<p><span style="color: #000000;"><strong>(ម៉ាកសី)៖</strong> ក្រុមបាល់ទាត់ម្ចាស់ផ្ទះបារាំង បានឡើងទៅជួបព័រទុយហ្គាល់ នៅវគ្គផ្តាច់ព្រ័ត្រដើម្បីដណ្តើមពាន UEFA Euro 2016 បន្ទាប់ពីទម្លាក់ក្រុមជើងខ្លាំងឥន្រ្ទីដែកអាល្លឺម៉ង់ ២-០ ក្នុងវគ្គ៤ក្រុម។</span></p>
<p><span style="color: #000000;">បារាំង មានឱកាសគ្រប់គ្រងបាល់តែ ៣៦ភាគរយប៉ុណ្ណោះក្នុងវគ្គទី១ រយៈពេល៤៥នាទី តែបានបើកការនាំមុខ១គ្រាប់មុននៅនាទីទី៤៥+២ ពីការទាត់បាល់ពិន័យប៉េណាល់ទីរបស់កីឡាករ Antoine Griezmann ដោយសារកំហុសរបស់ប្រធានក្រុម Toni Kroos ក្នុងប្រអប់គ្រោះថ្នាក់នៃពហុកីឡដ្ឋាន Stade Velodrome ស្ថិតក្នុងទីក្រុង Marseille។</span></p>
<p><span style="color: #000000;">តែយ៉ាងណាក៏ដោយ សម្រាប់ក្រុមម្ចាស់ពាន World Cup 2014 អាល្លឺម៉ង់ រឹតតែដុនដាបបន្ថែមទៀត នៅពេលដែលកីឡាករខ្សែការពារសំខាន់មកពីក្លឹប Bayern Munich, Jerome Boateng រមួលក្រពើប្តូចេញនៅនាទីទី៦៥ បានធ្វើឲ្យកីឡាករខ្សែប្រយុទ្ធ Antoine Griezmann រកបានគ្រាប់ទី២ ក្នុងការប្រកួតនេះនៅនាទីទី៧២ ហើយក៏ជាគ្រាប់បាល់ទី៦ ច្រើនជាងគេផងដែរក្នុងយុទ្ធនាការ ៤ឆ្នាំម្តងនេះនៅពីមុខអ្នកទស្សនាផ្ទាល់ចំនួន ៦៤០៧៨នាក់។</span></p>
<p><span style="color: #000000;">នេះជាលើកទី៣ហើយ សម្រាប់ក្រុមមាន់គកបារាំង ដែលបានឡើងទៅវគ្គផ្តាច់ព្រ័ត្រ ក្រៅពីធ្លាប់ឈ្នះពាន Euro នេះបាន២ដងដែរកាលពីឆ្នាំ១៩៨៤ ក្នុងទឹកដីរបស់ខ្លួន និងលើកទី២ នៅឆ្នាំ២០០០ នៅប្រទេសអង់គ្លេស ខណះដែល ព័រទុយហ្គាល់ ពុំទាន់ឈ្នះម្តងនៅឡើយទេ។</span></p>
<p><span style="color: #000000;">សូមបញ្ជាក់ផងដែរថា ម្ចាស់ផ្ទះបារាំង ត្រូវប៉ះព័រទុយហ្គាល់របស់ Cristiano Ronaldo នៅរាត្រីថ្ងៃអាទិត្យចុងសប្តាហ៍នេះ ម៉ោង២យប់រំលងអាធ្រាត្រ ឈានចូលព្រឹកថ្ងៃចន្ទ ទី១១ ខែកក្កដា ឆ្នាំ២០១៦ ដើម្បីដណ្តើមយកពាន UEFA Euro 2016 លើកទី១៥ នេះ នៅពហុកីឡដ្ឋាន Stade de France ស្ថិតក្នុងទីក្រុងប៉ារីសតែម្តង៕</span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-08-04-57-49-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-08-04-57-49-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-08-04-57-49-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-08-04-57-49-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-08-04-57-49-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>