<p>ការផ្លាស់ប្ដូរមួយក្នុងចំណោមការប្ដូរផ្លាស់ធំៗរបស់ iPhone 6 នោះគឺទីតាំងរបស់ប៊ូតុងបិទ/បើក<br />ម៉ាស៊ីន នេះបើធៀបនឹងបណ្ដា iPhone ជំនាន់មុនៗ។</p>
<p>ទន្ទឹមនឹងបណ្ដាព័ត៌មាន និងរូបភាពទាក់ទិននឹងរចនារូបរាង ក៏ដូចជាប្រអប់របស់ iPhone 6 នៅ<br />លើទំព័រសារព័ត៌មាននានា ក៏ទើបតែនាំគ្នាដកស្រង់ និងចុះផ្សាយទិន្នន័យលំអិតថ្មី របស់ស្មាត<br />ហ្វូនដែលជិតនឹងបង្ហាញខ្លួននេះ។ រូបភាពមួយ ដែលត្រូវបានគេជឿថា ជាកាតណែនាំរបស់ <br />iPhone 6 ទើបត្រូវបានគេបង្ហោះលើបណ្ដាញសង្គម។</p>
<p style="text-align: center;"><a class="thickbox" title="" href="/FileManager/Commons/2014/8/27/iphone-au2-27-08-2014--11-50-14.jpg"><img src="/FileManager/Articles/mce/2014/8/27/iphone-au2-27-08-2014--11-50-14.jpg" alt="" /></a></p>
<p style="text-align: center;">រូបភាពដែលត្រូវគេជឿថា ជាកាតណែនាំ ក្នុងផ្នែកខាងលើ នៃប្រអប់របស់ iPhone 6<br /><br /></p>
<p>នៅលើកាតនេះ គេរកឃើញថា iPhone 6 នឹងមានប៊ូតុងបើក/បិទម៉ាស៊ីន នៅចំហៀងខាងស្ដាំ <br />ខុសពីកំណែមុនៗ ដែលនៅលើក្បាលទូរស័ព្ទ។ អ្នកវិភាគថា នេះគឺជាការប្ដូរផ្លាស់មួយ ដើម្បី<br />រក្សាភាពងាយស្រួល ក្នុងការប្រើប្រាស់ដោយសារតែទំហំរបស់ iPhone 6 ធំជាងកំណេមុន។</p>
<p>ក្រៅពីប៊ូតុងបើក/បិទម៉ាស៊ីន គេក៏ដឹងថា បណ្ដាគ្រាប់ចុចរឹងដទៃ ដូចជា ប៊ូតុងសម្លេង ប៊ូតុង <br />Home ដែលមានមុខងារស្កេតក្រយៅដៃ នៅតែរក្សាទីតាំងដូចកំណេមុន គឺខុសពីបណ្ដាព័ត៌មាន<br />ដែលត្រូវបានគេចុះផ្សាយកន្លងមក។ iPhone 6 ក៏ប្រើប្រាស់រន្ធតំណភ្ជាប់ Lighting ដូចទៅនឹង<br /> iPhone 5s ។</p>
<p style="text-align: center;"><a class="thickbox" title="" href="/FileManager/Commons/2014/8/27/gsmarena001-27-08-2014--11-52-02.jpg"><img src="/FileManager/Articles/mce/2014/8/27/gsmarena001-27-08-2014--11-52-02.jpg" alt="" /></a></p>
<p style="text-align: center;">រូបភាពបែកធ្លាយមុននេះ បង្ហាញអំពីទំហំ ទម្ងន់ របស់ iPhone 6<br /><br /></p>
<p>ទាក់ទងនឹងអង្គចងចាំ កាលពីប៉ុន្មានថ្ងៃមុន ទីភ្នាក់ងារសារព័ត៌មានជាច្រើន ចុះផ្សាយថា iPhone<br /> 6 ក៏នឹងមានកំណែ ដែលប្រើប្រាស់អង្គចងចាំ 128GB ប៉ុន្ដែព័ត៌មាននេះ មិនទាន់ត្រូវបានទទួល<br />ស្គាល់ជាផ្លូវការ ពី Apple នៅឡើយ។ យ៉ាងនេះក្ដី បណ្ដាព័ត៌មានមិនច្បាស់ការខាងលើ នឹងត្រូវ<br />បានស្រាយបំភ្លឺ នៅពេល iPhone 6 បង្ហាញវត្តមាន ក្នុងទីផ្សារ នាពីរសប្ដាហ៍ខាងមុខ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ macrumors<br /><br /></p>