<p><strong>ភ្នំពេញៈ</strong> អតីតតារាចម្រៀងប្រចាំក្រុម Classic កញ្ញា លីលី បន្ទាប់ពីព័ត៌មានផ្សាយថា នាងបាន<br />ចាកចេញពីទ្រនំចាស់ ផ្លាស់ទៅទ្រនំថ្មី ដោយនាងបានបង្ហាញវត្តមាន ក្នុងការសម្តែងជាឈុតឆាក<br />ខារ៉ាអូខេច្រើន នៅក្នុងវ៉ុលថ្មី របស់ផលិតកម្មសាន់ដេ ថ្មីៗនេះ នាងក៏បានបង្ហោះរូបថត ជាច្រើន<br />សន្លឹក បង្ហាញភាពសិ្នទ្ធស្នាលប្លែក ជាមួយតារាចម្រៀងល្បីប្រចាំផលិត កម្មសាន់ដេ លោក ខេមរៈ<br /> សិរីមន្ត នៅលើ Facebook រហូតធ្វើឲ្យអ្នកគាំទ្រនាងភាគច្រើន មានកូនចិត្តគិតថានាងលួច បង្កាត់<br />ភ្លើងស្នេហាក្រៅឆាក ជាមួយគ្នាថែមទៀតផង។</p>
<p>នាពេលកន្លងមក គេមិនសូវឃើញ តារាចម្រៀងស្រីច្រមុះស្រួច រាងតូចច្រឡឹង កញ្ញា លីលី បង្ហាញ<br />ភាពសិ្នទ្ធស្នាល ជាមួយបុរសណាម្នាក់ជាសាធារណៈ នៅលើបណ្តាញទំនាក់ទំនង សង្គម Facebook<br /> នោះទេ។ តែអ្វីដែលចំឡែកក្នុងចិត្តនោះ គឺនៅពេលថ្មីៗនេះ នាងបានបង្ហោះរូបថតជាច្រើនសន្លឹក<br /> បង្ហាញ ពីភាពសិ្នទ្ធស្នាល ផ្អែមល្ហែម បែបគូស្នេហ៍ថ្មោងថ្មី ជាមួយតារាចម្រៀងល្បីឈ្មោះ លោក<br />ខេមរៈ សិរីមន្ត ខណៈពេលដែលនាងកំពុងតែផ្លាស់ទ្រនំ មកជ្រកនៅក្នុងផលិតកម្មតែមួយ។</p>
<p>ជាមួយគ្នានោះដែរ ក៏មានមតិ របស់ក្រុមអ្នកគាំទ្រ លីលី ខ្លះ បានលើកឡើងថា ការបង្ហាញរូបបែប<br />នេះ គ្រាន់តែជាធ្នាក់ទាក់ទាញប្រជាប្រិយ និងការចាប់អារម្មណ៍ពីប្រិយមិត្ត ឲ្យបានកាន់តែច្រើនតែ<br />ប៉ុណ្ណោះ ។ ប៉ុន្តែថាមិនត្រូវប្រសិនបើពួកគេទាំងពីរនាក់ នៅតែមានភាពសិ្នទ្ធស្នាល ជាមួយគ្នាបែប<br />នេះ ស្រួលមិនស្រួលអាច និងមានកូនចិត្តស្រលាញ់គ្នាមែន ក៏ថាបាន ព្រោះថារូបសម្រស់របស់<br />លីលី ក៏មានភាពទាក់ទាញ ខណៈដែលតារាចម្រៀងប្រុស លោក ខេមរៈ សិរីមន្ត កំពុងតែស្ថិត<br />ក្រោមការសង្ស័យ ពីមហាជនថា មានកូននិង ប្រពន្ធរួចទៅហើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0052.jpg" alt="Looking Today" width="400" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-030/Kosal-0053.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>