<p>ព័ត៌មានអន្តរជាតិ ៖ បើតាមការអោយដឹងពីទីភ្នាក់ងារសារព័ត៌មានបរទេស ដឺមីរ័រ បានអោយ<br />ដឹងថា ចោរចិត្តសឿង និង ហ៊ានក្លាមួយរូប ត្រូវប្រឈមក្នុងការជាប់ពន្ធនាគារដល់ទៅ ២ ឆ្នាំ<br />បន្ទាប់ពីការចេញធ្វើសកម្មភាពលួចឆ្មក់ចូលក្នុងស្ថានីយ៍ប្រេងឥន្ទនៈមួយកន្លែង ស្របពេល<br />ដែលយកថង់ប្លាស្ទិចថ្លា មកបិទបាំងអត្តសញ្ញាណរបស់ខ្លួន។</p>
<p><a class="thickbox" title="" href="/FileManager/Commons/2013/6/20/jamie-neil-20-06-2013--10-34-15.jpg"><img src="/FileManager/Articles/mce/2013/6/20/jamie-neil-20-06-2013--10-34-15.jpg" alt="" width="446" height="300" /></a></p>
<p>គួរបញ្ជាក់ផងដែរថា ចោរចិត្តសឿងរូបនេះ មានឈ្មោះ Jamie Neil វ័យ ៤១ ឆ្នាំ។ ជាការពិត<br />បើទោះជាមានការប្រកាសអាសន្ន ពីសំណាក់ក្រុមបុគ្គលិក ប្រចាំស្ថានីយ៍ប្រេងឥន្ទនៈ ក៏<br />ចោរមួយរូបនេះ នៅតែបន្តការរត់គេចខ្លួនបាត់ដោយសុវត្ថិភាពដដែល។</p>
<p>តែជាអកុសល បន្ទាប់ពីមានការបញ្ជាក់អត្តសញ្ញាណ ស្របពេលដែលប្រមាញ់រូបភាពជាប់<br />តាមរយៈកាម៉េរ៉ាសុវត្ថិភាពនោះ ចោររូបនេះ ពីរថ្ងៃក្រោយ ក៏ត្រូវបានក្របូចជាប់ដោយក្រុម<br />មន្រ្តីប៉ូលីស។</p>
<p><a class="thickbox" title="" href="/FileManager/Commons/2013/6/20/jamie-neil-1965796-20-06-2013--10-35-26.jpg"><img src="/FileManager/Articles/mce/2013/6/20/jamie-neil-1965796-20-06-2013--10-35-26.jpg" alt="" width="446" height="592" /></a></p>
<p>គួររំឭកផងដែរថា ករណីចោរកម្ម ចេញធ្វើសកម្មភាពលួចឆ្មក់ចូលក្នុងស្ថានីយ៍ប្រេងឥន្ទនៈ<br />មួយកន្លែងនេះ បានកើតឡើងកាលពីពេលកន្លងទៅ ក្នុងប្រទេសអង់គ្លេស ។ យ៉ាងនាមិញ<br />បន្ទាប់ពីមានការតាមចាប់ជាប់ លោក Jamie Neil ដែលត្រូវជាចោរចិត្តសឿងរូបនេះត្រូវផ្តន្ទា<br />ទោសអោយជាប់ពន្ធនាគារដល់ទៅ ២ ឆ្នាំ កាលពីថ្ងៃសុក្រកន្លងទៅ ៕</p>
<p style="text-align: right;">ដោយ ៖ ពិសី<br />ប្រភព ៖ ដឺមីរ័រ</p>