<p><span style="color: #000000;"><strong>(អាមេរិក)៖</strong> ប្រធានាធិបតីសហរដ្ឋអាមេរិក លោក ប៉ារ៉ាក់ អូបាម៉ា នឹងក្លាយជាប្រធានាធិបតីសហរដ្ឋអាមេរិកដំបូងគេបំផុត ដែលទៅទស្សនកិច្ចនៅក្នុងទីក្រុងហ៊ីរ៉ូស៊ីម៉ា (Hiroshima) នាចុងខែឧសភានេះ នៅក្នុងដំណើរទស្សនកិច្ចជាផ្លូវការ នេះបើយោងតាមការចេញផ្សាយរបស់សារព័ត៌មាន Reuters ចេញផ្សាយនៅមុននេះបន្ដិច។</span></p>
<p><span style="color: #000000;">សេតវិមាន បានចេញផ្សាយប្រកាសនៅមុននេះបន្តិចថា លោក អូបាម៉ា នឹងទៅទស្សនកិច្ចទីក្រុង Hiroshima ស្ថិតនៅកោះ Honshu ដែលជាកន្លែងខូចខាតធំជាងគេបំផុតនៅក្នុងការទម្លាក់គ្រាប់បែកបរមាណូ នាសម័យសង្គ្រាមលោកលើកទី២ ដោយអាមេរិក។</span></p>
<p><span style="color: #000000;">នៅក្នុងដំណើរទស្សនកិច្ចនេះ សេតវិមាន មិនបានបញ្ជាក់អ្វីបន្ថែមឲ្យលើសពីនេះឡើយ ប៉ុន្តែជនជាតិជប៉ុនរំពឹងថា លោក អូបាម៉ា នឹងទៅគោរពវិញ្ញាណក្ខន្ធអ្នកដែលបានស្លាប់ដោយសារការទម្លាក់គ្រាប់នោះ ហើយសុំទោសចំពោះទង្វើរបស់អាមេរិក៕</span></p>
<p><a class="thickbox" title="" href="/FileManager/Commons/2016/5/11/15-11-05-2016--10-35-16.jpg"><img src="/FileManager/Articles/mce/2016/5/11/15-11-05-2016--10-35-16.jpg" alt="" /></a></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី/រ៉យទ័រ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>