<div class="article-content">
<p><strong>បន្ទាយមានជ័យ ៖</strong> នាងក្រមុំវ័យ ២១ឆ្នាំម្នាក់ បានចងកសម្លាប់ខ្លួន ក្រោយពីដឹងថា មិត្តប្រុស<br />របស់នាងមានស្រីថ្មី និងជិតរៀបការចោល នាងបានជ្រើសរើសយក ការចងកធ្វើអត្តឃាត<br /> ដើម្បីបញ្ចប់ទុក្ខលំបាកក្នុងចិត្ត កាលពី វេលាម៉ោង ៥ល្ងាចថ្ងៃទី០៧ ខែកញ្ញា ឆ្នាំ២០១៣ នៅ<br />ភូមិចំបង់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ។</p>
<p>លោក កឹម ចំរើន មេបញ្ជាការអាវុធហត្ថ (អ.ហ) ស្រុកម៉ាឡៃ បានឲ្យដឹងនៅថ្ងៃទី០៨ ខែកញ្ញា<br /> ឆ្នាំ២០១៣ នេះថា ជនរងគ្រោះមានឈ្មោះ អឿន លីតា ភេទស្រី អាយុ ២១ឆ្នាំ រស់នៅភូមិឃុំ<br />កើតហេតុខាងលើ បានចងកសម្លាប់ខ្លួន នៅលើផ្ទះរបស់នាង។</p>
<p>សមត្ថកិច្ចដដែលបានបន្តថា មុនពេលកើតហេតុ នាងក្រមុំរូបនេះមានវិបត្តិផ្លូវចិត្ត យ៉ាងធ្ងន់ធ្ងរ <br />ព្រោះនាងបាន បែកបាក់ពីសង្សារ ជាទីស្រលាញ់ ដោយខាងប្រុសគេជិតរៀបការចោល។ នៅ<br />កន្លែងកើតហេតុសមត្ថកិច្ចបាន រកឃើញលិខិតមួយ ច្បាប់សរសេរដោយដៃស្ត្រី ខាងលើ ដែល<br />នាងបានសរសេរមុនពេល ដែលនាងចងក សម្លាប់ខ្លួន។</p>
<p>សំបុត្រមួយច្បាប់នោះ បានសរសេថា "រវាងយើងបានត្រឹមជាសង្សារ យ៉ាងណាក៏មិនអាច លើស<br />ពីនេះដែល ហើយជឿជាក់ចង់ជួប ចង់ថែរ ចង់នៅក្បែរ តែបានត្រឹមក្បែរក្នុងរយៈពេលខ្លី ស្រលាញ់<br />ខ្លាំងបានត្រឹមតែជាសង្សារ សិទ្ធិរៀបការបានទៅអ្នកដទៃ ស្រលាញ់គ្នាចុងក្រោយបាន ត្រឹមតែអា<br />ល័យ គ្មានថ្ងៃអូនបានធ្វើជាប្រពន្ធបងទេ" ។</p>
<p>ក្រោយពីសមត្ថកិច្ចត្រួតពិនិត្យ រួចរាល់ឃើញថា សពនាងក្រមុំខាងលើពិតជា ចងកសម្លាប់ពិត<br />ប្រាកដមែន។</p>
<p>បច្ចុប្បន្នសពត្រូវបានសាច់ញាតិ រៀបចំធ្វើបុណ្យតាមប្រពៃណីនៅគេហដ្ឋាន៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Hou-0004.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/September/id-068/Hou-0005.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-068/Hou-0006.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>