<p>ព័ត៌មានអន្តរជាតិ ៖ នាយករដ្ឋមន្រ្តីប្រទេសអង់គ្លេស លោក David Cameron អំឡុងពេលនៃ<br />ការចូលរួមកិច្ចប្រជុំ កំពូលមេដឹកនាំពិភពលោក G20 នៅប្រទេសរុស្ស៊ី លោកបានជំរុញ ក៏ដូច<br />ជាលើកទឹកចិត្ត អោយមានការពិភាក្សា ពីភាពដែលអាចធ្វើទៅបាន ក្នុងការវាយប្រហារ<br />ដោយប្រើកម្លាំងយោធា ទៅលើប្រទេសស៊ីរី ពោលគឺ ជំរុញអាមេរិក អោយចេញធ្វើសកម្មភាព<br />ឆ្លើយតបទៅនឹងរបបដឹកនាំផ្តាច់ការ របស់លោក Bashar al - Assad ក្រោយពីរកឃើញថា<br />រដ្ឋាភិបាលប្រទេសនេះ បានប្រើអាវុធគីមីធ្វើការវាយប្រហារទៅលើជនស៊ីវិល កាលពីសប្តាហ៍<br />កន្លងទៅ ។</p>
<p><a class="thickbox" title="" href="http://camnews.com.kh/FileManager/Commons/2013/9/6/david-cameron-06-09-2013--09-31-31.jpg"><img src="http://camnews.com.kh/FileManager/Articles/mce/2013/9/6/david-cameron-06-09-2013--09-31-31.jpg" alt="" width="450" height="311" /></a></p>
<p>លោក Cameron បានអះអាងយ៉ាងដូច្នេះថា ៖ វាគឺជាការខុសធ្ងន់មួយ បើសិនណាអាមេរិក<br />ថយមួយជំហាន ដោយមិនមានសកម្មភាពអ្វីទាល់តែសោះ បន្ទាប់ពីមានការលើកឡើងនូវខ្សែ<br />បន្ទាត់ក្រហម ក្រោយរកឃើញ ស៊ីរី ប្រើប្រាស់សារធាតុគីមី ស៊ីរិន។ មិនត្រឹមតែប៉ុណ្ណោះ ខ្ញុំបាន<br />គិតថា គួរណាផ្ញើសញ្ញាណរន្ធត់ណាមួយទៅ លោកប្រធានាធិបតី Assad ក៏ដូចជាជនផ្តាច់ការ<br />មួយចំនួនផ្សេងទៀត នៅកន្លែងផ្សេងទៀតផងដែរ។</p>
<p><a class="thickbox" title="" href="http://camnews.com.kh/FileManager/Commons/2013/9/6/david-cameron-urged-the-us-to-act--06-09-2013--09-30-05.jpg"><img src="http://camnews.com.kh/FileManager/Articles/mce/2013/9/6/david-cameron-urged-the-us-to-act--06-09-2013--09-30-05.jpg" alt="" width="450" height="325" /></a></p>
<p>នាយករដ្ឋមន្រ្តីរូបនេះ បានបង្ខំចិត្តចេញមុខសារភាពសាជាថ្មីម្តងទៀតអោយដឹងថាអង់គ្លេស<br />នឹងមិនចូលរួម ធ្វើសកម្មភាពយោធាណាមួយនោះទេ ក្រោយពីការសំរេចដកខ្លួន ដែលនាំ<br />អោយមានការអាម៉ាស់ជាខ្លាំង កាលពីសប្តាហ៍កន្លងទៅនេះ។</p>
<p>គួររំឭកផងដែរថាជាមួយនឹងដំណើរទស្សនកិច្ចទៅចូលរួមកិច្ចប្រជុំនៅរុស្ស៊ី ពីសំណាក់លោក<br />នាយករដ្ឋមន្រ្តីអង់គ្លេសរូបនេះ បានបង្កឡើងនូវភាពតាន់តឺងមើលមុខគ្នាមិនចំ ជាមួយនឹង<br />លោកប្រធានាធិបតី រុស្ស៊ី Vladimir Putin ដែលជាសម្ព័ន្ធមិត្ត ស៊ីរី ដោយនៅក្នុងនោះ លោក<br /> Vladimir Putin បានអះអាងថា អង់គ្លេស គ្រាន់តែជាកូនកោះតូចមួយតែប៉ុណ្ណោះ។</p>
<p><a class="thickbox" title="" href="http://camnews.com.kh/FileManager/Commons/2013/9/6/russia-and-england-06-09-2013--09-31-50.jpg"><img src="http://camnews.com.kh/FileManager/Articles/mce/2013/9/6/russia-and-england-06-09-2013--09-31-50.jpg" alt="" width="446" height="293" /></a></p>
<p>ជាមួយនឹងការលើកឡើងបែបនេះ លោក Cameron ក៏មានប្រតិកម្មដោយឆ្លើយតបទៅវិញ<br />តាមរយៈប៉ុស្តិ៍ព័ត៌មាន BBC អោយដឹងថា លោកពិតជាមិនអាចទទួលយកនូវការលើកឡើង<br />ខាងលើ យ៉ាងដូច្នេះនោះទេ។ យ៉ាងណាមិញ ចំពោះករណីនេះ អ្នកនាំពាក្យលោកប្រធានាធិ<br />បតី Vladimir Putin លោក Dmitry Peskov បាននិយាយបញ្ជាក់ថា លោកពិតជាគ្មានយោ<br />បល់អ្វី ក្នុងការបកស្រាយការលើកឡើងមួយនេះ នោះទេ។</p>
<p>គួរបញ្ជាក់ផងដែរថា ការសម្រេចចិត្ត ក្នុងការធ្វើបទអន្តរាគមន៍កម្លាំងយោធា ទៅលើប្រទេស<br />ស៊ីរី កាន់តែខ្លាំងក្លាឡើង ក្រោយពីអ្នកសង្កេតការអាវុធ បានរកឃើញថា ស៊ីរី ពិតជាបានប្រើ<br />ប្រាស់ សារធាតុគីមី ស៊ីរិន ក្នុងការវាយប្រហារជនស៊ីវិល ស្លាប់ជាង ១,៤០០ នាក់ កាលពី<br />សប្តាហ៍កន្លងទៅពិតប្រាកដមែន៕</p>
<p><span style="color: #000000;">* ព័ត៌មានអន្តរជាតិ មួយចំនួនផ្សេងទៀត មាននៅខាងក្រោម ៖</span></p>
<p><a href="http://camnews.com.kh/News/Detail/72384/barack-obama-given-green-light-to-attack-syria-by-us-senate-panel" target="_blank"><span style="color: #0000ff;">- សភាសហរដ្ឋអាមេរិក បើកភ្លើងខៀវ អោយលោក អូបាម៉ា វាយ ស៊ីរី ?</span></a><br /><a href="http://camnews.com.kh/News/Detail/69521/you-can-attack-syria-top-politicians-tell-barack-obama" target="_blank"><span style="color: #0000ff;">- ពិតឬ ដែលថា ស៊ីរី ត្រូវអាមេរិក ប្រើកម្លាំងយោធា ក្នុងអំឡុងអាទិត្យក្រោយនេះ?</span></a><br /><a href="http://camnews.com.kh/News/Detail/37146/flash-floods-in-several-areas-around-spore-after-heavy-rain" target="_blank"><span style="color: #0000ff;">- ទឹកជំនន់វាយប្រហារ សឹង្ហបុរី ក្រោយភ្លៀងធ្លាក់មួយមេធំ ប៉ុន្មានម៉ោងមុននេះ (មានវីដេអូ)</span></a></p>
<p style="text-align: right;">ដោយ ៖ រិទ្ធី<br />ប្រភព ៖ ម៉េត្រូ</p>