<p><span style="font-size: 12px; color: #000000;">ស្រ្ដីជាម្ដាយម្នាក់ បានស្នើសុំឱ្យជួយការពារកូនស្រីអាយុ ២២ ឆ្នាំរបស់គាត់ ប្រឆាំងនឹងបុរសម្នាក់ ដែលបានយកសាំងដុតនាងឱ្យឆេះរលួយសាច់ និងបន្ដគំរាមនាងថែមទៀត។</span></p>
<p><span style="color: #000000;">ស្រ្ដីជាម្ដាយអាយុ ៤៤ ឆ្នាំមកពីខេត្ដ Ubon Ratchathani បានប្រាប់រឿងរ៉ាវកូនស្រីរបស់គាត់ដល់លោកស្រី Pavena Hongsakula ដែលជាប្រធាន អង្គការមូលនិធិ Pavena ដើម្បីកុមារ និងស្រ្ដី នៅពេលដែលពួកគាត់ជួបគ្នានៅស្រុក Thanya Buri កាលពីថ្ងៃព្រហស្បតិ៍។</span></p>
<p><span style="color: #000000;">អ្នកស្រី បាននិយាយថា កូនស្រីរបស់អ្នកស្រី បានទទួលទានអាហារជាមួយមិត្ដភក្ដិ នៅក្បែរការិយាល័យរបស់នាង នៅក្នុងខណ្ឌ Bang Kholaem នាទីក្រុងបាងកក។ បុរសវ័យ ២៣ ឆ្នាំម្នាក់ ដែលឈ្មោះរបស់គេ មិនត្រូវបានបង្ហើបឱ្យដឹង បានបង្ហាញខ្លួន ដែលមើលទៅទំនងដូចជាស្រវឹងស្រា ហើយបានចោទកូនស្រីរបស់អ្នកស្រីថា មិនគោរពគេ ដោយគ្រាន់តែនាង ចេញទៅញ៉ាំអាហារជាមួយអតីតមិត្ដស្រីរបស់គេ។</span></p>
<p><span style="color: #000000;"><a class="thickbox" title="" href="/FileManager/Commons/2018/7/20/34-20-07-2018--10-14-29.PNG"><img src="/FileManager/Articles/mce/2018/7/20/34-20-07-2018--10-14-29.PNG" alt="" /></a><br /></span></p>
<p><span style="color: #000000;">កូនស្រីរបស់អ្នកស្រី បានឆ្លើយតបថា បុរសនោះ និងមិត្ដភក្ដិរបស់នាង បានចែកផ្លូវគ្នាហើយ ហើយពួកគេទាំងពីរ គួរតែមានជីវិតរស់នៅរៀងៗខ្លួន។ បុរសនោះ បានប្រាប់ក្រុមនារីៗ ដែលកំពុងញ៉ាំបាយថា គេនឹងយកភ្លើងមកដុតនាង ហើយក៏បានចាកចេញទៅ។</span></p>
<p><span style="color: #000000;">រយៈពេលប្រហែល ៣០ នាទីក្រោយមក បុរសនោះបានត្រឡប់មកវិញ ជាមួយនឹងសាំងមួយដប ហើយដើរតាមកកិតពីក្រោយកូនស្រីរបស់អ្នកស្រី ដោយចាក់សាំងទៅលើករបស់នាង និងកេះដែកកេះដុតតែម្ដង។ ក្រុមមិត្ដភក្ដិ ដែលកំពុងតក់ស្លុត បានព្យាយាមជួយពន្លត់ភ្លើង ហើយនាងត្រូវបានបញ្ជូនទៅព្យាបាលនៅមន្ទីរពេទ្យ Charoenkrung Pracharak។</span></p>
<p><span style="color: #000000;">ពលរដ្ឋរស់នៅក្នុងមូលដ្ឋាននោះ បានចាប់បុរសនោះ និងបានបញ្ជូនគេទៅកាន់ប៉ុស្ដិ៍ប៉ូលីស។ ប៉ុន្ដែក្រោយមក តុលាការបានដោះលែងគេឱ្យនៅក្រៅឃុំជាបណ្ដោះអាសន្ន។</span></p>
<p><span style="color: #000000;">ស្រ្ដីជាម្ដាយ បានបន្ថែមថា បុរសនោះបានបន្ដគំរាមកូនស្រីរបស់គាត់ និងមិត្ដភក្ដិរបស់នាង។ កូនស្រីរបស់អ្នកស្រីកំពុងសម្រាកព្យាបាលនៅមន្ទីរពេទ្យ ហើយកំពុងភ័យខ្លាចគ្រោះថ្នាក់ដល់ជីវិត។</span></p>
<p><span style="color: #000000;">អ្នកស្រី បានស្នើសុំឱ្យ អ្នកស្រី Pavena ជួយរៀបចំឱ្យមានកិច្ចការពារពីនគរបាលសម្រាប់កូនស្រីរបស់អ្នកស្រី និងមិត្ដភក្ដិរបស់នាង។</span></p>
<p><span style="color: #000000;">លោកស្រី បានដកស្រង់សម្ដីគ្រូពេទ្យមកនិយាយថា កូនស្រីរបស់អ្នកស្រីរងការរលាកកម្រិតទី២ នៅលើក ទ្រូង ខ្លួន និងអវៈយវៈដទៃទៀត ហើយចាំបាច់ត្រូវផ្ដល់ការព្យាបាលយ៉ាងតិច ១ ខែ ៕</span></p>
<p><span style="color: #000000;"><a class="c_tab" href="http://facelinecambodia.com/" target="_blank"><img src="/FileManager/Articles/mce/2018/7/20/faceline-20-07-2018--10-14-42.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ បាងកកប៉ុស្ដិ៍</span></p>