<p><strong>ភ្នំពេញៈ</strong> ទន្ទឹមនឹងការប្រកួតប្រជែង ផ្នែកបច្ចេកវិទ្យាក្នុងតំបន់ កាន់តែមានសន្ទុះខ្លាំងឡើងនោះ<br /> ក្រុមហ៊ុន សាំស៊ុង (Samsung) នៅព្រឹកថ្ងៃចន្ទ ទី៣ ខែមិថុនា ឆ្នាំ២០១៣ បានបង្ហាញពីការសាក<br />ល្បង ដាក់បញ្ចូលភាសាខ្មែរ សម្រាប់ទូរស័ព្ទ ស្មាតហ្វូនស៊ីម២ Galaxy Grand របស់ខ្លួន ដើម្បី<br />បង្កើន ភាពងាយស្រួល ក្នុងការប្រើប្រាស់យ៉ាងទូលំទូលាយ ដល់ប្រជាពលរដ្ឋកម្ពុជា ។</p>
<p>នៅក្នុងហាង សៀង លីន ដែលជាតំណាងចែកចាយមួយ របស់ក្រុមហ៊ុន សាំស៊ុង នៅកម្ពុជា <br />លោក វ៉ាត ឡាំផេង នាយកគ្រប់គ្រងផ្នែកទូរស័ព្ទ និងបច្ចេកវិទ្យានៃក្រុមហ៊ុន Samsung Electronic<br /> សាខាថៃ ប្រចាំនៅកម្ពុជា បានឱ្យដឹងថា ការដាក់បញ្ចូលនូវភាសាខ្មែរ សម្រាប់ទូរស័ព្ទ Galaxy<br /> Grand នេះ គឺជាការជួយលើកកម្ពស់ភាសាខ្មែរ ក៏ដូចជាបង្កលក្ខណៈងាយស្រួល ក្នុងការប្រើ<br />ប្រាស់បច្ចេកវិទ្យាទំនើប ជាភាសាជាតិ ។</p>
<p>លោកបានបន្ថែមថា ដើម្បីអភិវឌ្ឍភាសាខ្មែរ លើទូរស័ព្ទ Galaxy Grand ដោយពុំចាំបាច់ Root <br />ក្រុមហ៊ុន បានសហការជាមួយនឹង អ្នកជំនាញផ្នែកបច្ចេកវិទ្យា មួយក្រុមឈ្មោះថា “Khmer UI <br />Developer” ដើម្បីរៀបចំកម្មវិធីនេះ ជំនួសឱ្យភាសាបរទេស ដែលកំពុងចរាចរ យ៉ាងទូលំទូលាយ<br /> លើទីផ្សារកម្ពុជាសព្វថ្ងៃ។</p>
<p>លោក ដាញ់ ហុង ដែលជាខ្មែរកម្ពុជាក្រោម តំណាងឱ្យក្រុម “Khmer UI Developer” បានឱ្យដឹង<br />ថា ការរៀបចំដាក់ឱ្យមានភាសាខ្មែរលើបច្ចេកវិទ្យាទំនើបនេះ គឺជាគោលបំណងមួយរបស់លោក<br />ក្នុងការអភិវឌ្ឍ ភាសាខ្មែរ សម្រាប់ឱ្យ ប្រជាពលរដ្ឋកម្ពុជា ប្រើប្រាស់ ។</p>
<p>ស្ថាបនិកពុម្ពអក្សរខ្មែរយូនីកូដ (Font Unicode) វ័យ៤២ឆ្នាំរូបនេះ បានបន្ថែមថា “ការពិតយើងជា<br /> ជនជាតិខ្មែរយើង ត្រូវការប្រើភាសាខ្មែរយើង ហើយខ្ញុំធ្វើនេះ ក៏ដើម្បីខ្មែរ” ។ លោកបានស្នើឱ្យ<br /> ប្រជាពលរដ្ឋកម្ពុជា គាំទ្រប្រើប្រាស់ភាសាខ្មែរ នៅលើបច្ចេកវិទ្យាទំនើបទាំងនោះ ដើម្បីជំរុញទឹក<br />ចិត្ត ដល់កូនខ្មែរនានា ខិតខំបង្កើតអ្វីៗ ដែលថ្មីៗ ជាភាសាខ្មែរឡើង ។ លោកថា ពេលណាមាន<br /> អ្នកគាំទ្រភាសាខ្មែរច្រើន ក៏នឹងជំរុញ ដល់យុវជនខ្មែរ អ្នករៀនព័ត៌មានវិទ្យា (IT) មានការងារធ្វើ<br /> ច្រើននោះដែរ ។</p>
<p>គួរបញ្ជាក់ថា ដើម្បីតម្លើងអក្សខ្មែរ លើទូរស័ព្ទ Galaxy Grand ៖ ជំហានទី១ ត្រូវធ្វើការ ដោនឡូត <br />(Download) យកភាសានេះ ដោយចូលទៅកាន់ Setting è About Device è Software Update è<br /> Download è Install ហើយបន្ទាប់ពីទូរស័ព្ទ Reboot (បិទបើកស្វ័យប្រវត្តិ) សូមចូលទៅកាន់ជំហាន<br />ទី២ ដែលជារបៀប ប្តូរភាសា ដោយលោកអ្នក គ្រាន់តែចូលទៅកាន់ Setting è Languages and <br />Input រួចជ្រើសរើសយក “ខ្មែរ (កម្ពុជា) នោះលោកអ្នកនឹងអាចប្រើប្រាស់ ភាសាខ្មែរ លើទូរស័ព្ទ <br />Galaxy Grand បានយ៉ាងពេញលេញ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0052.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0053.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0054.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>