<p><strong>ភ្នំពេញៈ</strong> ខណៈដែលសំឡេងភ្លេងការ កាន់តែខិតជិតចូលមកដល់ តារាស្រីសម្បុរស្រអែមស្រស់<br /> កញ្ញា សារាយ សក្ខណា បានប្រាប់ឲ្យដឹងថា នាងកាន់តែភ័យបុកពោះខ្លាំងឡើងៗ ព្រោះនៅពេល<br />រៀបការរួច នាងត្រូវរៀបចំខោអាវ ចេញទៅរស់ នៅឯនាយសមុទ្រតាមស្វាមី។ ក្នុងនោះស្រីស្អាត<br /> រូបនេះ ក៏បានបង្ហាញពីការព្រួយបារម្ភ នៅពេលនាងចេញ ទៅរស់នៅក្រៅប្រទេស ព្រោះតែនាង<br />មិនសូវចេះភាសាក្នុងទំនាក់ទំនងគ្នា ។</p>
<p>តារាស្រីដែលកំពុងតែក្តាប់បាន ប្រជាប្រិយភាពខ្លាំងជាងគេ ក្នុងឆ្នាំ២០១៣ កញ្ញា សារាយ សក្ខណា<br /> ដែលកន្លងមកធ្លាប់បាន ប្រកាសថា នាងអាចបញ្ចប់អាជីពសិល្បៈ នៅឆ្នាំក្រោយ បន្ទាប់ពីនាងរៀប<br />ការមានគ្រួសារ ដោយសារស្វាមីនឹងធានានាង ចេញ ទៅរស់នៅក្រៅប្រទេសជាមួយគ្នា ដោយត្រូវ<br />បង្ខំឲ្យនាងត្រូវឃ្លាតឆ្ងាយ ពីវិស័យសិល្បៈទាំងចិត្ត មិនដាច់អាល័យ ។</p>
<p>កញ្ញា សារាយ សក្ខណា បានព្រលយឲ្យដឹងថា នាងនៅតែប្រកាន់ ជំហររៀបការ នៅថ្ងៃទី១២-<br />១២-២០១៣នេះ មិនផ្លាស់ប្តូរទេ ទោះជាពេលនេះសន្ទុះការងាររបស់នាង កំពុងតែមមាញឹកកើប<br />ប្រាក់យ៉ាងណាក្តី ព្រោះថាជារឿងធម្មតា របស់មនុស្សស្រី គឺសំខាន់ណាស់ ការរៀបការបង្កើត<br />គ្រួសារ។ ដូច្នេះហើយទើបនាងសម្រេចចិត្តរៀបការ នៅក្នុងឆ្នាំនេះតែម្តង មុនក្រោយគង់រៀប<br />ការដដែលហ្នឹង ។</p>
<p>ពិធីការិនី តារាសម្ដែង និងជាតារាបង្ហាញម៉ូដ សារាយ សក្ខណា ក៏បានបង្ហាញពីការព្រួយបារម្ភ<br /> ផងដែរថា “ ខ្ញុំមានការព្រួយបារម្ភខ្លះ ក្រោយពេលរៀបការរួច ព្រោះថាខាងស្វាមីខ្ញុំ គាត់ធានា<br />ខ្ញុំទៅរស់នៅលើទឹកដីសហរដ្ឋអាមេរិក ខ្ញុំពិតជាមានអារម្មណ៍ភ័យផង អរផងម៉េចមិនដឹងទេ...! <br />ព្រោះថាការនិយាយភាសាអង់គ្លេស ហាក់នៅមានកម្រិត។ ដូច្នេះ ត្រូវទាមទារឲ្យខ្ញុំចំណាយ<br />ពេលរៀនបន្ថែមទៀតឲ្យច្រើន ដើម្បីងាយស្រួល ក្នុងការទាក់ទង ឬក៏បង្កើតមុខរបរ រកស៊ីនៅ<br />លើទឹកដីនោះ.. ” ។</p>
<p>កន្លងមក ធ្លាប់មានព័ត៌មាន ចុះផ្សាយថា ក្រោយពី កញ្ញា សារាយ សក្ខណា រៀបការរួច នាង<br />ចេញទៅរស់នៅក្រៅប្រទេស និងបានធ្វើជាថៅកែស្រី នៅក្នុងក្រុមហ៊ុនមេធាវី ដែលចាយ<br />ទុនជាង១០ម៉ឺនដុល្លារ ។ ប៉ុន្តែមិនឃើញនាងបង្ហើបពី ព័ត៌មាននេះឡើយ ដោយនាងគ្រាន់ តែ<br />បង្ហើបយ៉ាងខ្លីថា “នៅពេលទៅរស់នៅលើទឹកដីសម្បូរដុល្លារនោះ ខ្ញុំមានបំណងចង់ បើកហាង<br />សាឡនសមល្មមមួយ រកស៊ីនៅទីនោះ ។ ពេលទំនេរ ថ្ងៃសៅរ៍-អាទិត្យ ប្រហែលជាខ្ញុំអាចឆ្លៀត<br />ពេល ទៅច្រៀងសម្តែងខ្លះៗព្រោះថាមិនចង់ឈប់ពីសិល្បៈទាំងស្រុងទេ.. ” ៕</p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0180.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0181.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0182.jpg" alt="Looking Today" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-065/PISETH-0183.jpg" alt="Looking Today" width="600" /></p>