<p><span style="color: #000000;"><strong>(ភ្នំពេញ)៖</strong> ករណីចោរលួចម៉ូតូ ហើយកាម៉េរាសុវត្ថិភាពបានថតជាប់ពីសកម្មភាពរបស់ចោរលួច រួមទាំង អត្តសញ្ញាណរបស់ចោរគឺសា្លកលេខម៉ូតូ ដែលចោរជិះទៅធ្វើសកម្មភាពឃើញច្បាស់ក្រឡែតដូចថ្ងៃ តែរហូតមកដល់ពេលនេះ មានរយៈពេលជាងកន្លះខែហើយ សមត្ថកិច្ចនៅតែមិនទាន់ស្រាវជ្រាវរកមុខចោរឃើញទៀត។</span></p>
<p><span style="color: #000000;">ម្ចាស់ម៉ូតូបានថ្លែងប្រាប់ Fresh News នៅរសៀលថ្ងៃទី១៨ ខែវិច្ឆិកា ឆ្នាំ២០១៦នេះអោយដឹងថា ចោរបានលួចម៉ូតូរបស់ខ្លួនម៉ាកហុងដាសេ១២៥ពណ៏ខ្មៅ សេរ៊ីឆ្នាំ២០១៤ ពាក់ស្លាកលេខ ភ្នំពេញ:1CP-7747 កាលពីថ្ងៃទី២៩ ខែតុលា ឆ្នាំ២០១៦ វេលាម៉ោង ១២៖១៣នាទីរសៀល នៅក្នុងបុរីឧទ្យានបាសាក់។ ក្រោយចោរចូលលួចយកម៉ូតូទៅបាត់ ខ្លួនបានសុំម្ចាស់ផ្ទះនៅកន្លែងកើតហេតុដែលមានកាម៉េរាសុវត្ថិភាព និងឆែកកាម៉េរាសុវត្ថិភាពរបស់ក្រុមហ៊ុនសន្តិសុខដែលយាមនៅទីនោះមើលបានឃើញពីសកម្មភាពចោរ មានគ្នា២នាក់ជិះម៉ូតូ១គ្រឿង ចូលលួចដោយមានពាក់មួកសុវត្ថិភាពទាំង២នាក់មិនអាចមើលស្គាល់មុខ នោះឡើយ។ ប៉ុន្តែបានថតឃើញស្លាកលេខម៉ូតូដែលចោរជិះជាមធ្យោបាយចូលមកលួច គឺម៉ូតូម៉ាកហុងដាឌ្រីម សេ១២៥ សេរ៊ីឆ្នាំ២០១៦ ពាក់ស្លាកលេខ ភ្នំពេញ:1FX-6700 ខ្លួនក៏បានប្តឹងទៅប៉ុស្តិ៍នគរបាលរដ្ឋ បាលទន្លេបាសាក់ ខណ្ឌចំការមន អោយជួយស្រាវជ្រាវតាមរកមុខសញ្ញាចោរលួច ព្រោះស្គាល់អត្តសញ្ញាណហើយ តែមកដល់ពេលនេះ មិនទាន់រកឃើញម៉ូតូ និងជនសង្ស័យនៅឡើយទេ។</span></p>
<p><span style="color: #000000;">ម្ចាស់ម៉ូតូដែលមានឈ្មោះ កន សុខុម មានមុខរបរជាបុគ្គលិកក្រុមហ៊ុនមួយនោះ បានថ្លែងប្រាប់ Fresh News បន្តថា ពេលលោកទូរស័ព្ទទៅសួរមន្ត្រីប៉ុស្ដិ៍ពេលណាក៏គេឆ្លើយថាជាប់ប្រជុំដែរ។ ដូច្នេះលោកសុំអំពាវនាវអោយសមត្ថកិច្ច គ្រប់ជាន់ថ្នាក់ជួយស្រាវជ្រាវរកម៉ូតូរបស់លោកមកវិញផង ព្រោះអត្តសញ្ញាណជនសង្ស័យតាមរយៈស្លាកលេខដែល កាម៉េរាសុវត្ថិភាពថតបានគឺស្រាវជ្រាវតាមរយៈស្លាកលេខអាចដឹងពីអត្តសញ្ញាណជនសង្ស័យហើយ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F640389952799466%2F&show_text=0&width=730" frameborder="0" width="730" height="410"></iframe></span></p>
<p><span style="color: #000000;"><img src="http://image.freshnewsasia.com/2016/fn-2016-11-18-15-19-43-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-18-15-19-46-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>