<div class="article-content">
<p><strong>បន្ទាយមានជ័យ៖</strong> ក្រោយពីមានការរិះគន់ ពីប្រជាពលរដ្ឋថា មានមន្រ្តី នគរបាល គ្មានសីលធម៌ <br />មានសម្តី និងកាយវិការ បែបមនុស្សព្រៃ លោក សៅ ប៊ុនរិទ្ធ នាយប៉ុស្តិ៍ នគរបាល អន្តោរប្រវេសន៍<br /> ច្រកទ្វារ អន្តរជាតិ ប៉ោយប៉ែត បានដកមន្រ្តីម្នាក់ បញ្ឈរជើងហើយ កាលពីព្រឹកថ្ងៃអាទិត្យទី៧ ខែ<br />កក្កដា ឆ្នាំ២០១៣ បន្ទាប់ពីរកឃើញថា មានកំហុស។</p>
<p>ប្រភពពី សមត្ថកិច្ច ច្រកទ្វារបាន ធ្លោយមាត់ថា មន្រ្តីនគរបាល ដែលត្រូវបានមេកើយ ដកហូត<br />តំណែង កាលពីថ្ងៃអាទិត្យនោះ មានឈ្មោះ ង៉ែត ឆឹង ដែលប្រចាំការ នៅចំណុច រូបសំណាក <br />តោពីរ នៃច្រកទ្វារអន្តរជាតិ ប៉ោយប៉ែត មានតួនាទី ចាំយកប្រាក់ពី រទេះដឹកកំទេច កំណាត់ រទេះ<br />អ្នកលក់បាយ រទេះលក់នំចំណី និងទឹកភេសជ្ជៈ ផ្សេងៗ ក៏ដូចជា ម៉ូតូឌុប ។</p>
<p>ដោយឡែក លោកសក្តិ២ អាំ សុទិន មានអត្តលេខ ៣៤១១៩ ដែលឈរជើង នៅចំណុចបារ៉ាស់<br /> ត្រួតពិនិត្យក្បែររង្វង់មូល ត្រូវបានមេកើយហៅ ទៅសួរនាំ និងធ្វើកិច្ចសន្យា ជាការព្រមានលើក<br />ទី១ ក្រោយពី រកឃើញថា មានកំហុស ដូចដែលប្រជាពលរដ្ឋ អាជីវករ អ្នករត់ម៉ូតូឌុប កម្មករអូស<br /> រទេះរិះគន់ថា គ្មានសីលធម៌ និងមានសំដីបែបមនុស្សព្រៃ ។</p>
<p>គួរបញ្ជាក់ថា បុគ្គលឈ្មោះ ង៉ែត ឆឹង គឺជាមន្រ្តីនគរបាល អន្តោប្រវេសន៍ ដែលចូល និវត្តន៍ជិត២ឆ្នាំ<br /> មកហើយ តែគេមិនដឹងថា មូលហេតុអ្វីបាន ជាមន្ត្រីចូលនិវត្តន៍រូបនេះ នៅតែ អាចធ្វើការស៊ីប្រាក់ខែ<br /> បានម៉ាសប្បាយទេ? ឬមួយក៏មន្ត្រី រូបនេះ ស៊ីស៊ុសជាមួយ មេប៉ុស្តិ៍ មេសេនាធិការ លេបថ្នាំពន្យា<br /> កំណើតត្រូវ? ទន្ទឹមគ្នានេះក៏មានមតិពីមន្រ្តីរាជការ ប្រជាពលរដ្ឋបានសរសើរថា លោក សៅ ប៊ុនរិទ្ធ<br /> ដែលជាមេបុស្តិ៍ នគរបាលអន្តោរ ប្រវេសន៍ លោកបានដឹកនាំកូនចៅ និងគ្រប់គ្រងការងារបានល្អធ្វើ <br />អោយច្រកទ្វារ មានរបៀបរៀបរយ សណ្ដាប់ធ្នាប់ល្អ សុវត្ថិភាព ដល់ភ្ញៀវជាតិ អន្តរជាតិ លើសពីនេះ<br /> កំណាត់ផ្លូវ ដែលខូចខាត ត្រង់បារ៉ាស់ ត្រួតពិនិត្យ លោកបានចាក់ បេតុង ជួសជុលឡើងវិញ សង់<br />បារ៉ាស់ថ្មី ធ្វើរោងយាម អោយកម្លាំងក្រោមឱវាទ ធ្វើការងារ បំពាក់ដោយម៉ាស៊ីន ត្រជាក់ និងកង្ហា <br />មិនអោយកូនចៅ ធ្វើការងារហាលភ្លៀង ហាលផ្គរ ហាលថ្ងៃដូច សម័យលោក ពេជ្រ សារ៉ន អតីត <br />មេប៉ុស្តិ៍ចាស់ទេ ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0360.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0361.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0362.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>