<p><strong>ភ្នំពេញ៖</strong> ជាច្រើនករណី ដែលបង្កមកពីការ បាញ់បោះ ដោយសេរី គឺជនបង្ក ជាមនុស្សប្រុស<br /> ប៉ុន្តែ សម្រាប់ករណី កាលពី យប់មិញ ស្ថិតនៅ សង្កាត់បឹងកេងកង៣ ខណ្ឌចំការមន ជនបង្ក<br />ជានារីមួយក្រុមទៅវិញ ហើយមានមនុស្សប្រុស ដែលសង្ស័យជា ក្រុមអង្គរក្ស ជិះម៉ូតូចំនួន២<br />គ្រឿង តាមបិទគូទពីក្រោយ បានធ្វើការបាញ់ប្រហារទៅលើយុវជន ពីរនាក់ បណ្តាលឲ្យ ត្រូវ<br />គ្រាប់ម្នាក់ និងម្នាក់ទៀត បាក់ជើងនៅពេលដែល ម៉ូតូរបស់ពួកគេ ទៅបុករថយន្តដែល ចត<br />ចោល ហើយដួលយ៉ាងស្រង៉ាប់ស្រង៉ិល ។</p>
<p>ហេតុការណ៍ ជិះរថយន្ត ដេញបាញ់គ្នាខាងលើនេះ បានកើតឡើង កាលពីវេលា ម៉ោងប្រហែល<br /> ១១យប់ថ្ងៃទី១៦ ខែមករា ឆ្នាំ២០១៣ ស្ថិតនៅតាម ផ្លូវលេខ ៣៦០ កែងផ្លូវលេខ៩៥ សង្កាត់បឹង<br />កេងកងទី៣ ខណ្ឌចំការមន រាជធានីភ្នំពេញ ពោលរឿងនេះ បានកើតឡើង ក្រោយពេលដែល<br /> ជនរងគ្រោះ ទាំងពីរនាក់ បានចេញ ពីក្លឹបកំសាន្ត យីហោ TOP ដែលមានទីតាំង ស្ថិតនៅក្នុងផ្សារ<br />បឹងត្របែកផ្លាស្សា ដូច្នេះសមត្ថកិច្ច សង្ស័យទៅលើជម្លោះ មិនមែនជាករណីប្លន់នោះឡើយ។</p>
<p>សេចក្តីរាយការណ៍ ពីកន្លែងកើតហេតុ បានឲ្យដឹងថា មុនពេលកើតហេតុ ជនរងគ្រោះទាំងពីរនាក់ <br />បានជិះម៉ូតូម៉ាក Viva ពណ៌ខ្មៅ មួយគ្រឿង ពាក់ស្លាកលេខ ភ្នំពេញ 1Y-5359 ពេលចេញពីក្លឹបកំ<br />សាន្ត ខាងលើ លុះមកដល់ ចំណុតកើតហេតុ ស្រាប់តែជួបនិងរថយន្តលុច្សស៊ីស ពណ៌ទឹកដោះគោ<br /> មិនចាំស្លាកលេខ បើក និងជិះដោយ នារីមួយក្រុម អមដោយមនុស្សប្រុសចំនួន២ម៉ូតូ តាមពីក្រោយ<br /> ធើ្វការបាញ់ប្រហារ ទៅលើជនរងគ្រោះ។</p>
<p>សេចក្តីរាយការណ៍ពី កន្លែងកើតហេតុ បានបន្តថា នៅក្នុងការបាញ់ប្រហារនេះ បណ្តាលឲ្យជនរង<br />គ្រោះ មានឈ្មោះ ចែម ធារ៉ា អាយុ២១ឆ្នាំ ស្នាក់នៅក្នុងវត្តសារាវ័ន្តតេជោ កុដិលេខ៤០ មុខរបរជា<br />និស្សិត ត្រូវចំភ្លៅខាងស្តាំមួយគ្រាប់ ។</p>
<p>ក្រោយពេលបាញ់ប្រហាររួច ម៉ូតូរបស់ជនរងគ្រោះ បានជ្រុលទៅបុក រថយន្តមួយគ្រឿង ដែលចត<br />នៅតាមផ្លូវ បានបណ្តាលឲ្យដួល ហើយធ្វើឲ្យជនរងគ្រោះម្នាក់ទៀត មានឈ្មោះ ផន ផានូ អាយុ <br />២៧ឆ្នាំ ស្នាក់នៅម្តុំកំបូល ដួលបាក់ជើងស្តាំតែម្តង។ ក្រោយកើតហេតុ ភ្លាមៗ គេបានឃើញ សមត្ថ<br />កិច្ច ដេញពីក្រោយរថយន្ត របស់ខ្មាន់កាំភ្លើង ជានារី ប៉ុន្តែមិនអាចចាប់ បាននោះឡើយ ។</p>
<p>សមត្ថកិច្ច បានសង្ស័យថា នេះបណ្តាលមកពីរឿង ឈ្លោះគ្នានៅក្នុងក្លឹបកំសាន្ត ហើយបច្ចប្បន្ន <br />សមត្ថកិច្ច បាននិងកំពុងធ្វើ ការស្រាវជ្រាវ លើករណីនេះ ៕</p>
<p><a class="thickbox" title="" href="/FileManager/Commons/2013/1/17/pheak-169-17-01-2013--08-54-54.jpg"><img src="/FileManager/Articles/mce/2013/1/17/pheak-169-17-01-2013--08-54-54.jpg" alt="" /></a></p>
<p><a class="thickbox" title="" href="/FileManager/Commons/2013/1/17/pheak-170-17-01-2013--08-55-11.jpg"><img src="/FileManager/Articles/mce/2013/1/17/pheak-170-17-01-2013--08-55-11.jpg" alt="" /></a></p>
<p style="text-align: right;">ផ្តល់សិទ្ធិដោយ៖ ដើមអំពិល</p>