចជាស្រមោល អន្ទោលតាម<br />ប្រាណ មិនបានស្ងប់ក្នុងចិត្ត ទៅលើភាគីណាមួយទេ។</span></p>
<p>ជាការពិត ពាក្យចាស់តែងដំណាលថា "ឃ្លានឆ្ងាញ់ ស្រឡាញ់ល្អ" បានបញ្ជាក់ពីតថភាពសង្គម រស់<br />នៅរបស់មនុស្សបច្ចុប្បន្ន ពោលបើកាលណា មនុស្សម្នាក់ កំពុងតែស្រេកឃ្លាន អាហារ ហេវហត់អស់<br />កម្លាំង និងស្វែងរកចំណីគ្រប់ទិសទី ហូបបំបាត់ឃ្លាន ធ្វើយ៉ាងណាឲ្យតែបានមួយចំអែតក្រពះ គឺអា<br />ហារ ឬចំណីនោះ ពិតជាមានរស់ជាឆ្ងាញ់ ខ្លាំងណាស់ សម្រាប់អ្នកស្រេកឃ្លាន ហើយក៏មិនបានគិត<br />ពីអនាម័យ ឬមានចំនួន តិចឬក៏ច្រើនឡើយ។ យ៉ាងណាមិញ ពាក្យថា ស្រឡាញ់ល្អ គឺសម្ដៅទៅលើ<br />ក្ដី ស្នេហារវាង មនុស្សពីរនាក់ បើកាលណា មានចិត្តងប់ងល់ លើគ្នាហើយនោះ គឺភ្លើងស្នេហានឹងឆេះ<br />ឡើង ត្របាញ់ចូលគ្នា គ្មានអ្នកណាអាចឃាត់ដំណើរ របស់ពួកគេបានឡើយ ។</p>
<p>ប៉ុន្តែលើកចុងក្រោយ ពួកគេមិនបានគិតពីផលអវិជ្ជមានណាមួយ ដែលអាចកើតឡើង ជាយថាហេតុ ចំពោះដំណើរស្នេហាបែបភ្លើងចំបើងនេះទេ នៅពេលពួកគេ មិនបានស្វែងយល់ចិត្តថ្លើមគ្នាឲ្យច្បាស់<br /> មុននឹងលាតត្រដាងប្រាប់គេប្រាប់ឯង ជាសាធារណៈ។ ជាក់ស្ដែងដំណើររឿង របស់លោក ឯក ស៊ីដេ<br /> និង នាង ប៉ែន វ៉ាន់សាវី ក៏មិនខុលពាក្យដែលចាស់ៗបានដំណាល់តៗគ្នាខាងលើនេះដែរ ខណៈ<br />ស្នេហាបែបឃើញភ្លាម ស្រឡាញ់ភ្លែត មិនបានស្វែងយល់ពីជម្រៅចិត្តគ្នា ឲ្យច្បាស់ជាមុនសិន រហូត<br />មានជាជម្លោះបែកអូរហូរស្ទឹង ទើបទាញយកត្រូវរៀងៗខ្លួន និងធ្វើឲ្យកេរ្តិ៍ឈ្មោះអាម៉ាសមិនស្ទើរនោះ<br />ទេ ព្រោះលោក ឯក ស៊ីដេ ជាតារាល្បីឈ្មោះមួយរូប ក្នុងប្រទេសកម្ពុជាយូរឆ្នាំមកហើយ ។</p>
<p>ការផ្ទុះជម្លោះរវាងតារាចម្រៀង ឯក ស៊ីដេ និងស្រ្តីឈ្មោះ វ៉ាន់ សាវី ជាអតីតសង្សារ នៅប្រទេសបារាំង<br />នោះ ត្រូវបានប្រភពមួយបញ្ជាក់ថា គឺដើមចមដំបូង បណ្តាលមកពី លោក ឯ កស៊ីដេ បានសុំប្រាក់ពី<br />នារីជាសង្សារ រូបនោះ ចំនួន៥០០០ដុល្លារ ដើម្បីយកមកកែសម្រួលបន្ទប់ នៅក្នុងផ្ទះឲ្យបានសមរម្យ<br /> និងទិញកុំព្យូរទ័រមួយគ្រឿង ងាយស្រួលធ្វើការ។ តែពេលនាង ប៉ែន វ៉ាន់សាវី ដែលអះអាងថា រាប់អាន<br />គ្នាត្រឹមបងប្រុស និងប្អូនស្រី យឺតយ៉ាវក្នុងការ ផ្តល់ប្រាក់ មកឲ្យ ទើបលោក ឯក ស៊ីដេ បែរជាផ្ញើសារ<br />តាមហ្វេសប៊ុក ទៅនាង ប៉ែន វ៉ាន់សាវី ទាំងខឹងសប្បារ និងមានពាក្យពេចន៍ជេរប្រទិច នៅក្នុងសារ<br />នោះ ទៀតផង ។</p>
<p>ប៉ុន្តែបើផ្អែកតាមសម្ដីដែលគេហទំព័រ LookingTODAY ទទួលបានតាមរយៈសារអេឡិចត្រូនិច ពីនាង<br /> ប៉ែន វ៉ាន់សាវី បានបញ្ជាក់ថា "តារាចម្រៀងល្បីឈ្មោះ លោក ស៊ីដេ បាន SMS មកសុំលុយខ្ញុំ នៅបា<br />រាំង ដែលខ្ញុំមិនដែលទាំងស្រឡាញ់គាត់ទេ គឺគ្រាន់តែរាប់អាន ជាបងប្អូនធម៌ជាមួយគ្នា ។ ដោយសារ<br />តែលុយចំនួន ៥០០០ដុល្លារ មានចំនួនច្រើនគួរសម ខ្ញុំរៀបចំមិនទាន់ ក្នុងការផ្ញើទៅ លោក ស៊ីដេ តា<br />រាចម្រៀងប្រចាំស្រុកខ្មែររូបនេះ ខឹងនឹងខ្ញុំយ៉ាងខ្លាំង ក៏បានប្រើពាក្យសម្ដី អសុរសជាច្រើន និងជេរប្រ<br />ទេច ដាក់បណ្ដាសារ ខ្ញុំតែម្ដង "។</p>
<p>នាង ប៉ែន វ៉ាន់សាវី បានបន្តឲ្យដឹងទៀតថា "សូមអ្នកទាំងអស់ជួយពិចារណាមើលថា តើជាទង្វើគប្បី <br />ដែរឬទេ ដែលធ្វើបែបនេះមកលើ មនុស្សស្រីទន់ខ្សោយ ដូចជាខ្ញុំ ? មិនតែប៉ុណ្ណោះថែមទាំងឲ្យមនុស្ស<br />មួយចំនួន មករករឿងជាមួយខ្ញុំ ជាច្រើនលើកច្រើនសារ មិនចេះចប់មិនចេះហើយ។ ដូចនេះហើយក៏<br />បង្ខំចិត្ត ទម្លាយរឿងនេះទៅ ខ្ញុំក៏មិនចង់បង្កឲ្យមានរឿង ទៅជាយ៉ាងនេះដែរ តែក៏ដោយសារវាហួស<br />ហេតុពេក គេចេះតែបង្ករឿង មិនចេះចប់មិនចេះហើយ ការទ្រាំរបស់មនុស្សម្នាក់ៗក៏មានដែនកំណត់<br />ដែរ.."។</p>
<p>ទោះបីជាយ៉ាងណា ដើម្បីរកខុសត្រូវឲ្យបានច្បាស់ នៅពេលដែលរឿងវ៉ាវបានបែកធ្លាយកាន់តែធំ<br />ឡើងៗ គាប់ជួនលោក ឯក ស៊ីដេ បានច្រានចោលទាំងស្រុក រាល់ការអះអាងខាងលើ ពីភាគីនាង <br />ប៉ែន វ៉ាន់សាវី ថា មិនមែនជាការពិត ហើយបានបញ្ជាក់ប្រាប់បណ្ដាញព័ត៌មានក្នុងស្រុកថា លោកទេ <br />ជាអ្នករងគ្រោះ ពីការចោទប្រកាន់ទាំងគ្មានហេតុផលខាងលើនេះ ទើបនាង ប៉ែន វ៉ាន់សាវី បាននាំ<br />ទាំងម្ដាយ របស់នាង ជិះយន្តហោះពីបារាំងឆ្ពោះមកស្រុកខ្មែរ ដើម្បីជួបមុខគ្នា និយាយតទល់ឲ្យដឹង<br />សខ្មៅ ។ ប៉ុន្តែមិនបានទទួលលទ្ធផលផ្លែផ្កាណាមួយ ឲ្យស្ងប់ចិត្តក្នុងជម្លោះនេះឡើយ ព្រោះតែលោក<br /> ឯក ស៊ីដេ គេចវេសមិនមកជួប តាមការអញ្ជើញ។</p>
<p>នាង ប៉ែន វ៉ាន់សាវី បានបញ្ជាក់ថា "ខ្ញុំទើបតែដឹងចរិតលោក ឯក ស៊ីដេ ធ្វើឲ្យខូចអស់ប្រុសស្រុកខ្មែរ<br /> ខ្ញុំដឹងថាប្រហែលជាមិនស្រួល ព្រោះមិត្តខ្ញុំនៅបារាំង ធ្លាប់ខ្សឹបប្រាប់ថា ធ្លាប់បោកគេអស់ច្រើននាក់<br />មកហើយ បើតាមដឹងច្បាស់ ខ្ញុំជាមនុស្សទី៤ហើយ ដែលលោកឯក ស៊ីដេ បម្រុងនឹងបោកប្រាស់ <br />ខណៈដែលខ្ញុំ និងគាត់ទើបស្គាល់គ្នាបាន៥ខែ ។ ខ្ញុំក៏មិនចង់រកខុសត្រូវជាមួយគាត់ដែរ ប៉ុន្តែហួស<br />ហេតុពេក ដល់ថ្នាក់គម្រាមខ្ញុំ ចង់ចាប់ខ្ញុំដាក់គុក ពេលទៅស្រុកខ្មែរ ប៉ុន្តែពេល មកដល់ មានហ៊ាន<br />មកក្បែរឯណា គេចមុខចេញ គួរឲ្យចង់សើចខ្លាំងណាស់...!"។</p>
<p>ពាក់ព័ន្ធនឹងរឿងរ៉ាវវាយប្រហារ និងចេញមុខបកស្បែក តារាចម្រៀង ឯក ស៊ីដេ ពីសំណាក់នាង<br /> ប៉ែន វ៉ាន់សាវី ជាបន្តបន្ទាប់នៅពេលនេះ គេហទំព័រ LookingTODAY នៅរសៀលថ្ងៃទី២១ ខែវិច្ឆិកា<br /> ឆ្នាំ២០១៣ នេះបានធ្វើការទំនាក់ទំនងតាមរយៈលេខទូរស័ព្ទដែលលោក ឯក ស៊ីដេ ធ្លាប់ប្រើ ដោយ<br />លោកបាន និយាយថា លោកមិនចង់ឲ្យពាក់ព័ន្ធវែងឆ្ងាយទេ ។ តាមការពិតគ្រាន់តែជាមិត្តភក្តិធ្លាប់<br />រាប់អានគ្នាធម្មតាៗ ក្នុងហ្វេសប៊ុកប៉ុណ្ណោះ ។ លោក មិនចង់ខ្វល់ទេ ចង់គេនិយាយអីក៏និយាយទៅ<br /> លោកមិនយកពេលវេលាឥតប្រយោជន៍ ទៅតតាំងជាមួយទេ ។ លោកគិតថា ពេលស្គាល់គ្នាដំបូង<br /> ប្រហែលជាអាចរាប់អានគ្នាបាន តែស្គាល់យូរៗទៅ ធ្វើចរិតដូចក្មេងលេងបាយឡុកបាយឡ លោក<br />ក៏ផ្ដាច់ចោលតែម្ដងទៅ ទើបគេតាមបង្ខូចកេរ្តិ៍ឈ្មោះ ដល់សព្វថ្ងៃនេះ ។</p>
<p>តែទោះបីជាយ៉ាងណា នៅក្នុង ហ្វេសប៊ុក របស់លោកក៏បានសរសេរសារឆ្លើយឆ្លង ទៅកាន់ នាង<br /> ប៉ែន វ៉ាន់សាវី វិញថា "ខ្ញុំមិនដែលឃើញស្រីបែបនេះទេ គ្រាន់តែឃើញរូបខ្ញុំក្នុងហ្វេសប៊ុក ក៏ស្រ<br />ឡាញ់ខ្ញុំ ខ្ញុំមិនព្រមក៏តាំងរកគ្រប់វិធីមកបំផ្លាញខ្ញុំ។ នាងនេះ(ប៉ែន វ៉ាន់សាវី)ព្យាយាមនិយាយសំ<br />អុយខ្ញុំ អស់រយៈពេល៥ខែមកហើយ តែខ្ញុំធ្វើមិនដឹង។ ឥឡូវនេះកាន់តែយ៉ាប់។ មិនមែនតែខ្ញុំម្នាក់<br />ទេ ដែលត្រូវនាងនេះ ធ្វើឲ្យកើតរឿង លោក យន់ សុភាព ទី១,ខ្ញុំទី២,ទី៣អាចជា លោក ឆាយ <br />កុសល ។ ការពិតខ្ញុំមិនចង់និយាយរឿងនេះច្រើនទេ ព្រោះខាតពេល។ អរគុណណា!!! "។</p>
<p>បើទោះបីជា លោក ឯក ស៊ីដេ ខំលៀងចម្រះយ៉ាងណាក៏ដោយ ប៉ុន្តែអ្នកនិយមលេងហ្វេសប៊ុក មួយចំនួនបានដឹងរឿងរបស់លោកគ្មានសល់ សូម្បីតែតារាចម្រៀង ប៉ុន្មាននាក់ នៅស្រុកខ្មែរ ក៏<br />បានបញ្ចេញមតិរិះគន់លោក ឯក ស៊ីដេ ពីរឿងសុំលុយស្ត្រីនៅប្រទេសបារាំងនោះដែរ ហើយ<br />ពេលមិនបានសម្រេច ក៏មានរឿងផ្ទុះ ឡើង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0561.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0562.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0563.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0564.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0565.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0566.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0567.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0568.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0569.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/November/id-099/v_0570.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/morokatmagazine/76003-2013-11-21-10-49-25.html"><span style="color: #0000ff;">ដើមអំពិល</span></a></p>
</div>