<div class="article-content">
<p><strong>កំពង់ចាមៈ</strong>កម្លាំងសមត្ថកិច្ច នគរបាល ព្រហ្មទណ្ឌកម្រិតស្រាល ដឹកនាំដោយ លោក ចាន់ ហោ<br /> អនុប្រធានការិយាល័យ កណ្តាល នគរបាលព្រហ្មទណ្ឌ បានឃាត់ ខ្លួនព្រះសង្ឃ មួយអង្គមាន<br />ឋានៈ ជាអនុគុណស្រុកចំការលើ និងជាចៅ អធិការ វត្តទែតក្នុង ខណៈសង្ឃកំហូចអង្គនោះ <br />ចេញពីច្រៀងខារ៉ាអូខេយីហោ វីឡា កាលពី វេលាម៉ោង១ រំលងអាធ្រាតុ ចូលថ្ងៃទី២០ ខែមិនា <br />ឆ្នាំ២០១៣ ស្ថិតក្នុងភូមិទី២ សង្កាត់វាលវង់ ក្រុងកំពង់ចាម។</p>
<p>នាយការិយាល័យ នគរបាលព្រហ្មទណ្ឌ កម្រិតស្រាល លោក សុខ សំបូរ បានប្រាប់ឲ្យដឹងថា <br />សង្ឃដែលសមត្ថកិច្ច ចាប់ខ្លួន មានឈ្មោះ ឆៃ រុណ អាយុ៤០ឆ្នាំ មានឋានៈជាអនុគណ ស្រុក<br />ចំការលើ និងជាចៅអធិការវត្តទែតក្នុង ស្ថិតក្នុងឃុំបុសខ្នុរ ស្រុកចំការលើ ខេត្តកំពង់ចាម ។ <br />នាយការិយាល័យដដែលបានឲ្យដឹងទៀតថា ឈានទៅធ្វើការឃាត់ខ្លួនសង្ឃរូបនោះ ផ្តើមចេញ<br />ពីមានប្រជាពលរដ្ឋ បានរាយការណ៍មកសមត្ថកិច្ច របស់លោក ថាមានសង្ឃ១អង្គ បានដោះស្បង់<br />ចីវរ ចូលច្រៀង ខារ៉ាអូខេ យីហោ វីឡា ។ ក្រោយពីទទួលព័ត៌មាននោះ លោក បានសុំគោលការ<br />ពីលោក ឧត្តមសេនីយ៍ត្រី ស្នងការ ឆាយ គឹមសុន ក៏ដូចជាលោក ស្នងការរង ទទួលផែនព្រហ្ម-<br />ទណ្ឌ ជឹម សេងហុង និងបានការអនុញ្ញាត ពីស្ថាប័នអាយ្យការ ផងនោះ ទើប សមត្ថកិច្ចយើងឃ្លាំ<br />ចាំរហូតដល់ សង្ឈអង្គនោះ ចេញពីច្រៀងក៏ធ្វើការឃាត់ខ្លួនតែម្តង។</p>
<p>លោក សុខ សំបូរបានឲ្យដឹងទៀតថា នៅយប់កើតហេតុ សង្ឃអង្គនោះចាប់ផ្តើមច្រៀង តាំងពី<br />វេលាម៉ោង ៨យប់ នៅក្នុងបន្ទប់ មួយដែលមាននារីកំដរ៤នាក់ លុះច្រៀងនិងផឹក ស្រាបៀរអស់<br />៥កំប៉ុង រហូតដល់ម៉ោងជាង១២យប់ ទើបចេញមាន បុរស ២នាក់ បើករថយន្តឡង់គ្រីស័រ សេរី<br />ឆ្នាំ១៩៩៥ មកទទួល ទើបសមត្ថកិច្ច យើងដែលឃ្លាំនៅទីនោះ បានធ្វើការឃាត់ ខ្លួនតែម្តង ។ <br />លោក សុខ សំបូរ បានបន្តថា តាមការស្រាវជ្រាវ សមត្ថកិច្ចយើងដឹងថា សង្ឃអង្គនោះ តែងតែ<br />ប្រព្រឹត្ត ដូច្នេះរយៈពេល ៥ឆ្នាំមកហើយ ដែលជារៀយៗ សង្ឃអង្គនោះ តែងតែ ជួលរថយន្ត និងមានបុរសរួមដំណើរពីរនាក់ទៀតម្នាក់ជាម្ចាស់ថយន្ត បានដឹកសង្ឃនោះ ចូលច្រៀង ហើយ<br />បុរស២នាក់នោះ ត្រូវបានសង្ឃនោះឲ្យទៅច្រៀងកន្លែងផ្សេង លុះពេលចេញពី ច្រៀង ទើប<br />ទូរស័ព្ទហៅអ្នកបើករថយន្ត មកទទួលត្រឡប់ទៅវត្តវិញ ។</p>
<p>នាយការិយាល័យបានបន្តថា មុនពេលចូលច្រៀង សង្ឃរូបនោះ បានដោះស្បង់ជីពរចេញច្រក<br />ថង់ទុកក្នុងរថយន្ត ហើយពាក់ ស្បែកជើងប៊ូ និងពាក់ខោអាវធម្មតា និងមានពាក់មួកកន្តឹបស្បែក<br />ពណ៌ខ្មៅ ។លោក សំបូរ បានឲ្យដឹងផងដែរថា សង្ឃអង្គ នោះ សមត្ថកិច្ចកំពុងច្រងក្រង សំណុំ<br />រឿងទៅតាមនិតិវិធី បញ្ជូនទៅសាលាដំបូង ដើម្បីចាត់ការបន្ត ។</p>
<p>ទាក់ទិនទៅនិង ករណីខាងលើនោះ លោក ស្រី សុភ័ក្រ ប្រធានមន្ទីរធម្មការ និងសាសនា ខេត្ត<br />កំពង់ចាមបានមានប្រសាសន៍ ថា ទង្វើរបស់បុគ្គលម្នាក់នេះ វាមិនមានពាក់ព័ន្ធដល់ព្រះពុទ្ធសាស-<br />នា យើងទេដោយហេតុថា បុគ្គលម្នាក់ នេះ មុនពេលចូលច្រៀងខារ៉ាអូខេនោះ គាត់បានផ្សឹកខ្លួន<br />ឯងរួចទៅហើយ ។</p>
<p>បានន័យថា បុគ្គលនេះ គ្មានពាក់ស្បង់ជីពរចូលក្នុងបន្ទប់ខារ៉ាអូខេនោះទេ។ លោក ប្រធានមន្ទីរ<br /> បានបន្ថែមទៀតថា ជាធម្មតា សង្ឃត្រូវផ្សឹកនៅចំពោះមុខឧបឈា ឬចំពោះមុខសង្ឃអង្គណាមួយ<br /> ប៉ុន្តែបុគ្គលនេះបានផ្សឹកខ្លួនឯង រួចហើយ ដូច្នេះ មិនជាប់ វិន័យសង្ឃទេ ។ ហើយចំពោះបុគ្គលនេះ<br /> ក្រោយពេលបានដឹងដូច្នេះ មិនអនុញ្ញាត ឲ្យទៅបួសឬក៏ទៅគ្រងស្បង់ចីវរ បន្លំភ្នែកពុទ្ធបរិស័តវិញ<br />នោះទេ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0322.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0323.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0324.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>