<p>តាមប្រភពព័ត៌មានរបស់កាសែត CEN នាំពាក្យ លោក អេនឌ្រូវ ម៉េសុន អ្នកដឹកនាំសរសេរ<br />របាយការណ៍ នៃធនាគារពិភពលោក បានឲ្យដឹងថា ប្រទេសមួយចំនួនក្នុងតំបន់ (អាស៊ី) នៅ<br />តែប្រឈមនឹងបញ្ហាយែនឌ័រ និងការអប់រំជាមូលដ្ឋាន ហើយប្រទេសកម្ពុជា គឺជាប្រទេសមួយ<br />ក្នុងចំណោមនោះ។ លោកបានលើកឡើងបែបនេះ នៅក្នុងសន្និសីទកាសែតវីដេអូខនហ្វឺរឹនពី<br />ទីក្រុងបាងកក ប្រទេសថៃ ជាមួយធនាគារពិភពលោកប្រចាំនៅកម្ពុជា កាលពីថ្ងៃទី១៨ ខែ<br />មិថុនា ឆ្នាំ២០១២។<br /><a class="thickbox" title="" href="/FileManager/Commons/2012/6/18/cambodiangirlsholdingchalkboardstotheirteacher-18-06-2012--23-47-20.jpg"><img src="/FileManager/Articles/mce/2012/6/18/cambodiangirlsholdingchalkboardstotheirteacher-18-06-2012--23-47-20.jpg" alt="" /></a><br />លោក អេនឌ្រូវ ម៉េសុន (Andrew Mason) បានលើកឧទាហរណ៍នៅក្នុងកម្រិតមធ្យមសិក្សា <br />ឃើញថា មានតែយុវនារីចំនួន ៨៥ ភាគរយប៉ុណ្ណោះ បានចូលរៀន បើធៀបនឹងចំនួនយុវជន<br /> ដូច្នេះនៅមានគម្លាតនៃការអប់រំដែលត្រូវបំពេញ។ ដូចនៅប្រទេសថៃដែរ យើងបានឃើញ<br />មានកម្លាំងពលកម្មស្ដ្រីខ្ពស់ខ្លាំងក្នុងការងារនៅប្រទេស កម្ពុជា ហើយយើងក៏ឃើញស្ដ្រីមាន<br />ចំនួនច្រើនខ្លាំងដែរ ក្នុងការងារកសិកម្មប្រចាំគ្រួសារ និងក្នុងវិស័យសេដ្ឋកិច្ចផងដែរ។ ស្ដ្រី<br />នៅប្រទេសកម្ពុជារកប្រាក់ចំណូលបាន ៧៥ សេន ក្នុងមួយថ្ងៃ នៅពេលដែលបុរសរកបាន<br /> ១ ដុល្លារ ដូច្នេះនៅមានគម្លាតក្នុងការទទួលបានប្រាក់ចំណូលផងដែរ។ ជាមួយគ្នានេះ អ្នក<br />ស្រី រីណា បាឌីយ៉ានី (Reena Badiani) មានប្រសាសន៍ថា ស្ដ្រីប្រឈមគ្រោះថ្នាក់ច្រើនជាង<br />បុរស ចំពោះអំពើជួញដូរមនុស្ស។<br /> របាយការណ៍ថ្មីមួយរបស់ធនាគារពិភពលោក បានបង្ហាញថា ខណៈដែលសមភាពយែនឌ័រ<br />មានការកើនឡើងនៅទូទាំងតំបន់អាស៊ីបូព៌ា និងប៉ាស៊ីហ្វិក គម្លាតជាច្រើននៅតែកើតមាននៅ<br />ក្នុងតំបន់សំខាន់ៗមួយចំនួន។ របាយការណ៍ដែលមានចំណងជើងថា “ឆ្ពោះទៅរកសមភាព<br />យែនឌ័រនៅក្នុងតំបន់អាស៊ីបូព៌ា និងប៉ាស៊ីហ្វិក” បានអោយដឹងថា ការលើកកម្ពស់លទ្ធភាព<br />របស់ស្ដ្រីឲ្យទទួលបានការងារ និងកាលានុវត្តភាពសេដ្ឋកិច្ច អាចបង្កើតផលិតភាពយ៉ាងច្រើន<br />នៅក្នុងតំបន់។<br />លោកស្រី ផាមេឡា អនុប្រធានធនាគារពិភពលោក ប្រចាំតំបន់អាស៊ីបូព៌ា និងប៉ាស៊ីហ្វិក បាន<br />ធ្វើការកត់សម្គាល់ថា “ការលុបបំបាត់វិសមភាព នៃកាលានុវត្តភាពក្នុងការចូលរួមក្នុងសកម្មភាព<br />សេដ្ឋកិច្ច អាចបង្កើនផលិតភាពរបស់កម្មករនៅក្នុងតំបន់ ពី ៧ ភាគរយ ដល់ ១៨ ភាគរយ។ <br />សកម្មភាពនេះ មានឥទ្ធិពលយ៉ាងច្រើន ចំពោះកំណើនសេដ្ឋកិច្ច និងការកាត់បន្ថយភាពក្រីក្រ។ <br />ដូច្នេះការពង្រឹងសិទ្ធិអំណាចសេដ្ឋកិច្ចរបស់ស្ដ្រី មិនមែនត្រឹមតែជារឿងត្រឹមត្រូវដែលត្រូវធ្វើនោះ<br />ទេ ក៏ប៉ុន្តែវាជារឿងដែលឆ្លាតវៃត្រូវធ្វើ”។<br />របាយការណ៍នេះ (ដែលបានទទួលការគាំទ្រពីទីភ្នាក់ងារអភិវឌ្ឍន៍អន្តរជាតិប្រទេស អូស្ដ្រាលី)<br />កំពុងត្រូវបានផ្សព្វផ្សាយដោយក្រុមជំនាញផ្នែកយែនឌ័រ របស់ធនាគារពិភពលោក នៅទីក្រុង<br />បាងកក។ ក្រុមនេះកំពុងតែពិភាក្សាជាមួយអ្នកតាក់តែងគោលនយោបាយ សង្គមស៊ីវិល និង<br />មេដឹកនាំដែលមានគំនិតយោបល់ល្អៗ ស្ដីអំពីយែនឌ័រ និងរបៀបវារៈអភិវឌ្ឍន៍ ព្រមទាំងកំពុង<br />ពិភាក្សាអំពីការជ្រើសរើសគោលនយោបាយ ដើម្បីលើកកម្ពស់សមភាពយែនឌ័រ និងជំរុញការ<br />អភិវឌ្ឍឲ្យកាន់តែមានប្រសិទ្ធភាពជាងនេះ។ <br />លោកស្រី អាណែត ឌីកសុន នាយកប្រចាំប្រទេស របស់ធនាគារពិភពលោក ប្រចាំតំបន់អាស៊ី<br />អាគ្នេយ៍បានមានប្រសាសន៍ថា “ធនាគារពិភពលោកបានប្ដេជ្ញាចិត្តគាំទ្រដល់ប្រទេសនានា ក្នុង<br />ការដោះស្រាយបញ្ហានានា ដែលស្ដ្រីជួបប្រទះក្នុងការទទួលបាននូវលទ្ធភាពចាប់យកកាលានុ-<br />វត្តភាព សេដ្ឋកិច្ច ទាំងទាក់ទងទៅនឹងការពង្រឹងជំនាញក្នុងការរកប្រាក់ចំណេញ ការបង្កើន<br />លទ្ធភាពរបស់ស្ដ្រី ដើម្បីទទួលបានដីធ្លី និងមូលធន ឬការបង្កើនសំឡេង និងឥទ្ធិពលរបស់ស្ដ្រី<br />នៅក្នុងសង្គម”៕ </p>
<p style="text-align: right;">ប្រភព៖ CEN</p>