<div class="ja-content-main">
<div class="article-content">
<p><strong>ភ្នំពេញ៖</strong> បុរសមិនទានស្គាល់អត្តសញ្ញាណម្នាក់ បានបើក រថយន្តទំនើបរបស់ខ្លួនទម្លុះចូលក្នុងបា-បារាំង «ឡឹ សាំង ហ្សក» ទាំងព្រឹក ធ្វើឲ្យសម្ភារៈជាច្រើននៅក្នុងបារងការខូចខាត តែមិនបណ្តាលឲ្យនរណាម្នាក់រងរបួស នោះទេ។</p>
<p>ហេតុការណ៍បើករថយន្តបុកចូលបា-បារាំង ដែលគេសង្ស័យថា បណ្តាលមកពីអ្នកបើកបរមានការស្លន់ស្លោរនោះ បានកើតឡើងនៅវេលាម៉ោង៦ និង៣០នាទីព្រឹកថ្ងៃទី០៤ ខែកក្កដា ឆ្នាំ២០១៤នេះ ស្ថិតនៅតាមបណ្តោយផ្លូវ លេខ១៣៦ សង្កាត់ផ្សារកណ្តាល ខណ្ឌដូនពេញ។</p>
<p>សាក្សីនៅកន្លែងកើតហេតុ បានឲ្យដឹងថា នៅមុនពេលកើតហេតុបុរសជាម្ចាស់រថយន្តដ៏ថ្មីសន្លាងមួយគ្រឿង ពណ៌ ខ្មៅ ពាក់ស្លាកលេខ ភ្នំពេញ 2V-7971 បានបើករថយន្តចេញផ្ទះ ដែលស្ថិតនៅកន្លែងដែរនោះ បំណងចេញទៅធ្វើ ការ តែគេមិនដឹងថា ជនរងគ្រោះមានបញ្ហាអ្វីនោះទេ ស្រាប់បើករថយន្តស្ទុះទាំងកម្រោលបុកទម្លាយចូលទៅក្នុង បា-បារាំង «ឡឹ សាំង ហ្សក» តែម្តង។</p>
<p>ទោះបីជាយ៉ាងណាហេតុការណ៍ខាងលើ មិនបង្កឲ្យនរណាម្នាក់រងគ្រោះថ្នាក់នោះទេ តែសម្ភារៈជាច្រើននៅក្នុងបា បានរងការខូចខាត។ ក្រោយកើតហេតុជនបង្ក និងម្ចាស់បា បានស្រុះស្រួលមូលមតិទូទាត់សំណងដោយសន្តិ វិធី៕</p>
<p><img src="http://image.dap-news.com:81/dap-news/dap-images/2014/May/id-009/S-207.jpg" alt="" width="550" /></p>
<p><img src="http://image.dap-news.com:81/dap-news/dap-images/2014/May/id-009/S-208.jpg" alt="" width="550" /></p>
<p><img src="http://image.dap-news.com:81/dap-news/dap-images/2014/May/id-009/S-209.jpg" alt="" width="550" /></p>
<p style="text-align: right;"><br />ផ្តល់សិទ្ធិដោយ៖ ដើមអម្ពិល</p>
<div></div>
</div>
</div>