<p><strong></strong>នេះគឺជាការបង្កើតនូវ សកម្មភាព វិនិយោគថ្មីមួយទៀតសំរាប់វិនិយោគិនបន្ថែមពីលើការ<br />វិនិយោគដែលមានស្រាប់ មួយចំនួន ដូចជា ប្រព័ន្ធធនាគារ, ការវិនិយោគទៅលើមាស, <br />អចលនះទ្រព្យ។ល។ ទោះបីជាយ៉ាងណាក៏ដោយ, តើត្រូវរៀបចំបែបណាដើម្បីចូលរួមក្នុង<br />ទីផ្សារមូលបត្រកម្ពុជា និង មិនបាត់បង់ឪកាសនេះ?</p>
<p>ជាដំបូង,ដើម្បីចូលរួមក្នុងទីផ្សារមូលបត្រកម្ពុជា វិនិយោគិនគូរបំពេញនូវលក្ខខ័ណ្ឌខាងក្រោម៖</p>
<p>1) លេខអត្តសញ្ញាណវិនិយោគិនដែលទទួលបានពីគណកម្មការមូលបត្រកម្ពុជា(គមក)</p>
<p>2) លេខគណនីជួញដូរដែលចេញដោយក្រុមហ៊ុនមូលបត្រ</p>
<p>3) គណនីធនាគារ (ប្រសិនបើមាន) ដែលបើកនៅធនាគារពាណិជ្ជ</p>
<p><a class="thickbox" title="" href="/FileManager/Commons/2012/4/18/dsc09952-18-04-2012--23-45-43.jpg"><img src="/FileManager/Articles/mce/2012/4/18/dsc09952-18-04-2012--23-45-43.jpg" alt="" /></a></p>
<p><strong>វិធីសាស្រ្តក្នុងការស្នើសុំលេខអត្តសញ្ញាណវិនិយោគិន</strong></p>
<p>យោងទៅតាមបទបញ្ញតិបច្ចុប្បន្ន, គ.ម.ក. គីជាស្ថាប័នដែលគ្រប់គ្រងទៅលើពត៌មាន, ការផ្តល់<br /> អាជ្ញាប័ណ្ណនិងគ្រប់គ្រងលេខអត្តសញ្ញាណវិនិយោគិនទាំងវិនិយោគិនក្នុង និងក្រៅ ស្រុក។ ដើម្បី<br />ទទួលបានលេខអត្តសញ្ញាណវិនិយោគិន (វិនិយោគិនម្នាក់អាចមានលេខ អត្តសញ្ញាណវិនិយោគិន<br />តែមួយប៉ុណ្ណោះ) វិនិយោគិន អាចជ្រើសរើសវិធីសាស្រ្តមួយក្នុងចំណោម វិធីសាស្រ្តពីរខាងក្រោម៖</p>
<p>1) ស្នើសុំដោយផ្ទាល់ទៅគ.ម.ក.</p>
<p>2) ស្នើសុំតាមរយៈក្រុមហ៊ុនមូលបត្រ</p>
<p>ក្នុងអំឡុងពេល ២ទៅ៥ថ្ងៃនៃថ្ងៃធ្វើការ បន្ទាប់ពីដាក់ពាក្យស្នើសុំទៅគ.ម.ក. វិនិយោគិន នឹងទទួល<br />បាននូវលេខអត្តសញ្ញាណវិនិយោគិន។នៅកម្ពុជាបច្ចុប្បន្ន ក្រុមហ៊ុនមូលបត្រភាគ ច្រើន បានជួយ<br />អតិថិជនរបស់ពួកគេក្នុងការស្នើសុំលេខអត្តសញ្ញាណវិនិយោគិន។បន្ថែមពីនេះ ក្រុមហ៊ុនមូលបត្រ<br />អាចជួយអតិថិជនក្នុងការរៀបចំ និងផ្លាស់ប្តូរពត៌មានរបស់វិនិយោគិនក្នុង ករណីមាន ការស្នើសុំពី<br /> វិនិយោគិន។</p>
<p>ម្យ៉ាងវិញទៀត ការស្នើសុំលេខអត្តសញ្ញាណវិនិយោគិនតាមរយៈក្រុមហ៊ុនមូលបត្រ អាចកាត់បន្ថយ<br />ពេលវេលានិងចំណាយរបស់វិនិយោគិន។</p>
<p><strong>វិធីសាស្រ្តក្នុងការបើកគណនីជូញដូរ<br /></strong>បន្ទាប់ពីទទួលបានលេខអត្តសញ្ញាណវិនិយោគិន, វិនិយោគិនអាចស្នើសុំបើកគណនី ជួញដូរនិង<br />ប្រើប្រាស់សេវាកម្មស្របតាមបញ្ញតិ្ដនៃច្បាប់និងក្រុមហ៊ុនមូលបត្រ។ ទន្ទឹមនឹងនេះ,ក្រុមហ៊ុនមូលបត្រ<br />នឹងធ្វើរបាយការណ៍ស្តីពីពត៌មានវិនិយោគិនទៅផ.ម.ក ហើយប្រព័ន្ធ គ្រប់គ្រង របស់ ផ.ម.ក នឹង<br />ផ្តល់នូវ លេខគណនីជួញដូរ (Trading Account) ជូនអតិថិជន។</p>
<p>យោងតាមបទបញ្ញតិបច្ចុប្បន្ន, វិនិយោគិនម្នាក់អាចមានគណនីមួយនៅក្រុមហ៊ុនមូលបត្រ មួយ។<br /> មានន័យថាវិនិយោគិនអាចមានគណនីជួញដូររហូតដល់១៣ដោយហេតុថាក្រុមហ៊ុន ដែលមាន<br />អាជ្ញាបណ្ណជាក្រុមហ៊ុនឈ្មួញជើងសារមានចំនួន១៣ ក្នុងចំណោម១៦ ក្រុមហ៊ុន។</p>
<p><strong>លក្ខណះសំខាន់គួរសម្រេចចិត្តជ្រើសរើសក្រុមហ៊ុនមូលបត្រ</strong><em></em></p>
<p>មានមូលហេតុជាច្រើន សម្រាប់វិនិយោគិនក្នុងសម្រេចចិត្តបើកគណនីជួញដូរនៅ ក្រុមហ៊ុនមូលបត្រ<br />ដែលគួរបើក។ នៅក្នុងប្រទេសកម្ពុជាជំរើសច្រើននៃក្រុមហ៊ុនមូលបត្រនឹង នាំឲ្យមានភាពបត់បែន<br />បន្ថែមទៀតចំពោះវិនិយោគិន ប៉ុន្តែជំរើសដ៏ត្រឹមត្រូវគឺមានសារៈសំខាន់ ពីព្រោះវាប៉ះពាល់ដោយផ្ទាល់<br />ដល់ភាពផលប្រយោជន៍ ក៏ដូចជាប្រាក់ចំណេញពីសកម្មភាព វិនិយោគ។</p>
<p>ផ្អែកតាមអ្នកជំនាញវិនិយោគ លក្ខណះសំខាន់គួរសម្រេចចិត្តជ្រើសរើសរួមមាន៖</p>
<p>1) ក្រុមហ៊ុនមូលបត្រដែលមានដំណើរការស្របច្បាប់ និងមានអាជ្ញាបណ្ណពីគណៈកម្មការមូលបត្រ<br />កម្ពុជាដែលមានសេវាឈ្មួញជើងសាមូលបត្រ</p>
<p>2) ក្រុមហ៊ុនមូលបត្រធំ មានបទពិសោធន៍ នឹង កេរិ៍្តឈ្មោះ</p>
<p>3) ធនធានមនុស្សមានចំណេះដឹងខ្ពស់ និងបទពិសោធន៍យូរឆ្នាំ</p>
<p>4) គុណភាពសេវាកម្មល្អ ឆ្លើយតបនឹងតម្រូវការវិនិយោគិន</p>
<p>5) តម្លៃសេវាសមរម្យ និងមានគុណភាព</p>
<p>ក្រៅពីកត្តាសំខាន់ទាំងនេះ វាអាស្រ័យស្ថានភាពជាក់ស្តែងរបស់វិនិយោគិនផ្ទាល់។ រាល់វិនិយោគិន<br />មានតំរូវការដែលខ្លួនចង់បាន រួមជា៖</p>
<p>1) ក្រុមហ៊ុនមូលបត្រ មានសេវាច្រើនមកពីប្រព័ន្ធព័ត៍មានវិទ្យាទំនើបដែលនឹងផ្តល់ នូវអត្ថប្រយោជន៍<br />យ៉ាងច្រើនដល់អតិថិជន។តួយ៉ាងដូចនៅក្នុងទីផ្សារមូលបត្រកម្ពុជាសព្វថ្ងៃ ដែលមានតំរូវការខ្ពស់ដូច<br />នេះសេវាកម្ម ទាំងនេះ នឹងផ្តល់ឪកាសជូនវិនិយោគិនដើម្បីវិនិយោគលើមូលបត្រកម្មសិទ្ធនេះ។</p>
<p>2) ក្រុមហ៊ុនមូលបត្រដែលមានការជួយជ្រុំជ្រេញពីធនាគារ ឬស្ថាប័នហិរញ្ញវត្ថុធំៗ</p>
<p>3) បុគ្គលិកមានភាពស្និតស្នាល រួសរាយរាក់ទាក់ និង ប្រកបដោយក្រមសីលធម៌វិជ្ជាជីវៈ</p>
<p>4) ការិយាល័យកណ្តាល សាខារបស់ក្រុមហ៊ុនដែលជិតកន្លែងធ្វើការឬគេហដ្ឋានរបស់ លោកអ្នក។<br />ជាពិសេសគឺសេវាកម្មជួញដូរតាមប្រព័ន្ធអេឡិចត្រូនិច (Trading Online Service) ដែលនឹងផ្តល់ភាព<br />ងាយស្រួលបន្ថែមទៀតជូនវិនិយោគិន។</p>
<p>ជារួម ការជ្រើសរើសក្រុមហ៊ុនមូលបត្រធំៗ មានកេរិ៍្តឈ្មោះនឹងសមត្ថភាពខាងហិរញ្ញវត្ថុដើម្បីជួយ<br />វិនិយោគិនគឺ សុទ្ធតែមានប្រព័ន្ធបច្ចេកវិទ្យាខ្ពស់ យកចិត្តទុកដាក់ទៅលើអតិថិជន ហើយសុវត្តិភាព<br />ប្រាក់បញ្ញើសំរាប់ជួញដូរនិងមូលបត្រ របស់អតិថិជនគឺជាចំនុចសំខាន់បំផុត។</p>
<p><a class="thickbox" title="" href="/FileManager/Commons/2012/4/19/dsc09955-19-04-2012--00-08-19.JPG"><img src="/FileManager/Articles/mce/2012/4/19/dsc09955-19-04-2012--00-08-19.JPG" alt="" /></a></p>
<p><strong>អត្ថន័យរបស់គណនីធនាគារចំពោះប្រតិបត្តិការមូលបត្រ</strong><br />បច្ចុប្បន្ន គណៈកម្មការមូលបត្រមិនបានតម្រូវឲ្យវិនិយោគិនត្រូវបើកគណនីធនាគារ នៅធនាគារ<br />ទូទាត់សាច់ប្រាក់ពាក់ព័ន្ធនឹងមូលបត្រ (CSA)។ ស្របតាមយន្តការនៃការគ្រប់គ្រង សាច់ប្រាក់<br />របស់អតិថិជនទោះបីជាត្រូវបានផ្តាច់ចេញ ពីគណនីរបស់ក្រុមហ៊ុនមូលបត្រ ក៏ដោយ ប៉ុន្តែនៅតែ<br />ស្ថិតក្រោមការគ្រប់គ្រងរបស់ក្រុមហ៊ុនមូលបត្រ។ អាចនិយាយបានថា ប្រាក់បញ្ញើរនៅក្រុមហ៊ុន<br />មូលបត្រមិនមានការធានា និងគ្រប់គ្រងពីធនាគារជាតិនៃកម្ពុជា (NBC)។</p>
<p>ចំពោះបទពិសោធន៍នៅវៀតណាម និងប្រទេសមួយចំនួនទៀត CVS បានឲ្យដឹងថា ការបើក<br /> គណនីធនាគារដើម្បីជួញដូរមូលបត្រនឹងនាំមកនូវភាពងាយស្រួលជាច្រើនដល់ វិនិយោគិន <br />ក្នុងនោះរួមមានចំនុចមួយចំនួនដូចខាងក្រោម៖</p>
<ul>
<li>- ងាយស្រួលក្នុងការផ្ទេរ ឬទទួលប្រាក់ក្នុងដំណាក់កាល IPO (រួមបញ្ជូលទាំងការផ្ទរប្រាក់ ត្រឡប់<br /> ទៅវិញនៅពេលដែលមិនជោគជ័យក្នុងការទិញមូលបត្រកម្មសិទ្ធ) និង ការលក់ មូលបត្រជាដើម</li>
<li>- ងាយស្រួលក្នុងការបង្វែរទិសដៅវិនិយោគ (វិនិយោគទៅលើមូលបត្រ, តម្កល់ប្រាក់)</li>
<li>- អាចដាក់ ដក និងផ្ទេរលុយតាមរយៈការដាក់បញ្ជាទៅធនាគារ</li>
<li>- ធានានូវសុវត្តិភាពសាច់ប្រាក់ ខណៈពេលដែលមិនមានការជូញដូរ</li>
<li>- ទទួលបានការប្រាក់ពីធនាគារ</li>
<li>- អាចជួញដូរតាម ប្រព័ន្ធអ៊ីនធឺណេត ជំនួសអោយការមកកនែ្លងជួញដូរដោយផ្ទាល់ តាមរយៈ<br />សេវាកម្ម<strong> Internet Banking</strong><br />ដូច្នេះ បើទោះបីជាមិនមានការតម្រូវបើកគណនីធនាគារ ប៉ុន្តែវិនិយោគិនគួរតែបើក គណនីធនាគារ (អនុសាស្រ្ត របស់CVS) ។</li>
</ul>
<p style="text-align: right;"><br />ប្រភព៖ CVS</p>