<p>ជាង ១០ ឆ្នាំមកហើយ ដែលនាយ កុយ និងនាយ ក្រឹម បាន កំប្លែងបែកក្រុមគ្នា គឺនាយកុយមាន<br />ក្រុមកំប្លែងមួយក្រុម និង នាយក្រឹមវិញក៏មានក្រុមដែរ បើទោះបីជាពួកគេមានក្រុម កំប្លែងរៀងៗ<br />ខ្លួន ក៏គោលដៅពួកគេគឺដូចតែគ្នាទេ គឺកំប្លែងក្នុង គោលបំណងធ្វើឱ្យទស្សនិកជន ខ្មែរទាំងក្នុង<br /> និងក្រៅស្រុក បានសើចសប្បាយរាល់ចុងសប្តាហ៍ ដែលប្រទេសជាតិ កំពុងតែមានសុខសន្តិភាព<br /> ពេញលេញក្រោមការដឹកនាំរបស់ប្រមុខ រាជរដ្ឋាភិបាលរបស់យើង។</p>
<p>យោងតាមប្រភពព័ត៌មានច្បាស់ការណ៍ពីស្ថានីយទូរទស្សន៍បាយ័ន បានឱ្យដឹងថា នាយកុយ និង<br />នាយក្រឹមនឹងចាប់ដៃគ្នាកំប្លែងឡើងវិញជាមួយនឹងតារាកំប្លែងរួម ក្រុមចាស់ៗដទៃទៀតដូចជា <br />យាយអឿន យាយយ៉យ តាវីតាមីនសេ នាយសង់ស៊ីស។ ប្រភពនេះក៏បានឱ្យដឹងបន្តទៀតថា <br />ដោយសារមានការចង្អុលបង្ហាញពី ថ្នាក់ដឹកនាំក៏បានសំណូមពរឱ្យនាយកុយ នាយក្រឹម ចាប់ដៃ<br />គ្នាកំប្លែងឡើងវិញសម្រាប់សម្ដែងនៅស្ថានីយទូរទស្សន៍បាយ័នតែ មូយប៉ុណ្ណោះ ដើម្បីចាប់ដៃគ្នា<br />ទាក់ទាញប្រជាប្រិយឡើងវិញ ដែលប្រាកដជាធ្វើឱ្យទស្សនិកជនសប្បាយសើចចុកពោះដូចគ្រា<br />មុន ព្រោះពួកគេសុទ្ធតែមានសមត្ថភាពសម្តែងដូចគ្នា ពិបាកនឹងរកក្រុមកំប្លែងណាប្រៀបធៀបបាន<br />ឡើយបន្តាប់ពីជាង ១០ឆ្នាំមកហើយ ដែលពួកគេប្រកាន់នូវគោលជំហរសម្ដែងតែក្រុមរៀងខ្លួនៗ<br />ប៉ុណ្ណោះ។</p>
<p><a class="thickbox" title="" href="/FileManager/Commons/2013/4/11/4-11-2013-4-10-24-pm-11-04-2013--16-10-59.png"><img src="/FileManager/Articles/mce/2013/4/11/4-11-2013-4-10-24-pm-11-04-2013--16-10-59.png" alt="" width="473" height="292" /></a></p>
<p>បើពិតដូច្នេះមែន ការចាប់ដៃគ្នាត្រឡប់ជាថ្មីរបស់នាយកុយ នាយក្រឹម នឹងធ្វើឱ្យកក្រើកឆាកបាយ័ន<br />ជាថ្មី និងធ្វើឱ្យទស្សនិកជនរង់ចាំទទួលយកទស្សនីយភាពកំប្លែងរួមគ្នានេះដោយ អន្ទះសារ ។ ការ<br />កំប្លែងរួមគ្នានេះ នឹងចាប់ផ្ដើមឆាប់ៗនេះនៅស្ថានីយទូរទស្សន៍បាយ័ន ក្នុងឱកាសឆ្នាំថ្មីប្រពៃណីខ្មែរ<br /> ឬ ក្រោយបុណ្យចូលឆ្នាំខ្មែររួច៕</p>
<p style="text-align: right;">ដោយ៖ សិលា<br />ប្រភព៖ ហេបភីខេមបូឌា</p>