<div class="summary">
<p>នៅចំពោះមុខនឹងពិព័រណ៌ CES និងព្រឹត្តិការណ៍ MWC ព័ត៌មានចចាមអារាមស្តីពីស្មាតហ្វូន ដែលគេ កំពុងទន្ទឹងរង់ចាំច្រើន នៅក្នុងឆ្នាំ ២០១៤ គឺ Samsung Galaxy S5 នៅតែលេចចេញជាបន្តបន្ទាប់។</p>
</div>
<div class="content">
<p>នៅក្នុងការចូលរួមពិធីជប់លៀងស្វាគមន៍ឆ្នាំថ្មីមួយ នៅឯសណ្ឋាគារ Shilla ទីក្រុងសេអ៊ូល ប្រទេស កូរ៉េខាងត្បូង លោក Dong-hoon Chang ប្រធានផ្នែក យុទ្ធសាស្រ្តនៃការរចនាម៉ូត របស់ Samsung បានឆ្លើយតបទៅនឹងសំណួររបស់ ក្រុមអ្នកសារព័ត៌មាន ស្តីពីការបង្ហាញខ្លួននៃ Galaxy S5។</p>
<p style="text-align: center;"><a class="thickbox" title="" href="/FileManager/Commons/2014/1/4/gsmarena001-04-01-2014--09-20-39.jpg"><img src="/FileManager/Articles/mce/2014/1/4/gsmarena001-04-01-2014--09-20-39.jpg" alt="" /></a></p>
<p style="text-align: center;"><em><span style="color: #808080;">លោក Chang បានបង្ហើបឲ្យដឹង ពីពេលវេលាបង្ហាញខ្លួននៃ Galaxy S5 (រូបភាព៖ GSMArena)</span></em></p>
<p>ប្រធានផ្នែករូបនេះបានឲ្យដឹងថា Galaxy S5 អាចនឹងធ្វើការបង្ហាញណែនាំខ្លួន នៅក្នុងព្រឹត្តិការណ៍ MWC 2014។ ចំពោះព័ត៌មានស្តីពីលទ្ធភាព ការរចនាម៉ូតដោយប្រើប្រាស់ សំបកលោហធាតុ និង អេក្រង់កោង នៅលើ Galaxy S5 គិតមកដល់ពេលវេលានេះ គឺវានៅតែស្ថិតក្នុងភាព ជាអាថ៌កំបាំង ដដែល។</p>
<p>ច្បាស់ណាស់ បើទោះបីជា Samsung នៅមិនទាន់បានប្រកាសបញ្ជាក់ ជាផ្លូវការ ប៉ុន្តែព័ត៌មានដែល លោក Chang ផ្តល់ឲ្យអ្នកសារព័ត៌មាន គឺវាដូចទៅនឹង បណ្តាព័ត៌មានចចាមអារាមស្តីពី Galaxy S5 កាលពីពេលថ្មីៗនេះ ផងដែរ។</p>
<p>គួរបញ្ជាក់ផងដែរថា ព្រឹត្តិការណ៍ MWC 2014 នឹងត្រូវបានប្រារព្ធធ្វើឡើងនៅថ្ងៃទី ២៤ ខែកុម្ភះ ឆ្នាំ ២០១៤ (ម៉ោងនៅក្នុងតំបន់) ខាងមុខនេះ ឯទីក្រុង បាសេឡូណា ប្រទេសអេស្បាញ៕</p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>