<p><span style="color: #000000;"><strong>(ភ្នំពេញ)៖</strong> ករណីបាញ់ប្រហារជិត១០គ្រាប់សំដៅចូល ក្លឹប Epic ដែលមានទីតាំងស្ថិតនៅក្បែរស្ថានទូតរុស្ស៊ី សង្កាត់ទន្លេបាសាក់ ខណ្ឌចំការមន នៅម៉ោងប្រមាណ៣ព្រឹកទៀបភ្លឺថ្ងៃទី១៩ ខែធ្នូ ឆ្នាំ២០១៦នេះ បណ្តាលឲ្យបុរសសន្តិសុខម្នាក់រងរបួសធ្ងន់ធ្ងរនោះ ត្រូវបានមន្រ្តីនគរបាលមូលដ្ឋានបញ្ជាក់ថា គឺផ្តើមចេញពីជម្លោះបោកកែវនៅខាងក្នុងក្លឹបកំសាន្ត។</span></p>
<p><span style="color: #000000;">ជាមួយគ្នានេះនាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ បានបញ្ជាឲ្យធ្វើការស្រាវជ្រាវ និងបើកការស៊ើបអង្កេតជាបន្ទាន់ ដោយសម្រេចបង្កើតគណ:កម្មការមួយ ធ្វើការលើករណីបាញ់ប្រហារជាង១០គ្រាប់នេះ។</span></p>
<p><span style="color: #000000;">មន្រ្តីនគរបាលមូលដ្ឋាន បានប្រាប់អង្គភាព Fresh News នៅព្រឹកថ្ងៃទី១៩ ខែធ្នូ ឆ្នាំ២០១៦នេះថា ករណីនេះមុនពេលកើតហេតុ ជនបង្កមានគ្នា២នាក់ ជិះម៉ូតូធំពណ៌សមួយគ្រឿង បានចូលទៅផឹកស៊ីនៅក្នុងក្លឹប ហើយពេលនោះមានជម្លោះជាមួយភាគីម្ខាងទៀត រហូតបោកកែវទៀតផង។ ក្រោយមកជននេះបានចាក ចេញពីក្លឹប លុះមួយសន្ទុះក្រោយមកក៏បើកម៉ូតូត្រឡប់មកវិញ ហើយបើកការបាញ់រះចូលទៅក្នុងក្លឹបបណ្តាលឲ្យបែកកញ្ចក់ និងបានបណ្តាលត្រូវបុរសសន្តិសុខម្នាក់ រងរបួសចំភ្នែកខាងឆ្វេង និងបាក់ជើងខាងស្តាំ។</span></p>
<p><span style="color: #000000;">ក្រោយបាញ់រះហើយ ជនបង្កទាំង២នាក់ បានបើកម៉ូតូគេចខ្លួនបាត់ស្រមោលតែម្តង ហើយនៅពេលនេះកម្លាំងសមត្ថកិច្ចកំពុងតែបើកការស្រាវជ្រាវផងដែរ៕</span></p>
<p><span style="color: #000000;"><img src="http://image.freshnewsasia.com/2016/001/12/fn-2016-12-19-07-03-57-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/12/fn-2016-12-19-07-03-57-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/001/12/fn-2016-12-19-07-03-57-2.jpg" alt="" width="730" /></span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F658980574273737%2F&show_text=0&width=500" frameborder="0" width="500" height="415"></iframe></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>