<p>បណ្ដាវាលស្រែនៅកម្ពុជា គឺសម្បូរទៅដោយសត្វកណ្ដុរ ដោយក្នុងមួយថ្ងៃៗ កណ្ដុររាប់ម៉ឺនក្បាល<br /> ត្រូវបានគេចាប់ ជាប់អន្ទាក់ ហើយត្រូវបានយកទៅធ្វើជាផលិតផលនាំចេញទៅក្រៅប្រទេស។ <br />កណ្ដុរស្រែ នៅកម្ពុជា ត្រូវបានគេចាត់ទុកថា ជាអាហារពិសេសសម្បូរជាតិបំប៉ន។</p>
<p style="text-align: center;"><a class="thickbox" title="" href="/FileManager/Commons/2014/9/18/mouse1-18-09-2014--16-36-39.jpg"><img src="/FileManager/Articles/mce/2014/9/18/mouse1-18-09-2014--16-36-39.jpg" alt="" /></a></p>
<p style="text-align: center;">កណ្ដុរស្រែ ត្រូវបានគេនិយមហូប នៅកម្ពុជា</p>
<p><br />រដូវកាលដែលមានសកម្មភាពចាប់កណ្ដុរច្រើនបំផុត គឺនៅក្នុងខែឧសភា និងខែកក្កដា។ នៅក្នុង<br />អំឡុងពេលនេះ កណ្ដុរមិនសូវជាមានចំណីច្រើន បូករួមនឹងខែភ្លៀងផងនោះ វានឹងនាំគ្នាឡើងទៅ<br />កាន់តំបន់ដីខ្ពស់ ហើយក៏ត្រូវជាប់អន្ទាក់។ ឈឿន ឈឹម ដែលជាកសិករម្នាក់ អាយុ ៣៧ឆ្នាំ នៅ<br />កំពង់ចាម ឱ្យដឹងថា គាត់មានអន្ទាក់ចំនួន ១២០គ្រឿង។ ឈឿន ឈឹម បានប្រាប់ទំព័រ BBC ថា<br /> ៖ “កណ្ដុរស្រែ មានលក្ខណៈខុសប្លែងពីកណ្ដុរក្រុង ឬកណ្ដុរក្នុងភូមិ។ កណ្ដុរស្រុក ឬកណ្ដុរក្រុង<br /> តែងតែស្មោកគ្រោក និងមានរមាស់ពេញខ្លួន ចំណែកកណ្ដុរស្រែវិញ វាស៊ីតែស្រូវ បន្លែ រួមនឹង<br />ស្មៅ”។ ឈឿន ឈឹម បានឱ្យដឹងថា ប្រសិនហេង គាត់អាចរកបាន ២៥គីឡូក្រាមក៏មាន ហើយ<br />ថា កណ្ដុរស្រែ មានរសជាតិប្រហាក់ប្រហែលនឹងសាច់ជ្រូក។</p>
<p style="text-align: center;"><a class="thickbox" title="" href="/FileManager/Commons/2014/9/18/mouse2-18-09-2014--16-38-01.jpg"><img src="/FileManager/Articles/mce/2014/9/18/mouse2-18-09-2014--16-38-01.jpg" alt="" /></a></p>
<p style="text-align: center;">ឈឿន ឈឹម កំពុងនាំយកកណ្ដុរ ទៅលក់ក្នុងតំបន់នានា ក្បែរព្រំដែន កម្ពុជា វៀតណាម</p>
<p><br />ចំណែកលោក ជីន ចន ដែលជាអ្នកចាប់កណ្ដុរម្នាក់ទៀត និយាយថា ៖ “យើងខ្ញុំ ចាប់កណ្ដុរទៅ<br />លក់ ដើម្បីយកប្រាក់ទៅទិញសាច់ត្រី”។ ប៉ុន្ដែ គាត់សារភាពថា តាមពិត កណ្ដុរ ក៏មិនមែនជា<br />អាហារ ដែលគាត់ចូលចិត្តនោះដែរ ។ លោក ជីន ចន គឺជាអ្នកទទួលទិញសត្វកណ្ដុ្រ ពីប្រជា<br />កសិករក្នុងតំបន់ ដើម្បីវិចខ្ចប់ និងនាំចេញទៅក្រៅប្រទេស។ កណ្ដុរទាំងអស់ដែលគាត់បាន<br />ប្រមូលទិញ នឹងត្រូវបាននាំទៅលក់ នៅប្រទេសវៀតណាម។</p>
<p>រីឯ លោក ឆេង អាន ដែលកំពុងត្រៀមខ្លួននឹងធ្វើដំណើរទៅប្រគល់ទំនិញ (កណ្ដុរ) នៅទឹកដីវៀត<br />ណាម បានប្រាប់ថា សាច់កណ្ដុរ អាចយកមកចំអិនជាអាហារ តាមរយៈការលីងសាច់ អាំង ស្ងោរ<br /> ឬធ្វើជាសាច់ប៉ាតេ។ បុរសនេះ បង្ហើបឱ្យដឹងថា សត្វកណ្ដុរនៅ វៀតណាម មានតម្លៃខ្ពស់ ជាងនៅ<br />កម្ពុជា។</p>
<p style="text-align: center;"><a class="thickbox" title="" href="/FileManager/Commons/2014/9/18/mouse3-18-09-2014--16-39-59.jpg"><img src="/FileManager/Articles/mce/2014/9/18/mouse3-18-09-2014--16-39-59.jpg" alt="" /></a></p>
<p style="text-align: center;">កណ្ដុរកម្ពុជា ត្រូវបាននាំចេញ ទៅលក់នៅវៀតណាម (រូប ៖ វ៉ាន់ រឿន)</p>
<p> </p>
<p>នៅក្នុងរដូវកាលចាប់កណ្ដុរ សេង សំបូរ ដែលជាអ្នកជំនួញតូចម្នាក់ អាយុ ៤៦ឆ្នាំ នៅកម្ពុជា ឱ្យ<br />ដឹងថា ខ្លួននាំចេញកណ្ដុរទៅលក់នៅ វៀតណាម ក្នុងមួយខែ បានប្រមាណជា ២តោន។ ក្នុង<br />រយៈពេល ១៥ឆ្នាំមកនេះ មុខជំនួញរបស់អ្នកស្រី បានកើនឡើង ១០ដង។ ដំបូងឡើយ សាច់<br />កណ្ដុរ មានតម្លៃតែ ០,២០ដុល្លារ ក្នុងមួយគីឡូក្រាម ប៉ុន្ដែ បច្ចុប្បន្ន វាបានឡើងដល់ ២,៥ដុល្លារ <br />ហើយតម្រូវការនៃទីផ្សារ ក៏កើនឡើង ពីមួយឆ្នាំទៅមួយឆ្នាំ។</p>
<p style="text-align: center;"><a class="thickbox" title="" href="/FileManager/Commons/2014/9/18/mouse4-18-09-2014--16-40-49.jpg"><img src="/FileManager/Articles/mce/2014/9/18/mouse4-18-09-2014--16-40-49.jpg" alt="" /></a></p>
<p style="text-align: center;">អ្នកជួញដូរសាច់កណ្ដុរ ជនជាតិវៀតណាម មកកម្ពុជា ដើម្បីទិញកណ្ដុរ</p>
<p><br />លោក ហ៊ាន វ៉ានហន មន្ដ្រីម្នាក់របស់ក្រសួងកសិកម្មនៃកម្ពុជា មានប្រសាសន៍ថា មុខជំនួញសាច់<br />កណ្ដុរ ក៏ជួយការពារស្រូវអង្ករ ដំណាំ ពីការបំផ្លាញរបស់សត្វកណ្ដុរផងដែរ។ លោកថ្លែងថា ៖ <br />“ការប្រមាញ់កណ្ដុរស្រែ មកធ្វើជាអាហារ ឬយកទៅលក់ បានជួយរក្សាដំណាំស្រូវមិនតិចនោះ<br />ទេ”។</p>
<p style="text-align: center;"><a class="thickbox" title="" href="/FileManager/Commons/2014/9/18/mouse5-18-09-2014--16-42-27.jpg"><img src="/FileManager/Articles/mce/2014/9/18/mouse5-18-09-2014--16-42-27.jpg" alt="" /></a></p>
<p style="text-align: center;">អ្នកជំនួញសាច់កណ្ដុរខ្លះ ត្រូវធ្វើកណ្ដុរដោយខ្លួនឯង មុននឹងយកសាច់ទៅលក់</p>
<p><br />នៅក្បែរព្រំដែន កម្ពុជា វៀតណាម ក្នុងតំបន់កោះធំ ធឿង ត្វឹន (អាយុ ៣០ឆ្នាំ) កំពុងតែលាត់<br />ស្បែកកណ្ដុរ ហើយនៅក្បែរនាង គឺមាន “ជំនួយការ” ម្នាក់ អាយុ ១៣ឆ្នាំ ឈ្មោះ មិញ តួនាទី<br />របស់អ្នកជំនួយការនេះ គឺចាប់យកកណ្ដុរចេញពីទ្រុង និងសម្លាប់វា។ គ្រួសារជនជាតិវៀតណាម<br /> មួយនេះ គឺជាមូលដ្ឋានជំនួញធំបំផុត នៅស្រុកខ្មែរ ក្បែរច្រកព្រំដែន កោះធំ។ នាងធឿង ត្វឹន <br />និយាយថា “អតិថិជនជាច្រើន ក្នុងតំបន់ និងក្រៅតំបន់ តែងតែចូលចិត្តមកទិញសាច់កណ្ដុរពីគ្រួ<br />សារខ្ញុំ។ ពួកគេចូលចិត្តកណ្ដុរធាត់ វាឆ្ងាញ់ជាងសាច់ជ្រូកទៅទៀត៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ BBC<br /><br /></p>