<p>លទ្ធផលនៃការសិក្សា បានបង្ហាញថា អាហារដូចខាងក្រោមនេះ អាចជួយឲ្យអ្នកមាន អារម្មណ៍<br />ស្ងប់សុខ បំបាត់នូវអារម្មណ៍ តានតឹង និងធ្វើឲ្យអារម្មណ៍ ស្រស់ស្រាយ។</p>
<p><strong>អាហារដែល អ្នកគួរជ្រើសរើស បរិភោគទាំងនេះ មានដូចជាៈ</strong></p>
<p><strong>ក្រូចៈ</strong> ក្រូចជាផ្លែឈើ មួយប្រភេទ ដែលសម្បូរទៅដោយវីតាមីន C អាចជួយប្រឆាំង ជាមួយ<br />អារម្មណ៍ តានតឹងយ៉ាងល្អ។ គួររកក្រូចមកបរិភោគ ឲ្យបានញឹកញាប់ ដែលក្រៅពីជួយមិនឲ្យ <br />មានអារម្មណ៍ធុញថប់ ហើយនៅជួយឲ្យ មានអារម្មណ៍ស្រស់ស្រាយ ទៀតផង។</p>
<p><strong>ទំពាំងបារាំងៈ</strong> បន្លែប្រភេទនេះ មានភាពល្បីល្បាញ ខាងសម្បូរវីតាមីន B ដែលវីតាមីនប្រភេទ<br />នេះ អាចជួយកាត់បន្ថយ អារម្មណ៍តានតឹងបានយ៉ាងល្អ។ ទោះបីជាយ៉ាងណាក្តី អ្នកគួរចងចាំថា<br /> ការបរិភោគទំពាំងច្រើន នឹងធ្វើឲ្យទឹកនោម មានក្លិនឆ្អេះ ដូច្នេះអ្នកកួរតែបរិភោគ ក្នុងបរិមាណ<br />សមរម្យបានហើយ។</p>
<p><strong>ផ្លែប័រៈ</strong> ក្រៅពីប្រភេទខ្លាញ់ ដ៏ល្អហើយ ផ្លែប័រនៅជួយឲ្យអ្នកបរិភោគ មានអារម្មណ៍ ស្រស់<br />ស្រាយបាន ព្រោះថា ផ្លែឈើប្រភេទនេះ សំបូរទៅដោយសារជាតិ ក្លូតាថៃអូ ដែលមានគុណ<br />សម្បត្តិ ក្នុងការទប់ស្កាត់ ការស្រូបទាញសារជាតិខ្លាញ់ ទៅកាន់ពោះវៀន ដែលជាប្រភេទបង្ក<br /> ឲ្យកើតសភាពហៅថា Oxidative Damage។ ផ្លែប័រសម្បូរទៅដោយ សារជាតិហ្វូឡេត ខ្ពស់ <br />ដូច្នេះបើបានបរិភោគផ្លែឈើ ប្រភេទនេះញឹកញាប់ និងជួយឲ្យអ្នកមានអារម្មណ៍ធូរស្រាល<br /> ព្រមទាំងកាត់បន្ថយ អារម្មណ៍តានតឹងផ្សេងៗ។</p>
<p><strong>ស្រ្តប៊ើរីៈ</strong> សម្បូរទៅដោយវីតាមីន C ដែលជាវីតាមីនជួយ កាត់បន្ថយអារម្មណ៍តានតឹង បាន<br />យ៉ាងល្អបំផុត។ ក្រុមអ្នកស្រាវជ្រាវជនជាតិអល្លឺម៉ង់ បានធ្វើ ការសាកល្បង ទៅលើមនុស្ស<br />ចំនួន ១២០នាក់ ហើយបានធ្វើការវ៉ាស់ស្ទង់ ពីអារម្មណ៍ឆេវឆាវ និងភាពឃោរឃៅ របស់ពួក<br />គេ បានបង្ហាញថា មានការថយចុះ និងមានអារម្មណ៍ ធូរស្បើយជាមុន។</p>
<p><strong>សណ្តែកវ៉លណាត់ៈ</strong> សណ្តែកប្រភេទនេះ សម្បូរទៅដោយ គុណប្រយោជន៍ផ្នែកអាហារ ដែល<br />មានទាំងអាស៊ីដ អាល់ហ្វាឡៃឡេអ៊ីក អូមេហ្គា-៣ និង ហ្វីណូហ្វីណល។ សម្រាប់អាហារប្រភេទ<br />នេះ ក្រៅពីជួយឲ្យ មានអារម្មណ៍ ស្រស់ស្រាយហើយ នៅជួយកាត់បន្ថយការ ធ្វើឲ្យភាពចងចាំ<br /> ចុះខ្សោយទៀតផង។ យោងទៅតាម ការសិក្សារបស់ស្ថាប័ន ស្រាវជ្រាវសុខភាពជាតិ សហរដ្ឋ<br />អាមេរិក បានរកឃើញថា អូមេហ្គា ៣ ដែលមាននៅក្នុង សណ្តែកវ៉លណាត់ អាចជួយរក្សា<br />កម្រិតនៃ អ័រម៉ូន ដែលធ្វើឲ្យអារម្មណ៍តានតឹង ឲ្យស្ថិតនៅក្នុងកម្រិតធម្មតា៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-099/v_0099.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>