<div class="article-content">
<p><strong>ភ្នំពេញ ៖</strong> នគរបាលប៉ុស្តិ៍រដ្ឋបាលព្រៃវែង ធ្វើការឃាត់ខ្លូនបុរសជាថៅកែ ចិញ្ចឹមគោម្នាក់ ក្នុងករណី<br />ប្រើអំពើ ហិង្សាលើកុមារមិនទាន់គ្រប់អាយុ បន្ទាប់ពីទទួលបានពាក្យបណ្តឹងពីសមាជិកក្រុម គ្រួសារ<br />ជនរងគ្រោះ។</p>
<p>ការឃាត់ខ្លួនថៅកែចិញ្ចឹមសត្វគោខាងលើនេះ កាលពីវេលាម៉ោង ១១និង២០នាទីព្រឹក ថ្ងៃទី០៨ ខែ<br />មិថុនា ឆ្នាំ ២០១៣នៅចំណុចក្នុងកសិដ្ឋានចិញ្ចឹមគោក្នុងភូមិរវៀង សង្កាត់ព្រៃវែង ខណ្ឌដង្កោ ។</p>
<p>ថៅកែចិញ្ចឹមគោ ដែលត្រូវសមត្ថកិច្ចឃាត់ខ្លូនខាងលើនេះ ឈ្មោះ ជិន បូរ៉ាជាតិ ភេទប្រុស អាយុ៥០<br />ឆ្នាំ រស់នៅ ភូមិកំរៀង សង្កាត់ព្រៃវេង ខណ្ឌដង្កោ ។ ដោយឡែកកុមាររងគ្រោះទាំងពីរនាក់បងប្អូនទី១<br />ឈ្មោះ សុខ ចន្នី ភេទ ស្រី អាយុ១៥ឆ្នាំ និងទី២ឈ្មោះ សុខ ពន្លក ភេទប្រុស អាយុ១០ឆ្នាំ ជាកុមារកំ<br />ព្រា មានបងស្រីពីរនាក់រស់នៅ ភូមិសំរោងធំ សង្កាត់សំរោងធំ ស្រុកកៀនស្វាយ ខេត្តកណ្តាល។</p>
<p>តាមប្រភពព័ត៌មានពីមន្ត្រី នគរបាលប៉ុស្តិ៍រដ្ឋបាលព្រៃវែង ដែលបានធ្វើការសួរនាំកុមារទាំងពីរនាក់<br />បងប្អូន ត្រូវ បានគេចាប់យកទៅធ្វើការនោះ បាននិយាយថា រូបគេទាំងពីរនាក់បងប្អូនបានមក បំរើ<br />ការងារនៅផ្ទះលោក ជិន បូរ៉ាជាតិ តាំងពីថ្ងៃទី០៩ ខែឧសភា ឆ្នាំ២០១១ មកម្ល៉េះ រហូតមកដល់ពេល<br />នេះ មិនដែលទទួលបានប្រាក់ខែ នោះទេ ដោយឈ្មោះជិន បូរ៉ាជាតិ ប្រើពួកគេឲ្យមើលថែរក្សាសត្វ<br />គោ ២៣ក្បាល និងសត្វឆ្កែជាច្រើនក្បាល ព្រមទាំងមើល ថែសត្វក្ងានផងដែរ។</p>
<p>លើសពីនេះទៀត ពួកគេទាំងពីរនាក់ ត្រូវក្រោកពីព្រលឹងជារៀងរាល់ថ្ងៃ ដើម្បីធ្វើការបោសអាចម៍<br />គោ និងសំអាត កន្លែងចិញ្ចឹម គោ និងឲ្យចំណីសត្វឆ្កែ ព្រមទាំងមើលថែ សត្វក្ងាន រហូតដល់ម៉ោង<br /> ១០យប់ ទើបបានចូលដេក ។ ចំណែកការហូបចុកមួយថ្ងៃបានតែម្តង គឺនៅពេលព្រឹក ហើយមិន<br />ដែលហូបឆ្ងាញ់នោះទេ។</p>
<p>កុមារពីនាក់បងប្អូនបានបន្តទៀតថា នៅថ្ងៃខ្លះ ពេលដែលពួកគេធ្វើការមិនបានល្អ ថៅកែរូបនោះ<br />តែងតែវាយធ្វើ បាបពួកគេ ដោយយកខ្សែគោវាយជាំពេញខ្លួន នឹងយកអាចម៍គោញាត់មាត់ពួកគេ<br />ថែមទៀត។</p>
<p>បច្ចុប្បន្ន ថៅកែ គោ ឈ្មោះ ជិន បូរ៉ាជាតិ ត្រូវសមត្ថកិច្ចឃាត់ខ្លួន យកទីកាន់ទីស្នាក់ប៉ុស្តិ៍ ដើម្បីចាត់<br />ការតាម នីតិវិធី៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-010/chanroth013-june-139.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-010/chanroth013-june-138.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-010/chanroth013-june-140.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>