<p>បញ្ហាសក់ជ្រុះ សក់ស្តើង ឬ សក់មានសុខភាពមិនល្អ បណ្តាលមកពីស្បែកក្បាលស្ងួតពេក <br />ឬ បណ្តាលមកពីការប្រើផលិតផលមិនត្រូវនឹងស្បែកក្បាល។ មួយវិញទៀត អាចបណ្តាល<br />មកពី អ្នកមិនបានជូតសំអាតសក់របស់អ្នកឱ្យបានស្ងួតល្អ ក្រោយពីងូតទឹករួច ទុកយូរទៅ<br />នឹងធ្វើឱ្យសក់របស់អ្នកខូច បង្កើតជាអង្គែ សក់បែកចុង សក់ជ្រុះ ជាដើម។</p>
<p>ដូច្នេះ ដើម្បីថែរក្សាសុខភាពសក់ ឬ ស្បែកក្បាលឱ្យមានសុខភាពល្អ យើងសូមណែនាំ<br />ឱ្យសាកល្បងនូវវិធីធម្មជាតិងាយៗ ដូចខាងក្រោមនេះ ដែលអាចជួយការពារ និងថែរក្សា<br />សក់របស់អ្នក ឱ្យដុះលូតលាស់បានល្អ និង ការពារសក់ជ្រុះ។</p>
<p><a class="thickbox" title="" href="/FileManager/Commons/2013/11/27/home-remedies-for-hair-growth-00-girl-combing-hair-27-11-2013--09-23-21.jpg"><img src="/FileManager/Articles/mce/2013/11/27/home-remedies-for-hair-growth-00-girl-combing-hair-27-11-2013--09-23-21.jpg" alt="" /></a></p>
<p><strong>ម៉ាស្សាស្បែកក្បាល និង ព្យាបាលដោយប្រេងក្តៅ៖<br /></strong>ការម៉ាស្សាស្បែកក្បាលរបស់អ្នក អាចជួយជំរុញឱ្យចលនាឈាមរត់បានស្រួល និង ជួយ<br />ឱ្យសក់របស់អ្នកដុះលូតលាស់មកបានល្អ ដោយអ្នកត្រូវ ម៉ាស្សាស្បែកក្បាលរយៈពេល<strong><br /></strong>៥នាទី ជារៀងរាល់ថ្ងៃ អ្នកនឹងមើលនូវផលិតផលជាទីគាប់ចិត្ត។</p>
<p><strong>វិធីម៉ាស្សា៖ </strong>សូមប្រើម្រាមដៃរបស់អ្នក ម៉ាស្សាថ្នមៗ នៅលើស្បែកក្បាលរបស់អ្នក តិច<strong><br /></strong>ដើម្បីសម្រួលចលនាសរសៃឈាមនៅលើស្បែកក្បាលរបស់អ្នក ឱ្យរត់បានស្រួល នៅ<br />ពេលវានឹងជួយឱ្យសក់ដុះលូតលាស់មកមានសុខភាពល្អ និង មានអារម្មណ៍ធូរស្បើយ។</p>
<p><strong>មួយវិញទៀត៖ </strong>ការម៉ាស្សា អាចប្រើលាយជាមួយនឹងប្រេងដូងក្តៅ ដើម្បីព្យាបាល ម្តង<br />ឬ ២ដង ក្នុងសប្តាហ៍ក៏បានដែរ។ ដោយប្រើប្រេងដូង ឬ ប្រេងអូលីវ ដើម្បីព្យាបាល វិធី<br />អាចជួយកាត់បន្ថយសក់ជ្រុះ និង កំចាត់អង្គែនៅលើស្បែកក្បាលបានយ៉ាងមានប្រសិទ្ធិ<br />ភាព។<br /><strong></strong></p>
<p><strong>ស៊ុត៖ <br /></strong>គឺជាប្រភពដ៏ល្អបំផុត នៃសារធាតុប្រូតេអ៊ីន ដែលមានអត្ថប្រយោជន៍យ៉ាងសំខាន់ អាច<br />ជួយឱ្យសក់របស់អ្នកដុះលូតលាស់បានយ៉ាងប្រសើរ។</p>
<p><strong>វិធីព្យាបាល៖ </strong>សូមវាយបំបែកស៊ុត ២គ្រាប់ យកតែផ្នែកលឿងទេ បន្ទាប់មក លាយជា<br />មួយនឹងប្រេងអូលីវ ២ស្លាបព្រាបាយ។ រួចកូរចូលគ្នាឱ្យសព្វ លាបនៅលើស្បែកក្បាល<br />ទុករយៈពេល ១៥ ទៅ ២០នាទី ហើយលាងសំអាតជាមួយនឹងទឹកត្រជាក់ធម្មតាចេញ<br />និង បន្ទាប់មក លាងសំអាតសក់ និង ស្បែកក្បាលរបស់អ្នក ជាមួយនឹងសាប៊ូចេញម្តង<br />ទៀត ជាការស្រេច៕</p>
<p style="text-align: right;">ប្រែសម្រួលដោយ៖ វណ្ណៈ<br />ប្រភព៖ top10homeremedies<br /><strong><br /></strong></p>