<p><strong>ភ្នំពេញ៖</strong> បន្ទាប់ពីមានការចុះផ្សាយ បញ្ហាលួចចំឡង បទចម្រៀងរបស់កម្ពុជា ពីបណ្ដាគេហទំព័រ<br />មួយ បានវាយសំពងយ៉ាងចាស់ដៃ ទៅលើផលិតករ តារាចម្រៀងល្បីជាច្រើន រួចមក មិនទាន់មាន<br />ខាងក្រុមហ៊ុន ផលិតចម្រៀងណាមួយ ហ៊ានចេញមុខ បកស្រាយនៅឡើយទេ ខណៈដែលតារា<br />ចម្រៀង ល្បីរបស់ប្រទេសជិតខាង កំពុងឆ្វេចឆ្វាច ក្នុងការគ្រោង ដាក់ពាក្យប្ដឹង ទៅលើផលិតករ<br />កម្ពុជា នឹងតារាចម្រៀង មួយចំនួនទៀត ដែលមានលួចចំឡង ទំនុកច្រៀងរបស់ខ្លួន ។</p>
<p>ចំណែកឯមហាជនជា អ្នកនិយមប្រើប្រាស់ បណ្ដាញសង្គមហ្វេសបុកវិញ ហាក់សម្ដែងអារម្មណ៍ <br />មិនល្អជាមួយនឹង ការដែលត្រូវបានគេ ជាន់ឈ្លីមុខមាត់ ដោយសារផលិតករ មួយចំនួន ខ្វះសមត្ថ<br />ភាពក្នុង ការផលិតបទចម្រៀង នឹងសប្បាយរីករាយ នឹងការកើបប្រាក់ ភ្លេចគិត ដល់មុខមាត់ជាតិ<br />បែបនេះ ។ មិនមែនជាលើកទី១ទេ សម្រាប់ផលិតករកម្ពុជា ដែលជួបប្រទះបញ្ហា គំរាមប្ដឹងប្ដល់ពី<br /> សំណាក់តារាចម្រៀង របស់ប្រទេសជិតខាង ។</p>
<p>លោក កៅ សីហា អ្នកដឹកនាំសម្ដែងល្បីមួយរូប ប្រចាំផលិតកម្ម ហង្សមាស និងជាមន្ត្រីរដ្ឋបាល <br />របស់ក្រសួងអប់រំ បានបញ្ចេញមតិតាម បណ្ដាញសង្គមដ៏ ពេញនិយម ហ្វេសបុក ភ្លាមៗ មិនទុក<br />យូរថា លោកចង់សួរទៅ កាន់អ្នកដែលប្រើពាក្យថា "ខ្មាសគេ...ថោកទាបណាស់..." នៅពេលដែល<br />ខ្មែរ បាននិពន្ឋបទភ្លេងថ្មី ដោយខ្លួនឯងជាច្រើនវ៉ុល ហើយពេលខ្លះ ថែមទាំងមិនដឹងថា បទមួយ<br />ចំនួននោះ ជាបទរបស់ខ្មែរខ្លួន ឯងផងទៀតនោះ មិនទាំងដែលបាន ជួយជាវស៊ីឌី Original ផង <br />ពិសេសមិនទាំង យកត្រចៀកស្តាប់ ក៏មាន ។</p>
<p>មិនតែប៉ុណ្ណោះពេល ដឹងថាបទនោះ ជាបទរបស់ខ្មែរធ្វើ ឡើងដោយខ្លួនឯង ហើយមិនទាំង យក<br />មាត់សរសើរ ឬចែករំលែកបន្តទេ តែបើមានព័ត៌មានពីនេះពីនោះ បង្អាប់ខ្មែរគ្នាឯង តាំងឡើងមក<br /> ជាន់កគ្នាបន្ទោស ដៀលត្មេះ មើលងាយជាតិសាសន៌ឯង។ មានដឹងទេថា រាល់ពាក្យដែលអ្នក <br />កំពុងជេរដៀលត្មេះ ខ្មែរគ្នាឯងនោះ វាស្មើនឹងអ្នកឯងកំពុង មើលងាយជាន់ឈ្លី ពូជពង្សខ្មែរខ្លួន<br />ឯង?</p>
<p>លោក កៅ សីហា បានបន្ថែមថា អ្នកឯងមិនឲ្យតម្លៃ ជាតិសាសន៌ខ្លួនឯងផង ចុះទម្រាំជាតិដទៃ<br /> ដែលគេកំពុងត្រៀម ចាំតែជាន់ឈ្លី ជាតិសាសន៌របស់អ្នក ស្រាប់ផងនោះ រឿងអីគេឲ្យតម្លៃអ្នក<br />ឯង?? បទចម្រៀងថ្មី ដែលធ្វើដោយកូនខ្មែរ មួយគគោកអ្នក ឯងមិនដែលឲ្យតម្លៃផងនឹង ! មាន<br />ដែលសួរខ្លួនឯង នឹងដែលដឹងឬអត់ថា ខ្មែរសព្វថ្ងៃអាចធ្វើបទចម្រៀង ដោយខ្លួនឯងបាន? គឺបាន! <br />តែពេលធ្វើ ហើយពួកអ្នកឯង មិនដែលគាំទ្រ មិនយកត្រចៀក ស្តាប់ចាំតែកូពី(Copy) ស្រាប់ៗ។</p>
<p>តែបើបទយកពីគេមកវិញ អ្នកឯងពពាក់ពពូនស្តាប់ និងចេះច្រៀង តាមពេញៗមាត់ ហើយកូពីចម្លង<br /> ឲ្យគ្នាម៉ាសេរី ទាំងបទថ្មីរបស់ខ្មែរ និងបទយកពីបរទេស ដូចប្រទេសអត់ច្បាប់។ គិតឡើងវិញពី ទង្វើ<br />នេះផងថា អ្នកផ្តល់តម្លៃ ឲ្យខ្មែរខ្លួនឯងឬអត់? កុំចាំតែហៃអើៗ ដូចអាជ័យនោះ។ ចង់ផ្តាំថាបើត្រូវ <br />ការបទខ្មែរខ្លួនឯង សូមចាប់ផ្តើមពីខ្លួនអ្នក ត្រឡប់មកធ្វើការគាំទ្រ បទរបស់ខ្មែរ ពីពេលនេះ យើង<br />នឹងទទួលបាន ជាបន្តបន្ទាប់ទៀត ព្រោះជាក់ស្តែងផលិតកម្ម ហង្សមាស តែងតែមិនភ្លេចនូវការ <br />និពន្ឋបទភ្លេងថ្មីៗ ដោយខ្លួនឯង ជារៀងរាល់ពេល។</p>
<p>ជាក់ស្តែង Vol466 គឺបទទាំងអស់សុទ្ឋ តែនិពន្ឋភ្លេងថ្មី ដោយលោក សាពូនមីដាដា តែសន្ទុះនៃការ<br />គាំទ្រ គឺតិចតួច ហើយគ្មាន ឃើញមុខ អ្នករិះគន់ទាំងនោះ ចេញមុខមកសរសើរ លើកទឹកចិត្ត និង<br />គាំទ្រសោះ។ ហេតុផលទាំងនេះ ហើយដែលជាតិសាសន៌ដទៃ មើលងាយខ្មែរនោះ។</p>
<p>តែមហាជនមួយចំនួន បាននិយាយថា មិនមែនខ្មែរមិន គាំទ្រខ្មែរគ្នាឯងទេ តែផលិតករខ្មែរ ខ្វះសមត្ថ<br />ភាពបង្កើន ភាពទាក់ទាញឲ្យ ទស្សនិកជន បែរមកគាំទ្រស្នាដៃថ្មីៗ ពិសេសវ៉ុលចម្រៀងដែលលោក<br /> កៅ សីហា បានលើកឡើង បទនិពន្ធបែបមនុស្សវ័ យកណ្ដាល ដូចនេះមិនអាច ទាក់ទាញយុវវ័យ<br />បានទេ ។ ម្យ៉ាងបទចម្រៀងខ្មែរ ចេញច្រើន តែខ្វះគុណភាព ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0372.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0373.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0374.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0375.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0376.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/May/id-098/S_0377.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>