<div class="article-content">
<p><span style="color: #333333;"><strong>-ក្មេងស្ទាវជាអ្នកបាញ់ ជាមន្រ្តីនគរបាល ក្រសួងមហាផ្ទៃ</strong></span></p>
<p><strong>ភ្នំពេញ:</strong> ក្មេងស្ទាវពីរនាក់ ត្រូវបានកម្លាំងកងរាជអាវុធហត្ថខណ្ឌដូនពេញ ឃាត់ខ្លួននៅខាងមុខ<br /> សណ្ឋាគារហូលីដេ បន្ទាប់ពីពួកគេបានធ្វើ សកម្មភាពបាញ់ បោះសេរីចំនួន ២គ្រាប់ កាលពីវេ<br />លាម៉ោង១២ និង២០នាទីរំលងអធ្រាត្រ ឈានចូលថ្ងៃទី២៩ ខែសីហា ឆ្នាំ២០១៣ តាមផ្លូវលេខ<br />១៨៤ កែងផ្លូវព្រះមុនីវង្ស ស្ថិតក្នុងសង្កាត់បឹងរាំង ខណ្ឌដូនពេញ ។</p>
<p>មន្ត្រី កងរាជអាវុធហត្ថប្រាប់ថា ក្មេងស្ទាវ ទាំងពីរនាក់ ដែលត្រូវបានឃាត់ខ្លួនមានឈ្មោះ ទី១.<br />ទិត ចាន់ណារិទ្ធ អាយុ ៣០ឆ្នាំ ជាមេការសំណង់នៅផ្ទះសំណាក់ ទិត ហួរ ស្នាក់នៅម្តុំសង្កាត់<br />ផ្សារដើមថ្កូវ ខណ្ឌចំការមន ជាអ្នករួមដំណើរនិងទី២ ឈ្មោះ សឿន វាសនា អាយុ ៣១ឆ្នាំ ជា<br />មន្ត្រីនគរបាល ក្រសួងមហាផ្ទៃ មានឋានន្តរស័ក្តិ អនុសេនីយ៏៍ឯក អត្តលេខ ៥៦១៤៥ ស្នាក់នៅ<br />ផ្ទះលេខ៨ ផ្លូវលេខ១០១ សង្កាត់បឹងត្របែក ខណ្ឌចំការមន ជាអ្នកបាញ់ ។</p>
<p>មន្រ្តីអាវុធហត្ថបានឲ្យដឹងបន្តថា មុនពេលកើតហេតុ ក្មេងស្ទាវទាំងពីរនាក់ បានជិះរថយន្តលុច្ស<br />ស៊ីស RX300 ពណ៌ខ្មៅ ពាក់ស្លាកលេខភ្នំពេញ 2H-8010 បើកបរក្នុង ស្ថាន ភាពស្រវឹងចេញពី<br />ក្លឹបម៉ាចេសស្តីនៅម្តុំឡានទឹក ក្នុងសង្កាត់ បឹងកេងកង ខណ្ឌចំការមន ហើយក៏បើករថយន្តេចេញ<br /> ក្នុងគោលបំណងទៅលេងក្លឹបហូលីដេ ដោយបើករថយន្ត តាមផ្លូវព្រះមុនីវង្ស ក្នុងទិសដៅពីត្បូង<br />ទៅជើង លុះបើកមកដល់ចំណុចផ្លូវលេខ១៨៤កែងផ្លូវព្រះមុនីវង្ស បានដកកាំភ្លើងខ្លីម៉ាកប្រាហា<br /> បាញ់ឡើងលើ២គ្រាប់ បណ្ដាលឲ្យភ្ញាក់ផ្អើល ហើយកម្លាំងកងរាជអាវុហត្ថខណ្ឌដូនពេញ ក៏បាន <br />ដេញចាប់ រហូតដល់ចំណុចផ្លូវលេខ៨៤ ខាងមុខសណ្ឋាគារហូលីដេ ក្នុងសង្កាត់ស្រះចក ខណ្ឌ<br />ដូនពេញ ទើបបានឃាត់រថយន្ត និងមនុស្សតែម្តង ។</p>
<p>តាមចម្លើយសារភាព របស់លោកនគរបាល សឿន វាសនា បានឆ្លើយប្រាប់មន្រ្តីអាវុធហត្ថថា<br /> មូលហេតុដែលខ្លួន បាញ់ខាងលើនេះមកពីស្រវឹងស្រាខ្លាំងពេក បាត់បង់ម្ចាស់ការ ទើបបានជា<br />បាញ់លេងតែម្តងទៅ។</p>
<p>ក្មេងស្ទាវទាំងពីរ ត្រូវបានឃុំខ្លួនបណ្តោះអាសន្ននៅទីបញ្ជាការដ្ឋានកងរាជអាវុធហត្ថខណ្ឌដូន<br />ពេញ ដើម្បីសួរនាំ និងបញ្ជូនទៅកាន់អាវុធហត្ថរាជធានីភ្នំពេញ ចាត់ការបន្ត ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0726.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0725.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0724.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0723.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0722.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0721.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>