<p><span style="font-size: 12px; color: #000000;">បុរសស្រ្ដីគ្រប់រូបតែងប្រាថ្នាចង់ឱ្យស្បែករបស់ខ្លួនគ្មានមុន និងមានសុខភាពល្អ។ ទោះជាយ៉ាងណាក៏ដោយ ដោយសារការកើនឡើងភាពកខ្វក់ក្នុងបរិយាកាស និងល្អងធូលី វាបានក្លាយទៅជាបញ្ហាប្រឈមមួយសម្រាប់យើង។ មិនត្រឹមតែភាពកខ្វក់ និងល្អងធូលីប៉ុណ្ណោះទេ ដែលធ្វើឱ្យមុខរបស់យើងកើតមុន សូម្បីតែចំណីអាហារ ដែលយើងទទួលទានក៏ជាហេតុផលសំខាន់មួយផងដែរ នៅពីក្រោយការកើតមុនដ៏គួរឱ្យរំខាននេះ ។ មុនអាចកើតឡើងគ្រប់ពេលវេលា ហើយជាញឹកញាប់ វាធ្វើឱ្យមុខរបស់យើងឈឺ។ ប្រសិនបើអ្នកបានព្យាយាមគ្រប់វិធីដើម្បីកម្ចាត់មុនហើយ ប៉ុន្តែវាមិនទទួលបានផលអ្វីសោះនោះ អញ្ចឹងដល់ពេលដែលអ្នក គួរផ្លាស់ប្ដូររបបអាហាររបស់អ្នកហើយ។</span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2018/4/25/1-25-04-2018--10-03-06.png"><span style="color: #000000;"><img src="/FileManager/Articles/mce/2018/4/25/1-25-04-2018--10-03-06.png" alt="" /></span></a></span></p>
<p style="text-align: center;"><br /><strong><span style="color: #000000;">រូបតំណាង</span></strong></p>
<p><span style="color: #000000;">ការទទួលទានអាហារផ្សេងៗដូចជា អាហារចម្រាញ់ពីទឹកដោះគោ ម្ហូបអាហារហឹរ និងនំបុ័ង អាចបណ្ដាលឱ្យកើតមុនបាន។ ហើយអ្វីដែលគួរឱ្យភ្ញាក់ផ្អើលនោះ កាហ្វេក៏អាចជាហេតុផលមួយក្នុងចំណោមហេតុផលដែលបណ្តាលឱ្យកើតមុនលើផ្ទៃមុខរបស់អ្នកផងដែរ ។ យោងតាមវេជ្ជបណ្ឌិត Shilpa Arora ND បានឱ្យដឹងថា៖” មុនអាចកើតមានដោយសារការទទួលទានកាហ្វេច្រើនហួសប្រមាណ ប៉ុន្តែវាមិនមែនជាមូលហេតុតែម្យ៉ាងនេះនោះទេ។ មុនអាចកើតមានឡើងដោយសារតែអតុល្យភាពអ័រម៉ូន។ បុរសស្រ្ដី គួរជៀសវាងទទួលទានអាហារច្នៃ និងដាក់ស្ករក្នុងចំណីអាហារ បើមិនចង់កើតមុនលើផ្ទៃមុខ។ សូមទម្លាប់ទទួលទាន បន្លែផ្លែឈើល្អចំពោះសុខភាព ដែលមានតាមរដូវ”។ </span><br /> <br /><span style="color: #000000;"> ដើម្បីជៀសវាងការកើតមុន ដែលអ្នកមិនចង់បាន អ្នកគ្រាន់តែត្រូវកំណត់បរិមាណកាហ្វេ ដែលអ្នកទទួលទាន។ កាហ្វេ មានផ្ទុកនូវសារធាតុគីមី ដែលបង្កើនអរម៉ូនស្ត្រេស ព្រមទាំងបង្កើនការស្រូបយកជាតិកាឡូរីចូលក្នុងរាងកាយរបស់យើង។ ទោះជាយ៉ាងក៏ដោយ ភាពតានតឹងមិនមែនជាមូលហេតុចម្បងបណ្ដាលឱ្យកើតមុននោះទេ ប៉ុន្តែវាអាចធ្វើអោយស្ថានភាពកើតមុន កាន់តែអាក្រក់ឡើង។</span></p>
<p><span style="color: #000000;">ដូចដែលយើងធ្លាប់ដឹងមកហើយថា ទឹកមានសារៈសំខាន់បំផុតក្នុងការធ្វើឱ្យស្បែកមានភាពស្រស់ថ្លា និងមានសុខភាពល្អ ដូច្នេះការកង្វះជាតិទឹក អាចនាំអោយស្បែកមានបញ្ហា។ លោក Rupali Datta អ្នកប្រឹក្សាយោបល់ផ្នែកអាហាររូបត្ថម្ភ បានមានប្រសាសន៍ថា៖ "កាហ្វេ គឺជាថ្នាំបញ្ចុះទឹកមូត្រធម្មជាតិ។ ការទទួលទានកាហ្វេច្រើនពេក និងបំពេញបន្ថែមវាជាមួយនឹងអាហារខ្វះជីវជាតិ អាចនាំឱ្យខ្សោះជាតិទឹក ពីព្រោះជាតិអាស៊ីត ក្នុងរាងកាយ មានការកើនឡើង។ ។ "ការញ៉ាំកាហ្វេច្រើនហួសប្រមាណ អាចធ្វើឱ្យបាត់បង់ជាតិវីតាមីន និងសារធាតុរ៉ែសំខាន់ៗពីរាងកាយ ដែលបណ្តាលអោយរាងកាយខ្សោះជាតិទឹក និងអាចបណ្តាលអោយកើតមុន ៕</span></p>
<p><span style="color: #000000;"><a class="c_tab" href="http://facelinecambodia.com/?lang=kh" target="_blank"><img src="/FileManager/Articles/mce/2018/4/25/faceline-discount-25-04-2018--10-03-40.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ dntv</span></p>