<p><span style="color: #000000;">ព័ត៌មានកីឡា៖ ថ្នាក់ដឹកនាំ Chelsea បានអះអាងខ្លាំងៗដល់មហាជនថា Barcelona នឹងប្រែប្រួល សមត្ថភាពជាមិនខាន ប្រសិនជាក្រុមអវត្ដមាន Lionel Messi ។ </span></p>
<p><span style="color: #000000;">ខ្សែប្រយុទ្ធជម្រើសជាតិ អាហ្សង់ទីន វ័យ ២៧ ឆ្នាំឈ្មោះថា Lionel Messi លេងក្នុងក្រុម Barcelona ហើយធ្វើឲ្យកក្រើកស្ទើរគ្រប់រដូវកាលនោះ បានត្រូវគេស្គាលថា គឺជាកីឡាករឆ្នើមបំផុតក្នុងក្រុម ដែលតែងនាំសំណាងឲ្យ Barcelona មិនតិចដងនោះទេ ។ ហើយមិនត្រឹមតែប៉ុណ្ណោះ បើសូម្បីតែ លោក Jose Mourinho ក៏មានការកោតសរសើរនឹងសមត្ថភាពផងដែរ ។ </span></p>
<p><span style="color: #000000;">លោក Jose Mourinho បានទទួចថា ក្នុងកំលុងពេល ១០ឆ្នាំ ប្រសិនជាគ្មានវត្ដមាន Messi នោះទេ ព្រឹត្ដិការណ៍ប្រកួតបាល់ក្នុងទឹកដីអឺរ៉ុប នឹងមានភាពប្រែប្រួល ជាមិនខាន។ Barcelona លេចមុខខ្លាំងជាងគេក្នុងព្រឹត្ដិការណ៍បាល់ប្រចាំនៅអឺរ៉ុប ដោយស្ថិតក្រោមការដឹកនាំរបស់ Frank Rijkaard, Pep Guardiola នឹង Luis Enrique ប៉ុន្ដែភាពលេចធ្លោទាំងនោះ ក៏ព្រោះតែ Messi ផងដែរ។ </span></p>
<p><span style="color: #000000;">Chelsea ធ្លាប់បែកធ្លាយដំណឹងថា មានទំនាក់ទំនងផ្ទេរជើង Messi ចេញកាលពីដើមឆ្នាំ ២០១៥ ប៉ុន្ដែគ្រប់យ៉ាងមិនបានសម្រេចនោះទេ ។ហើយមិនត្រឹមតែប៉ុណ្ណោះ ថ្នាក់ដឹកនាំក្រុម បានបដិសេធទាត់ចោលនូវ ដំណឹងនោះផងដែរ ។ </span></p>
<p><span><span><span style="color: #000000;"><a class="thickbox" title="" href="/FileManager/Commons/2015/5/20/5-20-2015-10-28-25-am-20-05-2015--10-33-45.png"><span style="color: #000000;"><img src="/FileManager/Articles/mce/2015/5/20/5-20-2015-10-28-25-am-20-05-2015--10-33-45.png" alt="" /></span></a></span></span></span></p>
<p style="text-align: right;"><span><span>ដោយ៖ អឿ អ៊ុយ</span></span></p>
<p style="text-align: right;"><span><span>ប្រភព៖ app.onefootball</span></span></p>