<div class="article-content">
<p><strong>ភ្នំពេញ៖</strong> និស្សិតគណនេយ្យ នៅវិទ្យាស្ថានវ៉ាន់ដាម្នាក់ ត្រូវក្រុមចោរប្លន់ ប្រដាប់អាវុធ មានគ្នា<br />៣នាក់ ប្រដាប់ដោយកាំភ្លើងខ្លី មកធ្វើសកម្មភាពភ្ជង់ប្លន់ យកម៉ូតូម៉ាក ស្កុបពី មួយគ្រឿង បាន<br />សម្រេច រួចរត់គេចខ្លួន ទៅបាត់ដោយ សុវត្ថិភាព តែហេតុការណ៍នេះ មិនមានការផ្ទុះអាវុធ <br />បណ្តាលឲ្យស្រ្តីជាម្ចាស់ម៉ូតូរងរបួសឡើយ។ ករណី នេះ បានកើតឡើង កាលពីវេលា ម៉ោង <br />១៩ និង ១០ នាទីយប់ ថ្ងៃទី ១៨ ខែកញ្ញា ឆ្នាំ ២០១៣ មុខផ្ទះលេខ ២២០ ស្ថិតនៅតាមផ្លូវលេខ<br />៤៣០ សង្កាត់ទំនប់ ទឹក ខណ្ឌចំការមន ។</p>
<p>តាមប្រភពព័ត៌មាន ពីកន្លែងកើតហេតុបានឲ្យដឹងថា និស្សិតដែលរងគ្រោះ ខាងលើនេះ ឈ្មោះ<br /> ទិត្យ កន្និកា អាយុ៣១ឆ្នាំ ស្នាក់នៅក្បែរ ចំណុចកើតហេតុ ។</p>
<p>ជនរងគ្រោះបាននិយាយប្រាប់សមត្ថកិច្ចថា មុនពេលកើតហេតុ រូបគាត់បាន ជិះម៉ូតូមួយ គ្រឿង<br />ម៉ាក ស្កុបពី ពណ៌ស អត់មានស្លាកលេខ ទើបតែត្រឡប់ចេញ ពីវិទ្យាស្ថានវ៉ាន់ដាគណនេយ្យ <br />ភ្លាមនោះ នៅពេល ដែលរូបគាត់បន្ថយល្បឿន បំណងបត់ផ្លូវចូលផ្ទះ ស្រាប់តែលេចមុខជន<br />សង្ស័យ ៣នាក់ជិះម៉ូតូពីរគ្រឿង ប្រដាប់ ដោយកាំភ្លើង ជិះមកអែមធ្វើសកម្មភាពភ្ជង់គាត់ <br />ហើយគំរាមទារសោរ ជិះយកទៅបាត់តែម្តង ។</p>
<p>ក្រោយកើតហេតុ ជនរងគ្រោះបានទៅ ដាក់ពាក្យបណ្តឹង នៅអធិការដ្ឋាននគរបាល ខណ្ឌ<br />ចំការមន ដើម្បីសុំការអន្តរាគមន៍ ពីសមត្ថកិច្ច៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0421.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0420.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0419.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>