<p>តើអ្នកបានដឹងទេថា ប្រទេសដែលទទួលឆ្នាំថ្មីមុនគេបង្អស់ នៅលើពិភពលោក គឺនៅម៉ោង ១៧<br /> ថ្ងៃទី ៣១ធ្នូ និងក្រោយគេបង្អស់ គឺនៅវេលាម៉ោង ១៨ ថ្ងៃទី ១មករា ម៉ោងនៅកម្ពុជា?</p>
<p>នៅសល់តែប្រហែលជាជាង ១០ម៉ោងទៀតប៉ុណ្ណោះ យើងនឹងឈានចូលដល់ឆ្នាំថ្មី ឆ្នាំសកល <br />២០១៥។ ប៉ុន្ដែ មនុស្សម្នានៅលើពិភពលោក មិនមែនទទួលឆ្នាំថ្មី ក្នុងពេលតែមួយនោះទេ តែ<br />មានប្រទេសខ្លះ ទទួលអបអរឆ្នាំថ្មី មុន ឬក្រោយគេដល់ទៅរាប់ម៉ោង។</p>
<p><strong>ប្រទេសដែលទទួលពន្លឺព្រះអាទិត្យនៃឆ្នាំថ្មី ដំបូងគេបង្អស់ នៅក្នុងលោក</strong></p>
<p style="text-align: center;"><strong><a class="thickbox" title="" href="/FileManager/Commons/2014/12/31/newyear1-31-12-2014--12-37-50.jpg"><img src="/FileManager/Articles/mce/2014/12/31/newyear1-31-12-2014--12-37-50.jpg" alt="" /></a><br /></strong></p>
<p>ដោយសារតែស្ថិតនៅក្នុងតំបន់ម៉ោងដំបូងគេបង្អស់ (UTC+14) ទើប សាម័រ (ឈ្មោះផ្លូវការគឺ រដ្ឋ<br />ឯករាជសាម័រ/Samoa) ដែលជាប្រទេសនៅកណ្ដាលមហាសមុទ្រប៉ាស៊ីហ្វិក ក្លាយជាប្រទេស<br />ទទួលឆ្នាំថ្មីមុនគេបង្អស់ក្នុងពិភពលោក។ ប្រការនេះ មានន័យថា ប្រជាជននៅលើកោះដែលមាន<br />ផ្ទៃដី ២.៩៣៤គីឡូម៉ែត្រនេះ នឹងប្រារព្ធពិធីអបអរបុណ្យចូលឆ្នាំថ្មី ឆ្នាំសកល ២០១៥ មុនកម្ពុជា <br />ប្រហែល ៧ម៉ោង ពោលគឺពួកគេ ចូលឆ្នាំថ្មី នៅពេលវេលាម៉ោង ៥ល្ងាច ម៉ោងនៅកម្ពុជា។</p>
<p style="text-align: center;"><a class="thickbox" title="" href="/FileManager/Commons/2014/12/31/newyear2-31-12-2014--12-38-10.jpg"><img src="/FileManager/Articles/mce/2014/12/31/newyear2-31-12-2014--12-38-10.jpg" alt="" /></a></p>
<p>ដោយមានឆ្នេរសមុទ្រដ៏វែងអន្លាយ ដែលមានទិដ្ឋភាពស្រស់ត្រកាល ឆ្នេរខ្សាច់សក្បុស និងទឹក<br />សមុទ្រខៀវស្រងាត់ កោះសាម័រ នឹងធ្វើឱ្យទេសចរទាំងឡាយ មានអារម្មណ៍ថា ខ្លួនកំពុងស្ថិតក្នុង<br />ស្ថានសួរគ៌ា។</p>
<p>មិនត្រឹមតែសមុទ្រនោះទេ សាម័រ ក៏មានព្រៃត្រូពិច ដែលសម្បូរដោយបក្សាបក្សី និងម្រឹគីម្រឹគា<br /> ប្លែកៗ រួមនឹងទឹកជ្រោះលាក់ខ្លួនកណ្ដាលព្រៃជ្រៅ ជាទេសភាពដ៏ស្រស់ស្អាត គួរចាប់ចិត្តផង<br />ដែរ។</p>
<p style="text-align: center;"><a class="thickbox" title="" href="/FileManager/Commons/2014/12/31/newyear3-31-12-2014--12-38-32.jpg"><img src="/FileManager/Articles/mce/2014/12/31/newyear3-31-12-2014--12-38-32.jpg" alt="" /></a></p>
<p>ពេលមកដល់ សាម័រ អ្នកក៏មិនគួររំលងតំបន់ផ្សារ អាភា (Apia) ព្រោះថា នៅទីនេះ មានតាំងលក់<br />ផ្លែឈើស្រស់ ដែលមានរសជាតិផ្អែមត្រជាក់។ ចំណែកផលិតផលសិប្បកម្ម នៅក្នុងផ្សារនេះ ក៏<br />នឹងមិនធ្វើឱ្យអ្នកខកចិត្តនោះដែរ។</p>
<p>ចំណែកកោះ គីរីទីម៉ាទី (Kiritimati) ឬកោះគ្រីស្ទម៉ាស់ នៃសាធារណរដ្ឋ គីរីបាទី (Kiribati) ក៏ជា<br />ប្រទេសដែលទទួលឆ្នាំថ្មីដំបូងគេ ក្នុងពិភពលោក ព្រោះតែស្ថិតនៅក្នុងតំបន់ពេលវេលា ដូច <br />សាម័រ។</p>
<p style="text-align: center;"><a class="thickbox" title="" href="/FileManager/Commons/2014/12/31/newyear4-31-12-2014--12-39-22.jpg"><img src="/FileManager/Articles/mce/2014/12/31/newyear4-31-12-2014--12-39-22.jpg" alt="" /></a></p>
<p>ជាមួយនឹងទំហំផ្ទៃដីប្រហែល ៣២២គីឡូម៉ែត្រ និងមានចម្ងាយពីក្រុង ស៊ីតនី(អូស្ត្រាលី) ៦.៧០០<br />គីឡូម៉ែត្រ កោះ គីរីទីម៉ាទី គឺជាឋានសួគ៌របស់សត្វព្រៃ ជាកន្លែងដែលនៅមានលក្ខណៈធម្មជាតិ<br />ច្រើន។ នេះគឺជាទីតាំងដ៏អស្ចារ្យ សម្រាប់អ្នកទេសចរណ៍ដែលមានបំណងស្វែងយល់អំពីធម្មជាតិ<br />នៅទីនេះ។</p>
<p><strong>បណ្ដាប្រទេសដែលទទួលឆ្នាំថ្មី ក្រោយគេបង្អស់</strong></p>
<p style="text-align: center;"><strong><a class="thickbox" title="" href="/FileManager/Commons/2014/12/31/newyear5-31-12-2014--12-40-00.jpg"><img src="/FileManager/Articles/mce/2014/12/31/newyear5-31-12-2014--12-40-00.jpg" alt="" /></a><br /></strong></p>
<p>សាម័រ និង គីរីទីម៉ាទី ទទួលឆ្នាំថ្មី នៅម៉ោង ១៧ល្ងាច ថ្ងៃទី ៣១ធ្នូ (ម៉ោងនៅកម្ពុជា) ចំណែកពល<br />រដ្ឋនៃក្រុង ហូណូលូលូ (Honolulu) របស់កោះ ហាវ៉ៃ (Hawaii) អាមេរិក វិញ បែរជាទទួលឆ្នាំថ្មី នៅ<br />ម៉ោង ១៧ ថ្ងៃទី ១មករា ឆ្នាំ ២០១៥ (ម៉ោងនៅស្រុកខ្មែរ) ពោលគឺ ហូណូលូលូ ចូលឆ្នាំថ្មី ក្រោយ <br />សាម័រ និង គីរីទីម៉ាទី ដល់ទៅ ២៤ម៉ោង។</p>
<p style="text-align: center;"><a class="thickbox" title="" href="/FileManager/Commons/2014/12/31/newyear6-31-12-2014--12-40-19.jpg"><img src="/FileManager/Articles/mce/2014/12/31/newyear6-31-12-2014--12-40-19.jpg" alt="" /></a></p>
<p>ស្ថិតនៅក្នុងតំបន់ភាគនិរតីនៃសហរដ្ឋអាមេរិក កោះ ហូណូលូលូ គឺជាទីក្រុងដ៏ធំរបស់ ហាវ៉ៃ។<br /> វិមាន ឡូឡានី ផាលេស (Iolani Palace) សារមន្ទីរ ប៊ីសប (Bishop Museum) វិមានរំលឹកវិញ្ញាណ<br />ក្ខន្ធ អារីហ្សូណា (USS Arizona Memorial) នៅកំពង់ផែភីល (Pearl Harbor) វិទ្យាស្ថានស្រាវជ្រាវ<br />សមុទ្រ វ៉ៃគីគី ឬឆ្នេរសមុទ្រ វ៉ៃគីគី ជាដើម គឺជាទីតាំងល្បីឈ្មោះ សម្រាប់អ្នកទេសចរណ៍។</p>
<p style="text-align: center;"><a class="thickbox" title="" href="/FileManager/Commons/2014/12/31/newyear7-31-12-2014--12-41-15.jpg"><img src="/FileManager/Articles/mce/2014/12/31/newyear7-31-12-2014--12-41-15.jpg" alt="" /></a></p>
<p>ហូណូលូលូ ជាទីក្រុងទំនើប ជាឋានសួគ៌សម្រាប់អ្នកមាន។ ម្យ៉ាងទៀត មនុស្សនៅទីនេះ ក៏មាន<br />ភាពរាក់ទាក់ គួរជាទីស្និទ្ធស្នាល។ ក៏ប៉ុន្ដែ ហូណូលូលូ មិនមែនជាតំបន់ដែលទទួលឆ្នាំថ្មីចុង<br />ក្រោយគេបង្អស់ក្នុងលោកនោះទេ <strong>រដ្ឋសាម័រអាមេរិក </strong>(American Samoa) ទើបជាតំបន់ទទួល<br />បានកិត្តិនាមនេះ។</p>
<p style="text-align: center;"><a class="thickbox" title="" href="/FileManager/Commons/2014/12/31/newyear8-31-12-2014--12-40-50.jpg"><img src="/FileManager/Articles/mce/2014/12/31/newyear8-31-12-2014--12-40-50.jpg" alt="" /></a></p>
<p>សាម័រអាមេរិក គឺជាផ្នែកមួយស្ថិតក្នុងការគ្រប់គ្រងរបស់អាមេរិក នៅមហាសាគរប៉ាស៊ីហ្វិកខាង<br />ត្បូង ដែលមានរដ្ឋធានី ប៉ាហ្គូ ប៉ាហ្គូ ស្ថិតនៅក្នុងតំបន់ម៉ោង UTC-11។ ប្រជាជននៅទីនេះ ទទួល<br />ឆ្នាំថ្មី ក្រោយ ហូណូលូលូ របស់កោះ ហាវ៉ៃ ចំនួន ១ម៉ោង ពោលគឺនៅម៉ោង ១៨ថ្ងៃទី ១មករា ឆ្នាំ<br /> ២០១៥ (ម៉ោងនៅកម្ពុជា)៕</p>
<p style="text-align: right;">ប្រែសម្រួលដោយ ៖ តារា<br />ប្រភព ៖ worldtimezone</p>