<p><strong>ភ្នំពេញ៖</strong> តារាចម្រៀង និងជាតារាសម្តែងរាងខ្ពស់សង្ហា លោក អេឡិច ចន្រ្តា បានប្រាប់ឱ្យ<br />ដឹងថា ចំពោះគម្រោងដែលលោកត្រៀមនឹងចេញ ទៅច្រៀងនិងសម្តែងនៅ ប្រទេសអូស្ត្រាលី<br /> ក្នុងខែកក្កដា ឆ្នាំ២០១៣នេះ ត្រូវបានពន្យារពេលខណៈ ដែលប្រទេសកម្ពុជា កំពុងតែរៀបចំ <br />ការបោះឆ្នោត ដើម្បីជ្រើសតាំង តំណាងរាស្រ្ត នាចុងខែ កក្កដា ឆ្នាំ ២០១៣នេះ។</p>
<p>ជួបសំណេះសំណាល ជាមួយគេហទំព័រ Looking TODAY តាមទូរស័ព្ទ នៅរសៀលថ្ងៃទី០៩ <br />ខែកក្កដា ឆ្នាំ២០១៣នេះ តារាចម្រៀងមានប្រជាប្រិយភាព និងកំពុងតែទទួលបាន ការគាំទ្រ<br />ខ្លាំង ពីសំណាក់ទស្សនិកជន លោក អេឡិច ចន្រ្តា បានប្រាប់ឱ្យដឹងថា សម្រាប់ការងារសិល្បៈ<br /> ក្នុងស្រុកបច្ចុប្បន្ននេះ គឺរវល់ច្រើន។</p>
<p>លោក អេឡិច ចន្រ្តា បាននិយាយបន្តថា ដំបូងឡើយគិតថាឈានចូលដល់រដូវភ្លៀងនេះប្រហែល<br />ជាមិនរវល់ខ្លាំងនោះទេ ប៉ុន្តែផ្ទុយទៅវិញ គឺវាបែរជារវល់ខ្លាំងទៅវិញ ព្រោះពេលនេះ មានគេទាក់<br />ទងមកច្រើន ដូចជាការហៅឱ្យទៅថតស្ប៉តពាណិជ្ជកម្ម ការច្រៀង ការសម្តែងឈុតកាយវិការខារ៉ា<br />អូខេ និងការធ្វើជាពិធីករ នៅប៉ុស្តិ៍ទូរទស្សន៍ជាដើម។</p>
<p>តារាចម្រៀងសាច់សខ្ពស់សង្ហា អេឡិច ចន្រ្តា បានបន្តថា បច្ចុប្បន្ននេះ ក៏មានគេទាក់ទងហៅឱ្យ<br />ទៅសម្តែងខ្សែភាពយន្ត ។ជាក់ស្ដែង ខាងផលិតកម្មខ្មែរមេគង្គ ក៏បានទាក់ទងហៅទៅថតរឿងភាគ ប៉ុន្តែលោកអត់ទទួលយកការថតនេះទេ ព្រោះតែលោករវល់ការងារខាងក្រៅច្រើន ដូច្នេះទើបគ្មាន<br />ពេលគ្រប់គ្រាន់ក្នុងការចេញថត។</p>
<p>ជាមួយគ្នានេះ លោក អេឡិច ច័ន្ទតា្រ ក៏បានប្រាប់ឱ្យដឹងថា បើតាមគម្រោងនៅថ្ងៃនេះ គឺលោកនឹង<br />ត្រូវចាកចេញពីប្រទេសកម្ពុជា ដើម្បីចេញទៅសម្តែង នៅប្រទេសអូស្រ្តាលី។ ប៉ុន្តែដោយសារក្រុម<br />របស់លោក ដែលនឹងត្រូវចេញទៅនោះ បានស្នើរសុំទៅខាងអ្នកស្ព៉នស័រ ដើម្បីពន្យារពេលរហូត<br />ដល់ការបោះឆ្នោត ទើបចេញទៅសម្តែងនៅទីនោះ។</p>
<p>លោក អេឡិច ចន្រ្តា បានបន្ថែមថា ការស្នើរសុំពន្យារពេលនេះ ព្រោះតែរូបលោកក៏ដូចជាតារា<br />ប្រុស-ស្រីឯទៀត មិនចង់ចេញទៅ ដោយមិនបានចូលរួម ក្នុងការបោះឆ្នោត នាអំឡុងចុងខែកក្កដា <br />ឆ្នាំ២០១៣ខាងមុនេះទេ។ យ៉ាងណាក្តី តារាចម្រៀង អេឡិច ចន្រ្តា ក៏បានបញ្ជាក់ប្រាប់ ពីគម្រោងថ្មី<br /> ដែលត្រៀមនឹងចេញទៅ ខាងមុខឱ្យដឹងថា សម្រាប់គម្រោង ដែលលោកនឹងត្រូវចាកចេញនៅពេល<br />ក្រោយនេះ ប្រហែលជាដើមខែ៨ (សីហា) ឬមួយអាចឈានដល់ ពាក់កណ្តាលខែ កញ្ញាក៏ថាបាន។</p>
<p>លោក អេឡិច ចន្រ្តា បាននិយាយបន្តថា ចំពោះការចេញទៅសម្តែង នៅលើទឹកដីប្រទេស អូស្ត្រាលី<br />លើកនេះគឺ មានតារាប្រុស-ស្រីរបស់ខ្មែរប្រហែល ជា៤ទៅ៥នាក់ នឹងត្រូវចាកចេញធ្វើដំណើរទៅ <br />ជាមួយគ្នា។ លោក និង តារាប្រុស-ស្រីរបស់ខ្មែរទាំងនោះ នឹងស្នាក់នៅលើទឹកដី ប្រទេសអូស្ត្រាលី <br />រយៈពេលមួយខែ ទើបវិញមកស្រុកខ្មែរវិញ។</p>
<p>តារាចម្រៀងប្រុស មានរូបរាងសង្ហាលោក អេឡិច ចន្រ្តា ត្រូវបានគេមើលឃើញថា ជាអ្នកសិល្បៈ<br />មួយរូប ដែលមានឱកាសទៅសម្ដែង នៅក្រៅប្រទេស ជាញឹកញាប់ បើប្រៀបធៀបជាមួយតារា<br />ផ្សេងៗ ដែលមានឈ្មោះបោះសំឡេង ដូចជារូបលោក ។ ម្យ៉ាងទៀតបច្ចុប្បន្ននេះ សន្ទុះនៃការគាំទ្រ<br /> ក៏ដូចជាកេរ្តិ៍ឈ្មោះ របស់លោក ចន្រ្តា ហាក់កំពុងស្ទុះឡើង ទៅមុខជាលំដាប់ផងដែរ៕</p>
<p><img src="http://image.lookingtoday.com:81/lookingtoday/looking-images/news/2013/July/id-099/v_0294.jpg" alt="" width="500" /></p>
<p><img title=" " src="http://image.lookingtoday.com:81/lookingtoday/looking-images/news/2013/July/id-099/v_0295.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>