<p><strong>ភ្នំពេញ៖</strong> តារាស្រីដ៏ល្បីប្រចាំផលិតកម្ម រស្មីហង្សមាស កញ្ញា ឱក សុគន្ធកញ្ញា បានបង្ហើរសំនៀងដ៏<br /> ក្រអួនក្រអៅ តាមរយៈបទចម្រៀង បែបមនោសញ្ចេតនាមួយបទ ផ្ញើជូនអ្នកម្តាយរបស់នាង ក្នុងថ្ងៃ<br />បុណ្យអ្នកម្តាយ ដែលទើបតែកន្លងទៅថ្មីៗនេះ។</p>
<p>ជាការពិតណាស់ ទោះបីជា ឱក សុគន្ធកញ្ញា ជាតារាស្រីល្បីប្រចាំ ប្រទេសកម្ពុជាក៏ពិតមែន ប៉ុន្តែនាង<br />មិនដែលវាយឫក ទស្សនិកជន ឬ អ្នកគាំទ្រនោះទេ។ មិនតែប៉ុណ្ណោះនាងថែម ទាំងជាកូនស្រីកតញ្ញូ<br /> ស្តាប់តាមបង្គាប់អ្នកម្តាយជានិច្ច ។ ជាក់ស្តែងកាលពីថ្ងៃទី ១២ ឧសភា ដែលត្រូវជាថ្ងៃបុណ្យ អ្នកម្តាយ<br />ផងនោះ ឱក សុគន្ធកញ្ញា ក៏បានបង្ហើរសំនៀង តាមរយៈបទចម្រៀងមួយបទ ដែលមានចំណងជើង<br />ថា "ចម្រៀងផ្ញើអ្នកម្តាយ"។</p>
<p>អត្ថន័យក្នុងបទចម្រៀងនោះ ឱក សុគន្ធកញ្ញា បានច្រៀងរៀបរាប់ ពីគុណដ៏ធំធេង មិនអាចកាត់ថ្លៃ<br />បានដែលម្តាយរបស់នាង ខិតខំចិញ្ចឹមបីបាច់តាំងពីតូចរហូតដល់ធំ មិនថានឿយហត់ ឬមានការលំ<br />បាកយ៉ាងណានោះទេ។ នាងថែមទាំងប្រៀបធៀបម្តាយ ទៅនឹងគ្រាប់ពេជ្រ សម្រាប់បំភ្លឺផ្លូវ ឲ្យកូន<br />ទៀតផង។ អ្វីដែលធ្វើឲ្យកាន់តែ លន្លង់លន្លោចទៀតនោះ គឺនាងបានចម្រៀងសុំខមាទោស អ្នក<br />មានគុណ នូវកំហុសទាំងទ្បាយ ដែលនាងធ្លាប់ បានធ្វើកន្លងមក។</p>
<p>ជាមួយនឹងរូបថតជាច្រើនសន្លឹក ដែល ឱក សុគន្ធកញ្ញា បានបញ្ចូលក្នុងបទចម្រៀង ឃើញថានាង<br />ហាក់ដូច ជាមានភាពស្និទ្ធស្នាល និងរីករាយយ៉ាងខ្លាំង ជាមួយក្រុមគ្រួសារ របស់នាង។</p>
<p>អ្វីដែលគួរឲ្យភ្ញាក់ផ្អើលនោះ បទចម្រៀង "ចម្រៀងផ្ញើអ្នកម្តាយ" នេះ គឺមានលោក រ៉េតធី ដូណា <br />ដែលជាអតីតមិត្តប្រុសរបស់នាង ជាអ្នកនិពន្ធបទ ភ្លេងឲ្យនាងទៅវិញ ខណៈធ្លាប់មានព័ត៌មានថា <br />លោក រ៉េតធី ដូណា បានបែកបាក់ ជាមួយរូបនាង និងបានចាកចេញ ពីផលិតកម្ម រស្មីហង្សមាស<br /> ទៅហើយនោះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/March/id-098/S_0326.jpg" alt="Looking Today" width="500" /></p>
<p style="text-align: center;"><object width="500" height="400" data="http://www.youtube.com/v/UOxF9bIQl-o&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/UOxF9bIQl-o&rel=1" /></object></p>
<p style="text-align: right;">ផ្តល់សិទ្ធិដោយ៖ ដើមអំពិល</p>