<p><span style="color: #000000;"><strong>ភ្នំពេញ ៖</strong> អាជ្ញាធរអប្សរា នឹងរៀបចំពិធីពុទ្ធាភិសេក ដើម្បីអារាធនាព្រះពុទ្ធបដិមាដាក់នៅកន្លែង ដើម្បីវិញ ទុកសម្រាប់ជាទីគោរពបូជាសក្ការៈរបស់ពុទ្ធបរិស័ទ នៅថ្ងៃព្រហស្បត្តិ៍ទី២៣ ខែតុលា ឆ្នាំ២០១៤។</span></p>
<p><span style="color: #000000;">យោងតាមសេចក្តីជូនដំណឹងរបស់អាជ្ញាធរអប្សរា ដែលមជ្ឈមណ្ឌលព័ត៌មានដើមអម្ពិល ទទួលបាននៅថ្ងៃទី២០ ខែតុលានេះ បានឲ្យដឹងថា "ពិធីនេះនឹង ត្រូវធ្វើឡើង នៅបរិវេណ ប្រាសាទបាយ័ន នៅម៉ោង៦និង៤៥នាទីព្រឹក"។</span></p>
<p><span style="color: #000000;">ពាក់ព័ន្ធនឹងការបាក់បែករូបព្រះពុទ្ធបដិមា នៅក្នុងប្រាសាទបាយ័ន លោកប៊ុន ណារិទ្ធ អគ្គនាយកអាជ្ញាធរអប្សរាបានឲ្យដឹង កាលពីពេលថ្មីៗនេះថា លោកបានចុះទៅពិនិត្យ ដោយ ផ្ទាល់ ឃើញថា ព្រះពុទ្ធបដិមា បាក់បែកតែបួនបំណែកប៉ុណ្ណោះ ក្នុងនោះ មានព្រះកេស ព្រះហស្ថ ព្រះភ្នែន និងដងខ្លួនដាច់ចេញពីគ្នា។</span></p>
<p><span style="color: #000000;">ក្រុមជំនាញអភិរក្សថ្មរបស់អាជ្ញាធរអប្សរា បានជួសជុលផ្គុំឡើងវិញ រួចរាល់ដូចដើម ជាស្ថាពរ ហើយ កាលពីថ្ងៃទី១៥ ខែតុលា បន្ទាប់មានស្រ្តីជាជនជាតិញ៉ូវហ្សឺឡែន ឈ្មោះ Vermaat អាយុប្រហែលជា៤០ឆ្នាំ បានវាយបំផ្លាញ កាលពីរាត្រីថ្ងៃទី៩តុលា ឈានចូល ថ្ងៃទី១០តុលា នៅក្នុងប្រាសាទបាយ័ន។ បន្ទាប់ពីមានការហេតុការណ៍នេះ រួចមកស្រ្តីឈ្មោះ Vermaat បានធ្វើដំណើរត្រឡប់ទៅប្រទេសរបស់ខ្លួនវិញ ហើយក៏បាននិយាយ សុំទោស ចំពោះ អង្គការ យូណេស្កូ (UNESCO) ផងដែរ ដែលខ្លួន ធ្វើឲ្យខូចខាតរូបព្រះពុទ្ធបដិមាករ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/20/hong-0413-20-10-2014--13-38-10.jpg"><img src="/FileManager/Articles/mce/2014/10/20/hong-0413-20-10-2014--13-38-10.jpg" alt="" /></a></span></p>
<p><a class="thickbox" title="" href="/FileManager/Commons/2014/10/20/hong-0412-20-10-2014--13-38-19.jpg"><img src="/FileManager/Articles/mce/2014/10/20/hong-0412-20-10-2014--13-38-19.jpg" alt="" /></a><span style="color: #000000;"><a class="thickbox" title="" href="/FileManager/Commons/2014/10/20/hong-0413-20-10-2014--13-38-10.jpg"></a></span></p>
<p><a href="/News/Detail/58947/kiwi-admits-smashing-buddha-statue-in-cambodian-temple" target="_blank"><span style="color: #0000ff;">- អាន ៖ ស្រ្តីជនជាតិ ញ៉ូវ សេឡេន សារភាពថា ខ្លួនពិតជាបាន វាយបំផ្លាញរូបព្រះបដិមា នៅប្រាសាទ បាយ័ន ពិតប្រាកដមែន</span></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span><br /><br /></p>