<p>ព័ត៌មានអន្តរជាតិ ៖ គួររំឭកថា តំបន់ដែលមានករណីចាប់បាន រលកសញ្ញា ជឿថា ចេញពីប្រអប់ខ្មៅ របស់ MH370 មកទល់នឹងពេល បច្ចុប្បន្នភាពនេះ ត្រូវ បានគេច្រានចោល ថាវាពុំមែនជាកន្លែងចុង ក្រោយនៃការបញ្ជប់ជីវិត របស់យន្តហោះ MH370 នោះទេ នេះបើតាមការអោយដឹងពីគេហទំព័រសារ ព័ត៌មានបរទេេស ប៊ីប៊ីស៊ី ក្រោយពីបានដកស្រង់ សម្តីមន្រ្តីផ្លូវការ របស់ប្រទេស អូស្រ្តាលី ។</p>
<p><a class="thickbox" title="" href="/FileManager/Commons/2014/6/2/10-02-06-2014--14-45-20.jpg"><img src="/FileManager/Articles/mce/2014/6/2/10-02-06-2014--14-45-20.jpg" alt="" /></a></p>
<p>សេចក្តីរាយការណ៍ បន្ត បញ្ជាក់អោយដឹងថា ការសន្មត់ខាងលើនេះ អាចធ្វើទៅបាន ក្រោយពីយាន ស្រាវជា្រវ ក្នុុងទឹក មានសមត្ថភាពបំផុត ក្នុងការរុករក ឈ្មោះ The Bluefin-21 បានបញ្ចប់បេសកម្ម តាមរករលកសញ្ញា ក្រោមទឹករបស់ខ្លួន ខណៈពុំបានរកឃើញ តម្រុយអ្វីទាល់តែសោះ ។</p>
<p><a class="thickbox" title="" href="/FileManager/Commons/2014/6/2/11-02-06-2014--14-45-29.jpg"><img src="/FileManager/Articles/mce/2014/6/2/11-02-06-2014--14-45-29.jpg" alt="" /></a></p>
<p>គួរបញ្ជាក់ថា កិច្ចការប្រឹងប្រែង មកទល់នឹង ពេលបច្ចុប្បន្នភាព ត្រូវផ្តោតជាសំខាន់ឡើងវិញ នូវការ ពិនិត្យរាល់ទិន្នន័យ ធ្វើការវិភាគ និង អង្កេត បាតសមុទ្រ ក៏ដូចជា នាំយកនូវបណ្តាឧបករណ៍ជំនាញ ៗជាច្រើនផ្សេងទៀត ជាដើម ។ គួររំឭកថា យន្តហោះ របស់ក្រុមហ៊ុន អាកាសចរណ៍ ម៉ាឡេស៊ី MH- 370 បានបាត់ខ្លួន ដោយអាថ៍កំបាំង ចាប់តាំងពី ថ្ងៃទី ៨ មីនា មកម្ល៉េះ ក្នុងប្រតិបត្តិការដឹកអ្នកដំណើរ របស់ខ្លួន ពីទីក្រុង កូឡាឡាំពួរ ប្រទេសម៉ាឡេស៊ី ឆ្ពោះទៅកាន់ទីក្រុង ប៉េកាំង ប្រទេសចិន ។</p>
<p>ដោយប្រើប្រាស់ ទិន្នន័យ ផ្កាយរណប មន្រ្តីផ្លូវការ សន្មត់បានអោយដឹងថា យន្តហោះខាងលើ ដែល បានផ្ទុកមនុស្ស សរុបដល់ទៅ ២៣៩ នាក់ បាន បញ្ជប់ ដំណើរ របស់ខ្លួន នៅមហាសមុទ្រ ឥណ្ឌា ពោល ភាគខាងពាយព្យ ទីក្រុង Perth ប្រទេស អូស្រ្តាលី ៕</p>
<p><object width="498" height="427" data="http://www.youtube.com/v/2_7q5Yr_j4A&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/2_7q5Yr_j4A&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ប៊ីប៊ីស៊ី</p>