<div>
<p><span style="color: #000000;"><strong>(ភ្នំពេញ)៖</strong>តារាចម្រៀង ពេជ្រ សោភា បានធ្វើឲ្យអ្នកគាំទ្រឆោឡោមិនស្ទើរទេ ក្រោយពីនាងប្រកាស សុំឈប់ពីហង្សមាស ព្រមទាំងដឹកដៃ លោក ងួន ចាន់ដេវីត អ្នករ៉េប នឹងជាអ្នកនិពន្ធបទភ្លេងថ្មីវ័យក្មេងពោរពេញទៅដោយសមត្ថភាព ទៅជាមួយក្រោមហេតុផលថា មានថ្នាក់ដឹកនាំម្នាក់ក្នុងផលិតកម្ម មិនឲ្យតំលៃនាង ថែមទាំងបំបាក់មុខជាច្រើនលើកច្រើនសារទៀតផង ។</span></p>
<p><span style="color: #000000;">អ្នកគាំទ្រ ពេជ្រ សោភា មួយចំនួន បែរជាគិតថា ជំងឺឈាមសស៊ីឈាមក្រហមរបស់នាង ធ្វើទុក្ខខ្លាំង ទើបនាងចង់បោះបង់អ្នកគាំទ្រ ជំរុញឲ្យនាងលែងតស៊ូទៅ មុខបន្តទៀត តែពួកគេមិនបានដឹងថា មានរឿងអ្វីកើតឡើង លើនាងពិតប្រាកដទេ ។ ពេជ្រ សោភា ស្រលាញ់សិល្បៈស្មើនឹងជីវិត នាងមិនបោះបង់ងាយៗឡើយ ។ </span><br /><span style="color: #000000;">តារាចម្រៀងស្រីដ៏ខ្លាំងក្លារូបនេះ បានប្រកាសក្ដែងៗពេលនាងឡើងទូរទស្សន៍ថា «បើខ្លាំងកុំផុសរូបក្រុមរាំរបស់នាង» ថែមទាំងផ្ញើរបទចម្រៀងឲ្យអ្នកស្អប់នាងទៀតផង ពិតជាមិនធម្មតាឡើយ ។</span><br /> <br /><span style="color: #000000;">ស្របពេលរឿងមិនទាន់ មានចម្លើយពី ពេជ្រ សោភា ថា នឹងចេញពីហង្សមាស ឬយ៉ាងណា នាងបានប្រកាសថា នឹងចេញអាល់ប៊ុមថ្មីជាមួយដេវីត ជាអាល់ប៊ុមទោល នឹងចេញដើមឆ្នាំ២០១៦ខាងមុខ ដើម្បីស្វាគមន៍ឆ្នាំថ្មី ដែលរៀបចំមិនក្រោមកន្លះឆ្នាំនោះទេ ព្រោះនាងជាអ្នកនិពន្ធទំនុកច្រៀង ឯដេវីដ ជាអ្នកនិពន្ធភ្លេង ។ អ្នកគាំទ្រ ពេជ្រ សោភា សប្បាយចិត្តមិនតិចទេ ពេលមានដំណឹងល្អបែបនេះ ព្រោះសញ្ញាមួយបង្ហាញថា នាងមិនរត់ចោលហង្សមាស។ តែរឿងរ៉ាវស្មុគស្មាញជាច្រើន ហាក់មិនទាន់មានដំណោះស្រាយ សមស្របសម្រាប់នាងនៅឡើយ ។</span></p>
<p><span style="color: #000000;">ពេជ្រ សោភា ហាក់ត្រូវបានគេសង្កេតឃើញថា ជាមនុស្សឯករាជ្យ និងធ្វើអ្វីបានល្អ ព្យាយាមទាញរកចំណុចល្អរបស់ខ្លួន ដើម្បីប្រជាប្រិយភាព ។ អ្វីដែលនាងមិន ដូចអ្នកដទៃ នាងតែងមានព័ត៌មានចុះផ្សាយពីរឿង មិនសូវចុះសម្រុងនឹងអ្នកដទៃ ព្រោះភាគច្រើនមិនចូលចិត្តរញ៉េរញៃជាមួយនរណា ពោលចូលចិត្តទៅណាមកណា ម្នាក់ឯង ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/v/t1.0-9/10174946_1302549776437996_3619900681543218929_n.jpg?oh=043f35d97a4aca004b6d74bde1a51f05&oe=571FA257" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xfp1/v/t1.0-9/12342586_1302549769771330_2533477653983479726_n.jpg?oh=9b823b60a6114da6c77c3f99643d992e&oe=56D95733&__gda__=1461869923_b66a5992d67a35f3dfe7e3d5266695a8" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/10590616_1302549803104660_3158758796334068847_n.jpg?oh=2e42ee0cc79c197c7fe9213bf7060dbd&oe=56D88DC4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/1935695_1302549813104659_287768517002003163_n.jpg?oh=70cbc6af803169156a988eede25d5477&oe=57219372" alt="" width="730" /></span></p>
<p style="text-align: center;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>