<div class="article-content">
<p><strong>ភ្នំពេញ ៖</strong> មន្ដ្រីសន្ដិសុខឯកជនម្នាក់ ជា អ្នកមើលការពារសន្ដិសុខ យាមរថយន្ដម៉ូតូ របស់ភ្ញៀវ<br />នៅភោជនីយដ្ឋានបឹងមាស តាម បណ្ដោយផ្លូវជាតិលេខ ៦អា ក្នុងភូមិកៀនឃ្លាំង សង្កាត់ព្រែក<br />លៀប ខណ្ឌឫស្សីកែវ ត្រូវបានមនុស្សមួយក្រុម ដែលជាភ្ញៀវចូល ផឹកស៊ីនៅក្នុងហាងមួយនេះ <br />ចាប់វាយខ្នោះ យកទៅទម្លាក់ចោល នៅក្រសួងមហាផ្ទៃ ដោយខឹងមន្ដ្រីសន្ដិសុខរូបនេះ ជួយ<br />ស៊ីញ៉ូ រថយន្ដរបស់ខ្លួនថយក្រោយ រហូតទៅដល់ បុកដើមដូង បណ្ដាលឱ្យរងការខូចខាតផ្នែក<br /> ខាងក្រោយ ។</p>
<p>យោងតាមសេចក្ដីរាយការណ៍ ពីកន្លែង កើតហេតុបានឱ្យដឹងថា នៅវេលាម៉ោង១១ និង០៥នាទី<br />យប់ ថ្ងៃទី១៩ ខែឧសភា ឆ្នាំ ២០១៣ មានមនុស្សមួយក្រុមជិះរថយន្ដ ម៉ាក លុច្សស៊ីសRX 300 <br />ពណ៌ខ្មៅ ពាក់ ស្លាកលេខ ភ្នំពេញ 2M-2733 ក្នុងនោះស្រី ២នាក់ ប្រុសម្នាក់ បានចូលទៅផឹកស៊ី<br />នៅក្នុង ហាងបឹងមាស ។</p>
<p>សេចក្ដីរាយការណ៍បានបន្ដថា ក្រោយពី ផឹកស៊ីរួច ជនបង្កទាំង ៣នាក់នេះ បានចេញ ពីក្នុងហាង<br /> ក៏ចូលទៅក្នុងរថយន្ដបើកថយ ក្រោយ ដោយមានការជួយស៊ីញ៉ូពីសំណាក់ សន្ដិសុខ យាមរថ<br />យន្ដម៉ូតូនៅខាងមុខហាង។ ប៉ុន្ដែដោយសារជាន់ហ្គ្រែរខ្លាំងពេក បណ្ដាលឱ្យរថយន្ដថយក្រោយ<br />យ៉ាងលឿន ជ្រុលទៅបុកដើមដូង បណ្ដាលឱ្យរងការខូច ខាតផ្នែកខាងក្រោយ យ៉ាងខ្លាំង ធ្វើឱ្យ<br />ម្ចាស់ រថយន្ដខឹងច្រឡោតតោតតូង រហូតដល់ យកខ្នោះទៅវាយសន្ដិសុខរូបនេះ ញាត់ចូលក្នុង<br />រថយន្ដ រួចហើយយកទៅទម្លាក់នៅ ក្រសួងមហាផ្ទៃ ។</p>
<p>បើតាមសេចក្ដីរាយការណ៍លុះមួយសន្ទុះ ក្រោយមកគេបានឃើញសន្ដិសុខរូបនេះ ត្រឡប់ទៅ<br />វិញ ។ សន្ដិសុខដែលរងការធ្វើ បាបពីសំណាក់ភ្ញៀវចូលទៅផឹកស៊ី នៅក្នុង ភោជនីយដ្ឋានបឹង<br />មាស ខាងលើនេះត្រូវ បានគេស្គាល់ឈ្មោះ មុំ សៀន អាយុ ២៧ឆ្នាំ មានស្រុកកំណើត នៅ<br />ស្រុកសំរោង ខេត្ដ តាកែវ ។យ៉ាងណាក៏ដោយពុំមានប្រភព ព័ត៌មានច្បាស់ការណ៍ណាមួយ <br />បញ្ជាក់ពី អត្ដសញ្ញាណ និងតួនាទីរបស់ក្រុមបង្កជិះ រថយន្ដខាងលើនេះទេ ៕</p>
<p style="text-align: center;">:<img src="http://image.dap-news.com:81/dap-news/dap-images/2013/May/id-067/CH-0621.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>